Yohana 1:51 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

⁵¹ Numuĩĩla, “Tai-taaii namuĩĩla, mukakulĩona igyulu lyakũnukuka nĩamalaĩka a kĩNzua inankĩla nukwiiika muMuana-muntu.”

Yohana 1:51 Referans Kwoze

Utendi 7:56

Nuũga, “Laaĩ naona igyulu lyakũnukuka, nuMuana-muntu wĩĩmĩkile pamukono wa kĩgoosia wa kĩNzua.”

Luka 22:43

Paapo malaĩka kwipũna kwigyulu numũgyeleela numupeela ngũlũ.

Luka 2:13

Kumpũmpũkĩli iingĩ iyũmbĩ lya kwigyulu nayĩĩ yĩensi numalaĩka, naaa kumukũmazukia uNzua, naaũga

Maliko 14:62

ũYesu nushookeelia, “Ingĩ neene, Niniinie mukakumuona uMuana-muntu wikyalansile pamukono wa kĩgoosia nwa ngũlũ, ĩupolokile nĩmalũnde ma kwigyulu.”

Maliko 1:10

Ĩkamuĩ pĩna nupũna mumaazĩ, nuona igyulu nalĩkũnukuka, nuMuau zĩ nkunda, nutima mumuakue;

Matayo 3:16

Pĩna ũYesu nubadĩĩzigua, Ĩkamuĩ nupũna mumaazĩ; laaa, igyulu nalĩkũnukuka, numuona uMuau wa kĩNzua witima zĩ nkunda mumuakue;

Utendi 10:11

nuona igyulu lyakũnukuka, ĩkĩseme nakĩtimigua sunga pansĩ zĩ ntiila nkulu, namambigue impembe zaakue nazinĩĩ.

Luka 3:21

ĩAntu tũlũ pĩna naabadĩĩzigua, nũYesu pĩna nubadĩĩzigua pĩna alĩ wilompa, igyulu nalĩkũnukuka

Matayo 4:11

Paapo ũShetani numuleka; ityungo liilo ĩamalaĩka naaaza naakumutumĩla.

Ukũnukulua 19:11

Namona igyulu nalĩkũnukuka; laaa, mpalasi nzelu! Ninduyo naalumĩdaamĩlĩĩle ukuĩtagua Musuĩĩli, kangĩ Wa tai, nukukulukuuluu ukulamulaa nukukĩlasaa ulugu.

Ukũnukulua 4:1

Pĩna naikĩla yaasio, laaa gua namona luĩgĩ nalũgyũlĩkile kwigyulu! Nululi lwa muandio naalĩ nulũigilie zĩ luli lwidyede naluntambuĩla ĩne, naluũga, “Nankĩla sunga kwaku, nineene nĩkakukulagĩĩla impola nazijĩpĩĩle kwitũla pĩna zakĩla ĩzaasio.”

2 Atesaloniki 1:7

nukukumupeela inie namukuagagiguaa uusũũpio palumuĩ nindiishie, pityũngo lya ukũnukulua waakue ũshekulu Yesu kwipũna kwigyulu palumuĩ nĩamalaĩka a ngũlũ zaakue muwaakĩlo wa mooto,

Luka 2:9

Malaĩka wa kĩShekulu nũigyeleela nuweelu wa kĩShekulu nauamĩlĩkĩla tũlũ pensi; naoopooka pũũ.

Aebulania 1:14

ĩAasio tũlũ sika nkolone nazĩkĩtumaa, nantumue kukuatumĩla ĩaasio naikishaala uugũnua?

1 Timoteo 3:16

Kutilĩ kankankani, uunkũnkũ wa wĩtekeli wĩĩtu ingĩ ukulu. uNzua alĩ mũgyeleligue mumuĩlĩ, Nulĩngĩkigua kĩna munakulukuuluu mwa kĩMuau, Alĩ wigyelĩĩle kuamalaĩka, Nutanantigua pakatĩ ya ndugu, Nusuĩĩlua muna unkũmbigyulu, Nunansulua kukiania muukulu.

Yohana 10:1

“Tai-taaii namuĩĩla, nasika ukũingĩĩlaa pamulango wa mpongolo wa nkolo ĩpa wapũũtĩle pĩngĩ, unuasio ingĩ mũii kangĩ muleegelania.

Luka 22:69

Ĩpa kwipũna ĩpaino uMuana-muntu ukitũla wikyalansile pamukoono wa kĩgoosia wa ngũlũ ya kĩNzua.”

Matayo 25:31

“Pĩna ukiiiza uMuana-muntu muukulu waakue, nĩamalaĩka tũlũ palumuĩ nduyo, paapo ukakikyalansa mwityengu lya ukulu waakue,

Yuda 1:14

Nu Enoki naalĩ wĩleli wa mupũngatĩ kwipũna uAdamu, alupũnilie uunakĩdagu mumpola za aasio, nuũga, “Laaa, ũShekulu alupolokile nĩeelu aakue, magana ma nzogũ kiaka,

2 Atesaloniki 1:9

Ikikaasigua muoononeki wa kalĩ nakalĩ, nukwikamatulua kwipũna pausiu wa kĩShekulu, nuukulu wa usũũmi waakue,

Yohana 14:12

“Tai-taaii namuĩĩla, nusuĩlĩĩle mumuane, ĩmĩlĩmo nanĩkĩtuma ĩne nduzo ukakuĩtuma, kangĩ namĩkulu kwikĩla ĩĩ ukakĩtuma kunsooko nalongolaa kwa kĩTata.

