Yohana 1:29 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

²⁹ Mudaau yakue numuona ũYesu wijile kumuakue nuũga, “Laaĩ uMuana-nkolo wa kĩNzua nuukenkile umulandu wa unkũmbigyulu!

Yohana 1:29 Referans Kwoze

1 Yohana 2:2

Muene pyolia kunsooko yamĩlandu yĩĩtu; sika kunsooko ya mĩlandu yĩĩtu udũũ, ĩpa kunsooko ya mĩlandu ya unkũmbigyulu tũlũ.

1 Yohana 3:5

Mumanile kĩna uzo alũgyelĩĩle waĩleegie ĩmĩlandu, numulandu ukutilĩ munsĩ yaakue.

1 Petelo 1:19

ĩpa alĩ muakomolue kumugali wa kĩKilisito nwa ngele nkakũ, zĩ wa muana-nkolo namugila kakĩlema, namugila kibyado.

2 Akolinto 5:21

Uyo nasikuumanile umulandu, numutenda watũle mulandu kunsooko yĩĩtu, koona kutũle kulukuuluu ya kĩNzua mumuakue.

1 Petelo 2:24

Uzo muene alĩ wĩĩkenkile ĩmĩlandu yĩĩtu mumuĩlĩ waakue mwikyota, lya mpaga itĩ nakutũla akiu mumpola za mĩlandu, kutũle apanga mumpola za kulukuuluu. Numuutiunulua waakue namukamigua.

Aebulania 1:3

Uzo ingĩ weelu wa ukulu wa kĩNzua. kangĩ kĩna uNzua wĩĩlĩ, iio ninduyo wĩĩlĩ; nuikenka iintu tũlũ yensi kulukaani luakue lwa ngũlũ. Pĩna alutendile uweeligua wamĩilandu, alĩ wikyalansile pamukono wa kĩgoosia nwa ukulu kukiania,

Ukũnukulua 6:1

Namona paapo uMuana-nkolo pĩna nuuũnanga umuĩ wa mĩntoozo nupũngatĩ, naniigia kĩmuĩ kya iyumbe naipanga inĩĩ nakiũga zĩ luli lwa mugũgũmo, “Nzuu!”

Ukũnukulua 12:11

Ndĩo naamudula kumugali wa kĩMuana-nkolo, nukulukaani lwa ukuĩli wao; sunga sika naaulogua uuumĩ waao sunga kunkia.

Agalatia 3:13

uKilisito alukukomuĩle kwipũna mũjũmo lya Ulagĩĩlio pĩna alutũlile jũmo kunsooko yĩĩtu, kuitĩ yandĩkue, “Wazũmaguaa wensi namutumbĩkue mwikyota,”

Yohana 1:36

Numulaaa ũYesu wigenda, nuũga, “Laaĩ uMuana-nkolo wa kĩNzua.”

Ukũnukulua 7:17

Kuitĩ uMuana-nkolo nuĩlĩ pakatĩ ityengu lya kĩtemi kakuadĩĩma. nduyo ukakuatongeela kunjiĩlio za maazĩ ma upanga, uNzua ukipiagula ulũsholi luensi mumiiso maao.”

Utendi 8:32

Nityũmpĩ lya wandĩkua naalĩ wishoma, ntĩĩlĩ, “Zĩ nkolo nanongoligue kwiulagua, Katia kĩna iio umuana-nkolo nakuuzaa utuulilie Ntongela ya unuasio nukumudumula ĩmaũli, Iio-iioo ninduyo ukumũmagiaa umulomo waakue.

Ukũnukulua 17:14

Ĩa ĩkakĩkua ulugu nuMuana-nkolo, nuMuana-nkolo ukakuadula, kunsooko uyo ingĩ Shekulu wa ishekulu, kangĩ Mutemi wa atemi; nĩndĩo naĩensi nunduyo, aao ĩĩtue, kangĩ asaagulue, kangĩ asuĩĩli.”

Ukũnukulua 15:3

Ndĩo iĩmba ĩliĩmbo lya kĩMusa, mwĩtumi wa kĩNzua, nĩliĩmbo lya Muana-nkolo naaiũga, “Ukulu, kangĩ wa ukulĩlua uutendi waako, Ee shekulu Nzua, Mukola ngũlũ zensi! Za kulukuuluu kangĩ za tai-taaii injĩla zaako, ee Mutemi wa ndugu!

