Yakobo 4:12 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

¹² uMupũnia Ulagĩĩlio numulamuli ingĩ umuĩ udũũ, nusũũmile kwigũna nukwiulaga. Uue waani nukumulamula umĩaako?

Yakobo 4:12 Referans Kwoze

Alumĩ 14:4

Ue uue waani nukumulamulaa umwĩtumi wa muntu wĩngĩ. Kwa kĩShekulu waakue uzo wĩĩmĩkile katia uguile. Kangĩ ukiĩĩmĩkigua kuitĩ ũShekulu usũũmile kukumuĩmĩkia.

Alumĩ 2:1

Luulo gua, ue nwĩmuntu tũlũ wensi nukulamulaa, umugila kawĩlongo; kuitĩ muzaasio nukumulamulaa nuĩngĩ ukĩlamulaa uue kĩna umutimu, kuitĩ ue nukulamulaa ukutendaa zizo-ziizoo.

Matayo 10:28

Muleke kĩoopooka naakuulagaa umuĩlĩ, nasika asũũmile kukumĩulaga ĩnkolo; taazu mumoopoke nusũũmile kwioonoona ĩnkolo numuĩlĩ gaa muGehena.

Yakobo 5:9

Muleke kĩsũsũmĩla niinie kuniinie anũna aane, mulekilamulua. Laaĩ, uMulamuli wĩĩmĩkile pamĩlango.

Aebulania 7:25

Iio gua, usũũmile kukuagũna sunga kumpelo ĩaasio naakumusũgamĩĩla uNzua kwa kĩuyo, kunsooko ukoolĩ mupanga intondo tũlũ, koona waalompeele.

Alumĩ 14:13

Luulo gua kuleke kĩlamula kangĩ, Ĩpa taazu kuupũnie uulamuli uu, kulekiĩĩka kĩntu kya kumukũmpia umunũna, katia kya kumuguusia.

Alumĩ 9:20

Ĩpa ue muana muntu, uue waani nukumushookeeelia uNzua. Mbii ĩkĩseme naalĩ kĩumbue kĩkakumuĩĩlane umuumbi, “Nĩkĩ watenda itĩ.”

Luka 12:5

Ĩpa nĩkakumusugula namukakumoopooka; moopooke uyo nutĩĩte usũũmi wa kwiulaga, kangĩ utĩĩte usũũmi wa kutaaga muGehena eeze namuĩĩla, moopookĩ unuasio!