Yohana 6:47

Tai-taaii namuĩĩla, nusuĩlĩĩle utĩĩte uupanga wa kalĩ nakalĩ.

Luka 24:4

Pĩna alĩ ikunguala kunsooko ya lukaani ulu, laaa antu abĩlĩ alĩ ĩĩmĩkile piipĩ nĩndĩo ajialile ntiila za kumĩlĩmĩnta;

Matayo 26:24

uMuana-muntu walongolaa kĩna alĩ muandĩkĩle, ĩpa ukĩa waakue gua, umuntu nuasio nukakumusakia uMuana-muntu! Taazu umuntu nuasio alĩ walekilelua.”

Yohana 21:18

Tai-taii nakuĩĩla, Pĩna alĩ umusumba ulukĩtũngaa nukwiumba kĩna umuloe, ĩpa pĩna ukinampaala, ukigolola ĩmĩkono yaako, wĩngĩ ukakukutũnga, ukakukutuala kĩna sikumuloe.”

Yohana 8:51

Tai-taaii namuĩĩla, tũlũ wensi kanga wakendegeele ulukaani luane sika ukiona kaukiu sunga ĩkalĩ nakalĩ.”

Yohana 6:32

ũYesu nuaĩĩla, “Tai-taaii namuĩĩla, sika Musa naalumupĩĩle ĩndia nya tai kwipũna kwigyulu, ĩpa uTata waane ukumupeelaa ĩndia nya tai kwipũna kwigyulu.

Yohana 3:5

ũYesu nushookeelia, “Tai-taaii nakuĩĩla, muntu kanga wasitilelua kumaazĩ nukwa kĩMuau, sika wishũũma kwiingĩla muutemi wa kĩNzua

Yohana 16:20

Tai-taaii namuĩĩla, mukikuuta kĩlĩlo nukwilĩla inie, ĩpa uunkũmbigyulu ukilumba; inie mukileetelua usungu, ĩpa uusungu waani ukikaĩlĩka wĩĩ ulumbi.

Yohana 13:16

Tai-taaii namuĩĩla, uMusese sika mukulu kwikĩla ũShekulu waakue, katia umutumua sika mukulu kwikĩla numutumile.

Yohana 10:7

Iio ũYesu nuũga kangĩ, “Tai-taaii namuĩĩla, Ĩne neene numulango wa nkolo.

Yohana 6:53

Paapo ũYesu nuaĩĩla, “Tai-taaii namuĩĩla, kanga musiite kuulĩa umuĩlĩ wa Muana-muntu nukwikopa umugali waakue, muagila kaupanga munsĩ yaani.

Yohana 5:27

Numupeela uusũũmi kwilamula, kunsooko ingĩ Muana-muntu.

Yohana 5:19

Iio gua ũYesu nushookeelia, “Tai-taai namuĩĩla, uMuana sika wishũũma kwitenda kalukaani wing'ene, ĩpa luensi nuoonie uTata witenda; kuitĩ kĩna ukutendaa uyo, iio nuMuana ukuzitendaa zizo-ziizoo.

Yohana 3:3

ũYesu nushookeelia numuĩĩla, “Tai taaii nakuĩĩla, tũlũ wensi kanga wasiitilelua kaubĩlĩ sika wishũũma kukuuona uutemi wa kĩNzua.”

Matayo 9:6

Ĩpa mumane gua, kĩna uMuana muntu utĩĩte usũũmi muna nsĩĩ kwileegelania ĩmĩlandu.” Paapo numuĩĩla umukiigyandi, “Uuka, ĩtuĩke ulĩlĩ waako, wende kumuako.”

Matayo 8:20

ũYesu numuĩĩla, “ĩAmulula atĩĩte ĩmalũlũ, ninoni za mukiania zitĩĩte itiiĩ, ĩpa uMuana-muntu mugila pakugonia ityũe liakue.”

Yohana 16:23

Mulutondo luasio sika mukinkolia kalukaani. Tai-taaii namuĩĩla, luensi kanga mumulompe uTata muliina liane ukakumupeela.

Yohana 13:38

ũYesu nushookeelia; Ukĩpũniane uuumĩ waako kunsooko yaane. Tai-taaii nakuĩĩla, uMumbĩ sika ukikunkula pina uwe ukawankana nkua zitatu.

Yohana 8:58

ũYesu nuaĩĩla, “Tai-taaii namuĩĩla, pĩna uIbũlahimu alĩ wikaalĩ, ĩne nankoolĩ.”

Yohana 8:34

ũYesu nuashookeelia, “Tai-taaii namuĩĩla, Tũlũ wensi nukutendaa umulandu ingĩ musese wa mulandu.

Yohana 6:26

ũYesu nushookeelia nuũga, “Tai-taaii namuĩĩla mwindũũma, sika kunsooko alĩ muoonie ilĩngasĩĩlio, ĩpa kunsooko alĩ mulĩĩle ĩmapũli namwikyuta.

Yohana 1:50

ũYesu nushookeelia numuĩĩla, “Kunsooko aza nakuĩĩlaa, Aza nukuoonie pamukuu, wasuĩĩlane? Ukiona nankulu kwikĩla izi.”