Yohana 10:18 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

¹⁸ Ukutilĩ nukundeegelagiaa, ĩpa ĩne nuupũnilie uneene. Ntĩĩte usũũmi wa kuupũnua; ntĩĩte usũũmi wa kuusola kangĩ. Ilyangĩĩlio ĩlĩ alĩ naanũnkuĩle kwa kĩTata waane.”

Yohana 10:18 Referans Kwoze

Aebulania 2:9

ĩpa kwamuona ũYesu, uyo kwityũngo niino alĩ mutendue muniino kwikĩla ĩamalaĩka. Muene kunsooko ya ualaalĩki wa ukiu, wajialilue ĩngala ya ukulu nikyulio, koona kuukende wa kĩNzua waulũle uukiu kunsooko ya muntu wensi.

Tito 2:14

Uyu wayu nwĩpũnilie umuene kunsooko yĩĩtu, koona wakukomole kwipũna muuleki tũlũ, nukukĩeelelia umuene ĩantu atũle aakue, naatite wikamatĩkia kuutendi na uza.

Yohana 10:17

“Luulo gua uTata undoilue kunsooko nuupũnilie uuumi waane, koona nuusole kangĩ.

Yohana 14:31

ĩpa uunkũmbigyulu umane kĩna numuloilue uTata, iio nukutendaa kĩna uTata alundagĩlĩĩlie. Uukĩ kwĩĩni kulege kunu.”

Yohana 6:38

Kuitĩ sika alĩ ntimile kwipũna kwigyulu koona nĩtume uulooa waane, ĩpa uulooa waakue naaluntumile.

Yohana 15:10

Kanga mukendegeele ĩmalagĩĩlio maane, mukakikyala muuloogua waane, kĩna uneene naalĩ nĩmakendegelĩĩle ĩmalagĩĩlio ma kĩTata waane, nanikyala muuloogua waakue.

Yohana 10:11

“Ĩne neene numudĩĩmi namuuza. uMudĩĩmi namuuza ukuupũnagiaa uumĩ waakue kunsooko ya nkolo.

Utendi 3:15

namumuulaga uyo uMuandio wa upanga, uyo uNzua naalumũiukilie kwipũna muakiu, nindiishie kuakuĩlli aakue.

Utendi 2:24

Ĩpa uNzua numũiukia, numutũnguĩla muuwai wa nkia, kunsooko sika alĩ ishũũmĩkile waguĩlue nduo.

Yohana 5:30

“Ĩne sika nishũũma kwitenda kalukaani ning'ene; kĩna nukũigagiaa iio nukulamulaa, nuulamuli waane wa kulukuuluu kunsooko sika nidũũma kaulooa waane uneene, ĩpa uuloa waakue naaluntumile.

Utendi 2:32

“ũYesu wayu uNzua naalumũiukilie, nindiishie tũlũ kuakuĩli a mpola izi.

Yohana 19:11

ũYesu nushookeelia, “Sika azũjile utĩĩte uusũmi kainiino kumuane kanga ĩsika alumupeegue kwipũna kukiania. Luulo gua, uyo numbĩkile mumĩkono yaako utĩĩte mulandu mukulu nangũlũ.”

Yohana 10:15

kĩna uTata numanile ĩne nineene numumanile uTata; nuuumĩ waane nuupũnilie kunsooko ya nkolo.

Yohana 5:26

Iio gua, kĩna uTata utĩĩte upanga umuene, iio-iioo numupeela uMuana wĩĩ nuupanga umuene.