Ukũnukulua 14:1

Namona, laaa, uMuana-nkolo wĩĩmĩkile mukiania ya nkonko ya Sayuni, nĩantu magana ma nzogũ gyana lĩmuĩ nĩmakumi manĩĩ namanĩĩ alĩ ĩensi ninduyo, akola liina liakue nĩlya kĩTata waakue liandĩkue muusiu waao.

Ukũnukulua 7:14

Nanumuĩĩla; “Shekulu waane, umanile uuue.” Numbuĩla, “ĩAasio aao naapũnile muluago nalukulu, ndĩo akanzile ĩmajialo maao naameelia mumugali wa Muana-nkolo.

1 Petelo 3:18

Kuitĩ uKilisito nduyo alukiile kamuĩ dũũ kunsooko ya mĩlandu, munakulukuuluu kunsooko yaao nasika anakulukuuluu, koona wakutuale ishie kwa kĩNzua; nuulagua umuĩlĩ ĩpa ĩnkolo yaakue nĩpangatigua.

Ukũnukulua 19:9

Numalaĩka numbuĩla, “Andĩka, ‘Alĩuku naaanue kundia za wĩnga wa Muana-nkolo.’ Numbuĩla, ‘Izi ingĩ nkaani za tai za kĩNzua.’

Ukũnukulua 14:10

ninduyo ukikopa umubinio wa utaki wa kĩNzua naalĩ muzĩpigue sika namusogole kamaazĩ, mukĩĩko kya utaki waakue; ukiaagigua kumooto nĩkĩbiliti-biliti ntongela ya amalaĩka naeelu nĩntongela ya Muana-nkolo.

Ukũnukulua 13:8

Tũlũ naakikyalaa muna nsĩĩ ĩkakumĩtekela, muntu wensi kanga ĩliina liakue ĩsika liandĩkue mukĩtabũ ĩkya upanga kya Muana-nkolo naalĩ muulague pĩna alĩ ikĩĩlĩ kwiĩĩkua umukulĩla wa nsĩĩ.

Yohana 3:16

Iti yoi uNzua aluulogilue uunkũmbigyulu, sunga numupũnia uMuana waakue wing'ene, koona tũlũ wensi nusuĩlĩĩle mumuakue walekilimĩĩla, ĩpa wĩĩ nuupanga wa kalĩ nakalĩ.

Ukũnukulua 19:7

Kulumbe nukwikua ingiligili, kumupeele uukulu, waakue, kuitĩ uwĩnga wa Muana-nkolo waazaa, numutoolua waakue wĩzĩpiĩlagiaa,

Ukũnukulua 14:4

Ĩa awa sika aĩĩkĩlue udobũ wensi palumuĩ nĩakĩĩma kunsooko alĩ eeligue; ĩa awa akumutiatĩĩlaa uMuana-nkolo tũlũ kwensi kĩna ulunjie, ĩa alĩ agulue kwipũna muantu, nduĩ-nduĩ kwa kĩNzua nukwa kĩMuana-nkolo,

Ukũnukulua 5:8

Pĩna numĩsola ĩmbũgũlũ, iiumbe naipanga inĩĩ nĩanampala namakumi mabĩlĩ naanĩĩ naagua ntongela ya Muana nkolo, wensi waao utĩĩte lusumbĩ, niisheme ya zahabũ naalĩ ijuile ulũmba, nduo ingĩ ulompi wa eelu.

Ukũnukulua 1:5

kangĩ nukũpũna kwa kĩYesu Kilisito, mukuĩili namusuĩĩli, mulelua wa muandio wa aasio naalĩ akiile, kangĩ mukulu wa atemi a nsĩĩ. Kumuakue muene nukuloilue nukukukoogia ĩmĩlandu yĩĩtu kumugali waakue

Ukũnukulua 21:9

Nuuza umuĩ wa amalaĩka naa mupũngatĩ naalĩ atĩĩte iisheme namupũngatĩ naijuile ĩmakuo mupũngatĩ ma mpelo, nwĩtambuĩla nineene, nuũga, “Nzuu kunu, nĩkakukulagĩĩla umutĩĩzĩla, umusungu wa Muana-nkolo.”

Ukũnukulua 6:16

naaziĩĩla inkonko nĩmatunda, “Kutũlatĩĩliĩ mukupise kulekiona uusiu waakue nwikyalansile mwityengu lya kĩtemi, nuutaki wa Muana-nkolo,

Tito 2:14

Uyu wayu nwĩpũnilie umuene kunsooko yĩĩtu, koona wakukomole kwipũna muuleki tũlũ, nukukĩeelelia umuene ĩantu atũle aakue, naatite wikamatĩkia kuutendi na uza.

