Yakobo 1:19 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

¹⁹ Zaasio mumanile anũna aane aloogua. uMuntu wensi watũle mukaaũ wa kũigia, ĩpa sika mukaaũ wa kutambula, sika mukaaũ wa kutaka;

Yakobo 1:19 Referans Kwoze

Aepeso 4:26

Namwa nuutaki mulekitimula; ĩmpasu ĩlekishaalĩĩla pĩna uutaki waani wikĩĩlĩ kalamulegela,

Akolosai 3:8

Ĩpaino gua, maĩĩkĩ kulĩ aya tũlũ, utaki nuugaali, nuubĩĩ, nuusingĩĩlia nĩmakaani ma ituki mumĩlomo yaani.

Aepeso 4:31

Ugaali tũlũ nĩmagũndo nuutaki nĩkĩlanga niituki malege kumiani, palumuĩ nuubĩĩ wensi.

Akolosai 3:15

Nĩmatiliga ma kĩKilisito mateme munkolo zaani, iio kĩna alĩ muĩĩtĩlue mumuĩlĩ umuĩ. Kangĩ muĩ nĩmasongelio.

Matayo 5:22

Ĩne gua, namuĩĩla. