Yohana 1:45 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

⁴⁵ uPilipo numuona uNatanaeli, numuĩĩla, “Aza kwamuonaa uzo naalĩ muandĩkĩlue nuMusa muUlagĩĩlio numuAnakĩdagu, ũYesu wa kuNazaleti, muana wa kĩYosepũ.”

Yohana 1:45 Referans Kwoze

Luka 24:27

Nuandia kwipũma uMusa nĩanakĩdagu tũlũ, nualondooselia muwandĩkua tũlũ impola naalĩ zumũjĩpĩĩle uyo umuene.

Matayo 2:23

Nuenda nũkyala mukaa nyukuĩtaguaa Nazaleti; itĩ lutimĩĩligue naalĩ lutambulue nĩanakĩdagu, “Ukiĩĩtua Munazaleti.”

Luka 24:44

Paapo nuaĩĩla, “Izi zozi nkaani zaane naalĩ numuĩĩlĩĩle pĩna alĩ kĩlĩ nkoolĩ palumuĩ niniinie, ya kĩna ijĩpĩĩle zitimĩĩligue tũlũ naalĩ nandĩkue mumpola zaane muUlagĩĩlio wa kĩMusa numuAnakĩdagu numuMalumbĩĩlio.”

Luka 4:22

Tũlũ naamukuĩla iiza, naakulĩlua kunsooko ya nkaani za ukende naalĩ zipũnile mumulomo waakue, naaũga “Uyu sika wayu muana wa kĩYosepũne?”

Yohana 18:7

Nuakolia kaubĩlĩ, “Mukumudũũma waani.” Naaũga, “ũYesu Munazaleti.”

Maliko 6:3

Sika wayune umuseesi, umuana wa kĩMalia, munũna wa kĩYakobo nũYose nũYuda nuSimoni? Nĩagũlĩ aakue akutilĩne pana nsĩĩtu? Naamukilua.

Matayo 21:11

ĩMaũmbĩ namaũga, “Uzu ingĩ Yesu, umunakĩdagu wa kuNazaaleti ya Galĩlaya.”

Utendi 22:8

Nanshookeelia uue waani Shekulu. “Numbuĩla ĩne neene Yesu Munazaleti ue nwinjagia.”

Utendi 10:38

impola za kĩYesu wa kuNazaleti, kĩna uNzua alumupakile ĩmakũta kuMuau Muelu ningũlũ; nduyo nupilima uko ninduuko nukwitenda naiiza nukukuakamia tũlũ naalemeeligue nũShetani, kunsooko uNzua alĩ ĩpalamuĩ ninduyo.

Yohana 21:2

Alĩ akoolĩ palumuĩ, uSimoni Petelo nuTomaso nukuĩtaguaa Tyutĩ nuNatanaeli wa kuKana ya Galĩlaya, nĩaanaa a kĩZebedayo, nĩĩĩa abĩlĩ muamanigua aakue.

Luka 2:4

uYosepu nduyo nulega kũGalilaya kwipũna mukaa ya Nazaleti, nuenda kuUyahũdi kukaa ya kĩDaudi nyukuĩtaguaa Betelehemũ, kunsooko alĩ wa numba muluuli lwa kĩDaudi,

Maliko 14:67

nakamuona uPetelo wioota umooto, nakamutuupĩĩla, nakaũga, ue ninduue aza mwĩpalumuĩ nuMunazaleti ũYesu.

Matayo 13:55

Sika wayu muana wa museesine? Nunina sika wayune nukuĩtaguaa Malia? Nĩanũna aakue sika uYakobone nuYosepu, nuSimoni, nũYuda?

Utendi 26:9

Tai ĩne uneene alĩ moonie munkolo yaane kĩna injĩpĩĩle ntende utendi wingĩ naukĩkuaa nĩliina lya kĩYesu Munazaleti.

Utendi 3:6

Ĩpa uPetelo nuũga, “iMpiia nĩzahabũ numugila, ĩpa nanikĩtĩĩte, kĩĩkio nukukupeela. Kuliina lya kĩYesu Kilisito Munazaleti, ĩĩmĩka ugende.”

Utendi 2:22

“Agoosia a Ĩsilaeli, tegeelĩ inkaani izi; ũYesu Munazaleti, muntu naalĩ mũgyeleligue kumiani nuNzua kuutendi kwa kĩuyo pakatĩ yaani, kĩna uniinie akola namumanile;

Yohana 19:19

uPilatu nuandĩka wandĩkua, nuuĩĩka mukiania mumusalaba. Wandĩkue, “YESU MUNAZALETI MUTEMI WA AYAHŨDI.”

Yohana 18:5

Naamushookeelia, “ũYesu Munazaleti.” Nuaĩĩla, “Ingĩ neene.” ũYuda, umusakia waakue, aluĩmĩkile palumuĩ nĩndĩo.

Yohana 6:42

Naaũga, “Sika wayune Yesu muana wa kĩYosepũ? Sika kuĩĩzĩne ũshee nunina? Ĩpaino wiũgaaii, Ntimile kwipũna kwigyulu?”

Luka 3:23

ũYesu pĩna nuandia umulĩmo waakue alĩ waalĩĩ zĩ miaka makumi matatu, nusĩĩgĩlua kĩna muana wa kĩYosefu, mwana wakĩ Heli,

Matayo 10:3

Pilipo nuBalitolomayo, Tomaso nuMatayo musangulia-koodi, Yakobo ũsha Alpayo nuTadayo,

Luka 2:48

Pĩna namuona naakũmia; nunina numuĩĩla, “Muana waane, nĩkĩ wakutendela itĩ. Laaa, ũshoo nineene aza kukukudũũmaa kuusungu.”

Yohana 1:44

uPilipo alĩ wa kuBetisaida, kukaa ya kĩAndelia nuPetelo.

Yohana 6:5

Paapo ũYesu nunansula ĩmiiso maakue, nuoona yũmbĩ kyulu lĩpolokile kumuakue, numuĩĩla uPilipo, “Kugule mpĩĩ ĩmapũli ĩa alĩe.”

Yohana 6:7

uPilipo numushookeelia, “ĩMapũli ma shilinge magana mabĩlĩ sika makuenda muumo tũlũ wensi waligie kaniino udũũ.”

Yohana 12:21

Paapo naamuagaana uPilipo nwa kuBetisaida ya Galĩlaya, naamukolia naaũga, “Shekulu, kusiiile kukumuona ũYesu.”

Yohana 14:8

uPilipo numuĩĩla, “Shekulu, kulagĩĩle uTata, koona yakuenda muumo.”

Luka 18:37

Naamuĩĩla; “ũYesu Munazaleti ukĩlile.”