Yohana 1:1 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

¹ Kumuandio alĩ uLukaani, nuLukaani alĩ yĩensi nuNzua, nuLukaani alĩ uNzua.

Yohana 1:1 Referans Kwoze

Yohana 17:5

Ĩpaino Tata, nkulia pamuako kuukulu waasio naalĩ ntĩĩte kumuako pĩna uunkũmbigyulu alĩ wikaalĩ.

Ukũnukulua 19:13

Nduyo namujialue ĩjialo naalĩ tyoeligue mumĩgali, nĩliina liakue ukuĩtaguaa Lukaani lwa kĩNzua.

Akolosai 1:17

Nduyo alukoolĩ pĩna alĩ ikaalĩ iintu tũlũ, niintu tũlũ yukukamantanĩlaa mumuakue.

Yohana 1:14

NuLukaani nutũla muĩlĩ, nwikyala kumuĩtu, nakuulaaa uukulu waakue, ukulu zĩ wa Muana wing'ene kwa kĩTata, wijuile uukende nĩtai. (

Ukũnukulua 22:13

Ĩne neene Alipa nuOmega, wa kuandia numumalĩĩlio, umuandio nĩmpelo.”

Yohana 1:2

Uyu ĩmuandio alĩ yĩensi nuNzua.

Ukũnukulua 1:8

“Ĩne neene Alipa nuOmega,” muandio nĩmpelo, uugile ũShekulu uNzua, nukoolĩ, nĩnaalukoolĩ, nĩnukiiiza, Mukolangũlũ zensi.

Apilipi 2:6

Uyo kũyuukĩ naalĩ utĩĩte ikyelu lya kĩNzua, kangĩ kwitũla lika lĩmuĩ nuNzua sika nualĩĩlia kĩna kĩintu kya kusiitĩĩla

Matayo 1:23

“Laaa, munanso, ukitũla nĩndaa, Ukakĩtũnguĩla muana ĩkakumuĩta ĩliina liakue Imanueli,” (ĩNdogolelio yaakue, Nzua wĩpalumuĩ nindiishie.)

Ukũnukulua 21:6

Numbuĩla, “Yakondaa kwitũla! Ine neene Alipa nĩOmega, Muandio nĩMpelo. Namukolue ĩnoota, nĩkakumupeela nakanda ĩmaazĩ namapũnile munjiĩlio ya maazĩ ma upanga.

Aebulania 13:8

ũYesu Kilisito ingĩ wayuuyuu igyulo nĩnantende, sunga ĩkalĩ nakalĩ.

1 Yohana 5:20

Kumanile ya kĩna uMuana wa kĩNzua waazile nduyo wakupĩĩle uulĩngi, koona kumulĩnge uzo nwa tai, nindiishie kukoolĩ munsĩ yaakue nwa tai, ingĩ munsĩ ya Muana waakue ũYesu Kilisito. Uyu wayu Nzua nwa tai, nuupanga wa kalĩ nakalĩ.

1 Timoteo 3:16

Kutilĩ kankankani, uunkũnkũ wa wĩtekeli wĩĩtu ingĩ ukulu. uNzua alĩ mũgyeleligue mumuĩlĩ, Nulĩngĩkigua kĩna munakulukuuluu mwa kĩMuau, Alĩ wigyelĩĩle kuamalaĩka, Nutanantigua pakatĩ ya ndugu, Nusuĩĩlua muna unkũmbigyulu, Nunansulua kukiania muukulu.

Yohana 16:28

Alĩ mpũnile kwa kĩTata, naazile muna unkũmbigyulu; kangĩ naulekaa uunkũmbigyulu, nalongolaa kwa kĩTata.”

Ukũnukulua 1:17

Pĩna nanumuona, nangua pamĩgulu yaakue zĩ muntu nukiile mukanka. Nuĩĩka umukono waakue nwa kĩgoosia mumuane, numbuĩla; “Lekioopooka, ĩne neene namuandio kangĩ nampelo,

Yohana 20:28

uTomaso nushookeelia numuĩĩla, “Shekulu waane nuNzua waane!”

Tito 2:13

ĩkuutũngĩĩle ulaaĩĩlĩ naukola uliukũ, nuukũnũkulua wa ukulu wa kĩKilisito Yesu, Nzua namukulu, kangĩ Mugũni wĩĩtu.

Aebulania 7:3

Mugila kishee, mugila kanina, mugila kandugu, mugila kamuandio wa ntondo sunga ĩmpelo ya uumĩ, ĩpa nwĩpianĩkĩĩligua nuMuana wa kĩNzua, wikyalile kũtula mupolia yukutilĩ kampelo.

Ukũnukulua 3:14

“Nukwa kĩmalaĩka nwikyanisa naliĩlĩ muLaodikia andĩka, ‘Izi zozi uũgile uyo naAmini, Mukuĩli namusuĩĩli, kangĩ nwa tai, iyuukĩ lya iyumbe ya kĩNzua.’

Aepeso 3:9

sunga kukuamĩlĩkĩla tũlũ ensi, amane kĩna wĩĩlĩ uukendegeeli wa unkũnkũ waasio naalĩ wĩsuekile mwa kĩNzua kwipũna ĩkalĩ, naaluitũndile intu tũlũ yensi.

Ukũnukulua 1:2

naalulukuĩlĩle uLukaani lwa kĩNzua, nuukuĩli wa kĩYesu Kilisito, sunga impola tũlũ naaluzioonie.

1 Yohana 5:7

Ninduyo uMuau muene nukukuĩlaa, kunsooko uMuau ingĩ muene tai.

Alumĩ 9:5

Aao naaatĩĩte ĩatata; mumiao nwigyelela uKilisito kukĩuntu. Uyo wayu mukiania ya intu tũlũ, uNzua nukukũmazukagiguaa ĩkalĩ nakalĩ. Amini.

Yohana 1:18

Kutilĩ numuoonie uNzua ityũngo liensi; uMuana wing'ene nuĩlĩ mukĩkũa kya kĩTata, muene alumukũnukuĩle.

Ukũnukulua 2:8

“Nukwa kĩmalaĩka nwikyanisa naliĩlĩ muSimilina andĩka, ‘Izi zozi uũgile uyo nwa muandio nunwa mpelo, naalĩwakiile, kangĩ nuĩ mupanga.’

2 Petelo 1:1

Simoni Petelo, mwĩtumi, numutumua wa kĩYesu Kilisito, namuandĩkĩla inie naalĩ muligilie uusuĩĩli umuĩ nindiishie, nawa ngele nkakũ, mukulukuuluu ya kĩNzua wĩĩtu nuMugũni Yesu Kilisito.

Ukũnukulua 1:11

naluũga; “Aya nukumaona umandĩke mukĩtabũ, umatuale kumakanisa nama mupũngatĩ, Epeso nĩSimilina, nĩPaligamo, nĩTiatila, nĩSalidi, nĩPiladelipia, nĩLaodikia.”

Luka 24:53

Nĩndĩo alĩ kuuzaa akoolĩ ntondo zensi muNumba ya kĩNzua, naakumukũmazukia uNzua.

Yohana 8:58

ũYesu nuaĩĩla, “Tai-taaii namuĩĩla, pĩna uIbũlahimu alĩ wikaalĩ, ĩne nankoolĩ.”

Akolosai 1:15

Nduyo ingĩ mpiani ya kĩNzua nasika ikigyelaa, mulelua wa muandio wa iumbe tũlũ.