Yakobo 5:7 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

⁷ Luulo gua anũna aane, gigimĩliĩ sunga pĩna ujilishooka ũShekulu. Laaĩ, umulĩmi ulaaaĩlĩĩle uuogoli nauuza wa nsĩĩ, nugigimĩlia kunsooko yaakue sunga pĩna ĩligie ĩmbũla ya muandio nĩnya mpelo.

Yakobo 5:7 Referans Kwoze

Agalatia 6:9

Kulekikatala kwitenda naiiza gua, kuitĩ pityũngo liakue kukiogola kanga kulekitia nsula.

Akolosai 1:11

Kangĩ musũũmigue kungũlũ, kwilika lya usũũmi wa ukulu waakue, kuukamatĩkũ tũlũ nuugigimĩlia palumuĩ nilyumbi.

Aebulania 6:15

Iio gua, uIbũlahimu pĩna nugigimĩlia nuona kĩna ilyago nalĩtimĩĩlĩka.

Alumĩ 2:7

ĩaasio naakudũũmaa uukulu nikyulio nuusiitioononeka kuugigimĩlia wa kutenda namaaza, ikipeegua upanga wa kalĩ nakalĩ;

Agalatia 5:5

Kuitĩ ishie kungũlũ za kĩ Muau kutũngĩĩle uulaaĩĩli wa kulukuuluu kuunzĩla ya usuĩĩli.

1 Atesaloniki 2:19

Kuitĩ uulaaĩĩli wĩĩtu ingĩ yaani, katia ilyumbi liĩtu, katia ĩngala ya kĩkũmia ntongela ya kĩShekulu wĩĩtu Yesu Kilisito pityũngo lya kuuza kumuakue. Sika uniiniene?

Matayo 24:44

Luulo gua niniinie ĩzĩpĩĩlie, kuitĩ ityũngo nasika mulĩsĩĩgile, paapo uMuana-muntu wijile.”

1 Atesaloniki 3:13

Itĩ yoi wazĩtende inkolo zaani zitũle nkamũ, ĩmuagila kishokio muweelu ntongela ya kĩNzua Tata wĩĩtu, pĩna ũjiliiiza ũShekulu wĩĩtu Yesu palumuĩ nieelu aakue tũlũ.

Matayo 24:27

Kuitĩ kĩna iio-iioo ulupĩĩto nalukupũnaa kukĩĩlĩma nalupĩĩta sunga kumueli, iio-iioo ikitũla kwiiiza kumuakue uMuana-muntu.

Alumĩ 15:4

Kuitĩ zensi naalĩ nandĩkue ĩkalĩ alĩ nandĩkue kukukumania ishie, koona kunzĩla ya ugigimĩlia nukwikamia nkolo muwandĩkua, kuligie ulaaĩĩli.

2 Petelo 3:4

ĩiũga, “Liĩlĩ mpĩĩ ilyago liasio ĩlya kuuza kumuakue? Kuitĩ kwipũna paapo iishekulu ĩĩtu pĩna agonĩĩle intu tũlũ ikyalile iio-iioo kwipũna iyuukĩ lya uutũndua.”

1 Atesaloniki 1:3

Pĩna kukijuka ntongela ya kĩNzua Tata wĩĩtu, umulĩmo waani wa usuĩĩli nuwĩtumi waani wa uloogua, nuugigimĩlia waani wa ulaaĩĩli mwa kĩShekulu wĩĩtu Yesu Kilisito.

1 Akolinto 1:7

sunga sika muakeepeelue kakĩpeegua tũlũ kiensi, pĩna mulaaĩlĩĩle dũũ uukũnukuĩlua wa kĩShekulu wĩĩtu Yesu Kilisito.

Luka 21:27

Paasio paapo ĩkakumuona uMuana-muntu ĩwijile mwilyũnde palumuĩ ningũlũ nuukulu wingĩ.

Luka 18:8

Namuĩĩla ukakualigĩlia ĩkulukuuluu kuukaaũ. Ĩpa gua, pĩna ukiiza uMuana-muntu, ukakuuonane uusuĩĩli muna nsĩĩ?”

Luka 8:15

Nĩzaasio muulongo nauuza ingĩ aao kunkolo nangolokũ nuuuza akũigagiaa ulukaani nukukuluamba, naakupĩĩsagiaa inkali kuugigimĩlia.”

Matayo 16:27

Kuitĩ uMuana-muntu wijile muukulu wa kĩTata wakue palumuĩ nĩamalaĩka aakue; paapo ukakumulĩpa wensi mũlika lya utendi waakue.

Matayo 16:28

Tai namuĩĩla, naĩĩmĩkile ĩpa, akoolĩ naĩngĩ nasika ikilũla kaukiu, sunga amuone uMuana-muntu wijile muutemi waakue.”

Yohana 21:22

ũYesu numuĩĩla, “Kanga ĩnumuloe wikyale sunga nĩĩze, yaani gua ue. Ue ntiata.”

Yohana 21:23

Iio ulukaani ulu nalukũmuuka muanũna kĩna umumanigua nuasio sikukikia, ĩpa ũYesu sika uluũgile, Sikukikia, ĩpa, Kanga ĩnumuloe wikyale sunga nĩĩze, yaani gua ue.

Yakobo 4:11

Muleke kĩteketa anũna aane. Numuteketile umunũna waakue katia kukumulamula umunũna waakue, ukuuteketaa uUlagĩĩlio nukukuulamula uUlagĩĩlio. Ĩpa malĩĩ ukuulamula uUlagĩĩlio, sikukutũlaa mutendi wa Ulagĩĩlio, ĩpa umulamuli.

Yakobo 5:3

ĩZahabũ zaani nimpiia zaani zaguĩlĩĩle uũũluĩ, nuũũluĩ waakue ukakumukuĩla, nduo ukilĩa ĩmiĩlĩ yaani zĩ mooto. Mwĩĩĩkĩĩlĩe ĩkĩuto kuntondo za mpelo.

Yakobo 5:10

Anũna aane, impola za anakĩdagu naalĩ atambuĩle muliina lya kĩShekulu, atũle mpiani ya kuagigua ibĩĩ nukwigigimĩlia.