Yohana 10:15 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

¹⁵ kĩna uTata numanile ĩne nineene numumanile uTata; nuuumĩ waane nuupũnilie kunsooko ya nkolo.

Yohana 10:15 Referans Kwoze

Yohana 10:11

“Ĩne neene numudĩĩmi namuuza. uMudĩĩmi namuuza ukuupũnagiaa uumĩ waakue kunsooko ya nkolo.

Agalatia 1:4

Muene alĩ wĩpũnilie kunsooko ya mĩlandu yĩĩtu kuulooa wa kĩNzua Tata wĩĩtu, koona wakugũne kwipũna muubĩĩ wa unkũmbigyulu uu naukoolĩ ĩpaino.

1 Yohana 2:2

Muene pyolia kunsooko yamĩlandu yĩĩtu; sika kunsooko ya mĩlandu yĩĩtu udũũ, ĩpa kunsooko ya mĩlandu ya unkũmbigyulu tũlũ.

Matayo 11:27

“Tũlũ yensi napĩĩlue nuTata waane; kutilĩ numulĩngile uMuana, isiititũla uTata; kangĩ kutilĩ numulĩngile uTata, isiititũla uMuana, nunuasio wensi uMuana nusiiile kukumukũnukũĩla.

1 Petelo 3:18

Kuitĩ uKilisito nduyo alukiile kamuĩ dũũ kunsooko ya mĩlandu, munakulukuuluu kunsooko yaao nasika anakulukuuluu, koona wakutuale ishie kwa kĩNzua; nuulagua umuĩlĩ ĩpa ĩnkolo yaakue nĩpangatigua.

1 Petelo 2:24

Uzo muene alĩ wĩĩkenkile ĩmĩlandu yĩĩtu mumuĩlĩ waakue mwikyota, lya mpaga itĩ nakutũla akiu mumpola za mĩlandu, kutũle apanga mumpola za kulukuuluu. Numuutiunulua waakue namukamigua.

Aepeso 5:2

Mugendele muuloogua kĩna uKilisito naalumuloogilue inie, nwĩsuula kunsooko yĩĩtu, wĩĩ pyũnio nipyolia kwa kĩNzua, kwitũla munũnku namuuza.

Yohana 15:13

Ukutilĩ nutĩĩte uloogua naukulu kwikĩla uu, umuntu wapũnie uuumĩ waakue kunsooko ya asuaĩĩa.

Matayo 20:28

Kĩna iio uMuana-muntu sika wijile kukĩtumĩlua, ĩpa kukĩtuma, nukwipũnia uuumĩ wakue wĩĩ kĩkomoli kunsooko ya iingĩ.”

Yohana 17:25

Tata mukola kulukuuluu, uunkĩmbigyulu sika ukumanile ue, ĩpa ĩne nukumanile ue, nĩndĩĩa amanile kĩna uue alutumile.

Yohana 6:46

Ukutilĩ naalumuoomie uTata isiititũla umuene nupũnile kwa kĩNzua, wayu alumuoonie uTata.

Yohana 1:18

Kutilĩ numuoonie uNzua ityũngo liensi; uMuana wing'ene nuĩlĩ mukĩkũa kya kĩTata, muene alumukũnukuĩle.

Luka 10:21

iTyũngo lĩĩlo-lĩĩloo nulumbĩĩlia mwa kĩMuau Muelu, nuũga; Nakusongelia Tata, Shekulu wigyulu nĩnsĩĩ, kuitĩ waapisĩle izi ĩanamasala nuusugũ, nuakũnukuĩla naatakata. Eeze Tata, kuitĩ iio alĩ umuloeeligue.

Tito 2:14

Uyu wayu nwĩpũnilie umuene kunsooko yĩĩtu, koona wakukomole kwipũna muuleki tũlũ, nukukĩeelelia umuene ĩantu atũle aakue, naatite wikamatĩkia kuutendi na uza.

Agalatia 3:13

uKilisito alukukomuĩle kwipũna mũjũmo lya Ulagĩĩlio pĩna alutũlile jũmo kunsooko yĩĩtu, kuitĩ yandĩkue, “Wazũmaguaa wensi namutumbĩkue mwikyota,”

Yohana 8:55

Niniinie sika mumumanile, ĩpa ĩne numumanile. Kangambũge sika numumanile nikitũla mulongo zĩ uniinie; ĩpa numumanile, nulukaani luakue nulukendegelĩĩle.

Luka 10:22

Tũlũ yensi napeegilue nuTata waane; kutilĩ numulĩngile uMuana isiititũla uTata, kangĩ wensi kutilĩ numulĩngile uTata isiititũla uMuana kangĩ wensi uMuana nusiiile kukumukũnukulĩla.