Yohana 1:6 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

⁶ Nwigyelela muntu mutumue kwipũna kwa kĩNzua, ĩliina liakue Yohana.

Yohana 1:6 Referans Kwoze

Yohana 3:28

uNiinie munkuĩlĩĩle kĩna alĩ mbũgile, ĩne sika nĩKilisito, ĩpa numutumue ntongela yaakue.

Yohana 1:33

Nineene sika numuĩzĩ, ĩpa uzo naaluntumile kwibadĩĩzia kumaazĩ uuyo numbuĩla, ‘Uyo nukakumuona uMuau witima nukukikyala mumuakue, uuyo ukubadĩĩzagiaa kuMuau Muelu.’

Utendi 13:24

Pĩna alĩ wikaalĩ kalaaza nuasio, uYohana alutanantilie impola za ubadĩĩzo wa upeli kuantu tũlũ a Ĩsilaeli.

Luka 1:76

Nunduue muana, ukiĩĩtua munakĩdagu wa Nwa kukiania, Kuitĩ ukitongela pausiu wa kĩShekulu umuzĩpĩlĩlie injĩla zaakue;

Matayo 11:10

Kuitĩ uyu wayu naalĩ muandĩkĩlue, ‘Laaa, namutuma umutumua waane ntongela ya usiu waako, nukijĩpĩĩlia ĩnzĩla yaako ntongela yaako.’”

Luka 1:13

Ĩpa uMalaĩka numuĩĩla, “Lekioopoka Zakalia, kuitĩ uulompi waako wiigagiguaa, numusungu waako uElizabeti ukakukulelelia muana mugosia, ukakumuĩta ĩliina liakue Yohana.

Matayo 21:25

uUbadĩĩzo wa kĩYohana alĩ upũnile mpĩĩ? Alĩ upũnile kwigyulune kanga kuaana antu? Naĩĩ kĩsĩĩgia eene kueene, naiũga, Kanga kuũge upũnile kwigyulu, ukakukuĩĩla, ‘Nĩkĩ gua, sika namumusuĩĩla?’