Yakobo 3:2 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

² Kuitĩ ishie tũlũ kukĩkũmpagiaa. Wensi nasika wĩkũmpilie muutambuli waakue, uyo ingĩ muntu wa kapanga, nusũũmile kuugilia numuĩlĩ wensi gaa kĩna zĩ kũgyuatio.

Yakobo 3:2 Referans Kwoze

Yakobo 1:26

uMuntu naa wĩsĩĩgile kĩna utĩĩte wĩtekeli, ninduyo sikugililie ululĩmĩ luakue ĩpa wĩkongile ĩnkolo yaakue, uwĩtekeli wa muntu nuasio, ingĩ nakanda.

1 Petelo 3:10

Kuitĩ, “Nusiiile kwilooa uuumĩ nukwiona intondo nanziiza Wagilie ululĩmĩ luakue lulekitambula uubĩĩ, Nĩmĩlomo yaakue ĩlekilikitia uupembelia.

Matayo 12:37

Kuitĩ kunkaani zaako ukialĩĩligua ĩkulukuuluu, nukunkaani zaako ukilamulua.”

Alumĩ 3:10

kĩna yandĩkue, “Kutilĩ umunakulukuuluu sunga kaumuĩ

Yakobo 1:4

nuugigimĩlia utũle numulĩmo namukamĩnkĩĩlũ, mutũle akamũ kangĩ akapanga, mulekikeepeelua kakĩntu.

Yakobo 2:10

Kuitĩ wensi nukukendegeelaa uUlagĩĩlio tũlũ, nukukĩkũmpia mulukaani lumuĩ, wamatimulĩlaa ĩmalagĩĩlio mensi.

1 Akolinto 9:27

ĩpa nukuwaagia umuĩlĩ waane nukuutontia; ilekitũla pĩna nakondia kukuatanantĩĩlia naĩngĩ, ĩne uneene ntũle wa kusiitua.

Aebulania 13:21

wamusũũmĩkie muutendi wensi nauuza koona mutende uulooa waakue, nduyo wĩtume munsĩ yaani nalukuloeelagiaa ntongela yaakue kunzĩla ya kĩYesu Kilisito; kumuakue nawĩĩ ukulu ĩkalĩ nakalĩ. Amini.

Akolosai 4:12

uEpafula nwa kunsiani, mwĩtumi wa kĩYesu, ukumulamukia; ukĩkamatĩkagiaa intondo tũlũ kunsooko yaani muulompi waakue, koona muĩmĩke ke, akamĩnkĩĩlũ, mulĩngĩkie uulooa tũlũ wa kĩNzua.

Akolosai 1:28

Wayuuyu kukumutanantia impola zaakue, nakukumusugula muntu wensi, nukukumumania muntu wensi mumasala tũlũ, koona kumuleete muntu wensi mukamĩnkĩĩlũ mwa kĩKilisito.

Agalatia 3:22

Ĩpa uwandĩkua nautũngĩnkania tũlũ nsĩlĩlĩ ya mĩlandu, koona naasuĩlĩĩle apeegue ilyago kunzĩla ya usuĩĩli mwa kĩYesu Kilisito.

Alumĩ 7:21

Iio gua, namona uulagĩĩlio uu; pĩna numuloe kwitenda naluuza, paapo nalubĩĩ lukoolĩ kumuane.

1 Petelo 5:10

NuNzua nwa ukende tũlũ, naalumuĩtile kwiingĩla muukulu waakue wa kalĩ nakalĩ nawĩĩlĩ mwa kĩKilisito, pĩna muagigua kwityũngo niino, uyo umuene ukakumukamĩnkĩĩlia, nukukumukamatĩkia, nukukumupeela ingũlũ.

Agalatia 5:17

Kuitĩ inshula za kĩmuĩlĩ zĩkĩsinkaa nuMuau, nuMuau ukĩsinkaa nĩkĩmuĩlĩ, kuitĩ ĩzaasio zĩkĩsiitĩlagiaa inene, koona mulekitenda zaasio kĩna musiile.

Matayo 12:34

Inie wĩleli wa nzoka, mwishũũma mbii kwitambula nanziiza pĩna muabĩĩ. Kunsooko umulomo ukutaambulaa ziizo nazijuile munkolo.