Yakobo 1:21 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

²¹ Luulo gua, uĩĩkĩ kulĩ uudobũ tũlũ nuubĩĩ naukĩlĩkĩlĩĩle, luanũnkulĩ kuupolo ulukaani nalupandĩlue nalusũũmile kwigũna inkolo zaani.

Yakobo 1:21 Referans Kwoze

Aepeso 4:22

Muujiule uuntu wa kalĩ naukugendaa kwitiata intendo za muandio, naukoononekaa kukuzitiata inshula za upembelia;

Aepeso 1:13

Mumuakue niniinie ga, naalĩ mũigilie ulukaani lwa tai, impola na nziiza za ugũnua waani, nukwishuĩĩla mumuakue alĩ muaĩĩkĩluue umuhũli nuMuau Muelu wilyago,

1 Petelo 2:11

Aloogua, numupeepilie zĩ agenda kangĩ anamusĩnzo, ĩnegĩ ninshula za kĩmuĩlĩ nazĩkĩkuaa nĩnkolo.

Yohana 6:63

ĩNkolo, ĩĩo yukupangatagiaa, umuĩlĩ sika ũjĩpĩĩle kakĩntu, iNkaani nalĩ nukumuĩĩla ingĩ nkolo, kangĩ upanga.

1 Petelo 2:1

Luulo gua, muuĩĩke kulĩ uubĩĩ tũlũ nuwĩsukukia tũlũ, nuunamampĩlu, nuwĩĩlũ nĩmatekete tũlũ.

Aebulania 12:1

Luulo gua, nindiishie gaa kunsooko kuapilimĩkĩĩligue nilyũnde kyulu lya akuĩli nalyĩkĩna itĩ, nakuujiule umuligo wensi numulandu naukukũtyapikagiaa, nakumankĩkie kuukamatĩkũ muwĩtiganĩĩli waasio nauĩĩkue ntongela yĩĩtu,

Yakobo 4:8

Musũgamĩĩlĩ uNzua, ninduyo ukakumusũgamĩĩla inie. Eeliĩ ĩmĩkono yaani inie anamĩlandu, nukukuzoogia inkolo zaani inie namwa nkolo zibĩlĩ.

Tito 2:11

Kuitĩ ukende wa kĩNzua kuugũnua wa antu tũlũ wigyelelaa;

Alumĩ 1:16

Kuitĩ ĩne numugila kansoni kuMpola na Nziiza, kunsooko ingĩ ngũlũ za kĩNzua nazukuleetaa uugũnua kuwensi nusuĩlĩle, kuMuyahũdi tangua, nukuMugiliki gaa.

Aebulania 4:2

Kuitĩ tai, ishie nindiishie kwatanantĩĩligue impola nanziiza zĩ aao. Ĩpa itĩ ulukaani luasio naalĩ alũigilie sika naluasaĩpĩla ĩaasio, kunsooko sika nalusaalĩnkana nuusuĩĩli munsĩ yaao naalĩ iigilie.

Aebulania 2:3

aishie gua, kukitalama mbii kanga kulekikeela uugũnua naukulu kĩna uu? Naalĩ utambulue kumuandio nũShekulu, pembele naukamĩnkĩĩligua kumiĩtu kunzĩla ya aasio naalĩ iigilie;

1 Akolinto 15:2

nĩkangĩ kuzaasio mugũnĩkile, malĩĩ muziambĩkilie naalĩ numutanantĩĩlie; isiititũla alĩ musuĩlĩĩle nakanda.

Alumĩ 6:17

Ĩpa uNzua wasongeligue kunsooko inie naalĩ mwĩasese a mulandu alĩ mugoombilie munkolo zaani uumanigua naalĩ muapeegue.

Yohana 6:68

uSimoni Petelo numushookeelia, “Shekulu, kwende kwa kuani? Ue utĩĩte inkaani za upanga wa kalĩ nakalĩ,

1 Atesaloniki 2:13

Kunsooko ĩĩ ishie nindiishie sika kwileka kukumusongelia uNzua, kuitĩ pĩna alĩ muanũnkuĩle uLukaani lwa kĩNzua naali mulũigilie kumiĩtu, alĩ muluanũnkuĩle sika kĩna lukaani lwa kĩuntu, ĩpa kĩna Lukaani lwa kĩNzua, nuluasio iio luĩlĩ tai-taaii, nalukĩtumaa umulĩmo munsĩ yaani inie namusuĩlĩĩle.

2 Akolinto 7:1

Iio gua aloogua, kunsooko kutĩĩte ĩmalago aya, kwĩeelie kwipũna muudobũ wensi wa muĩlĩ nĩnkolo; ĩkwikamĩnkĩĩlia uweeligua muooa wa kĩNzua.

Utendi 13:26

“Agoosia anũna aane, aana a luuli lwa kĩIbũlahimu, niniinie pakatĩ yaani namumoopokile uNzua, ulukaani ulu lwa ugũnua lwaleetaguaa kumiĩtu.

1 Petelo 1:9

Namwiaanũnkula ĩmpelo ya usuĩĩli waani, ingĩ uuugũnua wa nkolo zaani.

Alumĩ 11:17

Ĩpa mbaa intambi nazĩngĩ zatemangilue, ninduue muzeituni wa muwĩĩ nusopekelua paluandĩ luao, nutũla mukamantani witina lya muzeituni nuugĩnũ waakue,

Utendi 10:33

Ĩkamuĩ naatuma ĩantu kumuako, nunduue watenda iiza kwiiza. Luulo gua, ishie kukoolĩ papa ensi ntongela ya kĩNzua kuziigie inkaani zensi naazumulagĩĩligue nuNzua.”

Matayo 5:5

Akembetue naapolo; kuitĩ ĩaasio ĩkakumĩsaala ĩnsĩĩ.

1 Atesaloniki 1:5

Kunsooko iMpola naNziiza nakutanatilie sika nazumupikĩĩla kunkaani udũũ, ĩpa nukungũlũ, nukuMuau Mwelu, nukuukamatĩkũ wingĩ. Mumanile kĩna alĩ kwĩantu kĩ pakatĩ yaani kunsooko yaani.

Aepeso 5:4

sunga inkaani za udobũ nĩza ulu nĩza nsoni; izi sika zijĩpĩĩle, ĩpa taazu kwishoongelia.

Aepeso 4:25

Luulo gua, ujiulĩ ulongo, mutambule ĩtai, wensi numunakaa waakue, kunsooko kupitũmpi, wensi katũmpĩ ka muua.

Yakobo 5:20

walĩnge kĩna unuasio numushookilie umunamĩlandu walege munzĩla ya ulimĩĩli, ukakumĩgũna ĩnkolo yaakue muukiu, nukwikũnĩkĩla uwingĩ wa mĩlandu.

1 Petelo 1:22

Pĩna namuzeelia inkolo zaani kukumĩgombia ĩtai, mwĩloogekigue nkankanaa mukĩnũna, ĩkutilĩ kaunamampĩlu; ĩkakiĩ gua kukĩloogua kunkolo nanzelu.