Yakobo 4:11 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

¹¹ Muleke kĩteketa anũna aane. Numuteketile umunũna waakue katia kukumulamula umunũna waakue, ukuuteketaa uUlagĩĩlio nukukuulamula uUlagĩĩlio. Ĩpa malĩĩ ukuulamula uUlagĩĩlio, sikukutũlaa mutendi wa Ulagĩĩlio, ĩpa umulamuli.

Yakobo 4:11 Referans Kwoze

1 Petelo 2:1

Luulo gua, muuĩĩke kulĩ uubĩĩ tũlũ nuwĩsukukia tũlũ, nuunamampĩlu, nuwĩĩlũ nĩmatekete tũlũ.

Alumĩ 2:1

Luulo gua, ue nwĩmuntu tũlũ wensi nukulamulaa, umugila kawĩlongo; kuitĩ muzaasio nukumulamulaa nuĩngĩ ukĩlamulaa uue kĩna umutimu, kuitĩ ue nukulamulaa ukutendaa zizo-ziizoo.

Yakobo 5:9

Muleke kĩsũsũmĩla niinie kuniinie anũna aane, mulekilamulua. Laaĩ, uMulamuli wĩĩmĩkile pamĩlango.

Luka 6:37

“Mulekilamula, niniinie sika mukilamulua; mulekishokia, niniinie sika mukishokigua; ĩlekelĩ; niniinie mukilekelua.

1 Akolinto 4:5

Iio gua, mulekilamula kalukaani pĩna likaalĩ ityũngo liakue, sunga waaze ũShekulu; nunduyo wijile kuziĩĩka muwelu nazĩpisile muwiilu, nukukumigyelelia ĩmasĩĩgo ma nkolo; paapo muntu wensi wijililigia ulukũmo luakue kwa kĩNzua.

Aepeso 4:31

Ugaali tũlũ nĩmagũndo nuutaki nĩkĩlanga niituki malege kumiani, palumuĩ nuubĩĩ wensi.

2 Akolinto 12:20

Kuitĩ noopokile katia pĩna nijiliiiza sika nĩkakumuona inie kĩna nsiiile kukumuona, nineene sika mukimona kĩna musiiile kwimona. Noopokile katia kwiaagaana wĩleei nuwĩĩlũ, nuutaki, nĩmagũndo, nuusingĩĩlia, nĩmatekete, ninkeemo, nĩmalanga.

2 Timoteo 3:3

nasika aaloilue ĩĩa, nasika agombile kwikamantanigua, naaloe uteketi wa usingisĩĩlia, nasika akĩgilagiaa, ataki asuukĩlua namaaza,

1 Timoteo 3:11

Nĩasungu gaa ĩĩ a lukũmo naluuza, sika asingĩĩlania, nasika akugaalaa, asuĩĩli mumpola zensi.

Alumĩ 7:7

Kuũnge mbii gua? uUlagĩĩlio ingĩ mulandune. Sika iio! Ĩpa gua, sika alĩ nijililĩnga umulandu isiititũla kunzĩla ya Ulagĩĩlio, kuitĩ sika alĩ nijililĩnga kwiawa isiititũla uUlagĩĩlio ukuũgaa, “Ulekiawa.”

Alumĩ 2:13

Kuitĩ sika aao naiigilie udũũ uUlagĩĩlio naikitũla anakulukuuluu pa kĩNzua, ĩpa ĩasio naakuukendegeelaa uUlagĩĩlio ikialĩĩligua ĩkulukuuluu.

Yakobo 1:25

Ĩpa uzo nuulaaĩlĩĩle uulagĩĩlio naukamĩnkĩĩlũ nuwa ukolelua, nukukikyala muumo, walekiũla mũigia nwa kiĩwa ĩpa mutendi wa mulĩmo, uzo ukitũla mulyũkũ muutendi waakue.

Tito 2:3

Nĩakombi iio-iioo ĩĩ nulugendo nalũjĩpĩĩle ĩeelu, alekitũla asingĩĩlania, kangĩ alekitũla asese a lugaalo, ĩpa naakumanagiaa nanziiza;

Yakobo 1:16

Mulekilimĩĩligua anũna aane aloogua.

Yakobo 1:19

Zaasio mumanile anũna aane aloogua. uMuntu wensi watũle mukaaũ wa kũigia, ĩpa sika mukaaũ wa kutambula, sika mukaaũ wa kutaka;

Yakobo 2:8

Ĩpa gua, mwitenda iiza, kanga mulĩkendegeele ilyagĩĩlio lya kĩtemi, kĩna yandĩkue, “Muloogue umunakaa waako kĩna ĩnkolo yaako.”

Yakobo 5:7

Luulo gua anũna aane, gigimĩliĩ sunga pĩna ujilishooka ũShekulu. Laaĩ, umulĩmi ulaaaĩlĩĩle uuogoli nauuza wa nsĩĩ, nugigimĩlia kunsooko yaakue sunga pĩna ĩligie ĩmbũla ya muandio nĩnya mpelo.

Yakobo 5:10

Anũna aane, impola za anakĩdagu naalĩ atambuĩle muliina lya kĩShekulu, atũle mpiani ya kuagigua ibĩĩ nukwigigimĩlia.