Ukũnukulua 21:27

Sika ukiingĩla muasio kainiino ubĩĩ wensi; katia naitenda ĩmausuukĩlo nuulongo, ĩpa aao dũũ naandĩkue mukĩtabũ kya upanga, ĩkya Muana-nkolo.

1 Yohana 4:10

Uu wau uloogua, sika kĩna alĩ kumuloogilue uNzua, ĩpa umuene alukuloogilue ishie, numutuma uMuana waakue watũle pyolia kunsooko ya mĩlandu yĩĩtu.

1 Timoteo 2:6

alĩ wĩsuulile umuene, wĩĩ kĩkomoli kunsooko ya antu tũlũ, nuukuĩli waakue alĩ upũnigue pityũngo liakue.

1 Akolinto 15:3

Kuitĩ alĩ numupũnĩĩlie kumuandio naalĩ nĩzaanũnkuĩle kĩna uKilisito alukiile kunsooko ya mĩlandu yĩĩtu, kĩna uũgile uwandĩkua,

Matayo 20:28

Kĩna iio uMuana-muntu sika wijile kukĩtumĩlua, ĩpa kukĩtuma, nukwipũnia uuumĩ wakue wĩĩ kĩkomoli kunsooko ya iingĩ.”

Ukũnukulua 5:6

Namona pakatĩ ityengu lya kĩtemi, niiumbe naipanga inĩĩ, nĩpakatĩ ya anampala, Muana-nkolo wĩĩmĩkile zĩ muulague, nutĩĩte mpembe mupũngatĩ nĩmiiso mupũngatĩ, ziizo nkolo mupũngatĩ za kĩNzua naalĩ ntumue muna nsĩĩ tũlũ pensi.

Aebulania 9:28

iio-iioo uKilisito pĩna alĩ mupũnigue pyolia kamuĩ dũũ, waĩkenke ĩmĩlandu ya iingĩ, nkua ya kabĩlĩ ukakigyelela, sika kumpola za mulandu ĩpa waagũne ĩaasio naamutũngĩĩle nkankanaa.

Agalatia 1:4

Muene alĩ wĩpũnilie kunsooko ya mĩlandu yĩĩtu kuulooa wa kĩNzua Tata wĩĩtu, koona wakugũne kwipũna muubĩĩ wa unkũmbigyulu uu naukoolĩ ĩpaino.

Utendi 13:39

Kwa kĩuyo wensi nusuĩlĩĩle ukualĩĩlagiguaa ĩkulukuuluu kuUlagĩĩlio wa kĩMusa.

Matayo 1:21

Ukakĩtũnguĩla muana, ukakumuĩta ĩliina liakue Yesu, kuitĩ uyo muene ukakuagũna ĩantu kwipũna mumilandu yaao.”

Ukũnukulua 21:14

iGyelele lya kaa alĩ lĩtĩĩte mĩkũlĩla kyumi nĩbĩlĩ, numumĩkũlĩla ĩmiina kyumi namabĩlĩ ma atumua naikyumi naabĩlĩ a Muana-nkolo.

Aebulania 2:17

Luulo gua, alĩ yumũjĩpĩĩle kukĩpianĩkĩĩligua nĩanũna aakue mumpola tũlũ, watũle mupolia namukulu, mukola kĩnishungu kangĩ musuĩĩli muwĩtumi tũlũ pa kĩNzua, koona waĩpolelie ĩmĩlandu ya antu.

Yohana 1:35

Mudaau yaakue uYohana alĩ wĩĩmĩkile kangĩ nĩamanigua aakue abĩlĩ.

Yohana 1:43

Mudaau yaakue ũYesu nuloma kwienda kũGalilaya. Numuona uPilipo, numuĩĩla, “Ntiata.”

Yohana 2:1

Nulutondo lwa katatu alĩ ukoolĩ winga mukana ya Galĩlaya, nunina wa kĩYesu alĩ wĩĩlĩ kuuko.

Yohana 4:42

Naamuĩĩla umusungu, “Ĩpa kwasuĩĩlaa, sika kunsooko ya nkaani zaako udũũ, kuitĩ kũigagiaa undiishie, kangĩ kumanile kĩna tai uzu ingĩ Mugũni wa unkĩmbigyulu.”

Yohana 6:51

Ĩne neene nĩndia ya upanga naalĩ ĩtimile kwipũna kwigyulu; tũlu wensi kanga wamĩlĩe ĩndia ĩĩ, ukitũla nuupanga wa kalĩ nakalĩ. Nĩndia nanikipũnia ĩne kunsooko ya upanga wa unkũmbigyulu ingĩ umuĩlĩ waane.”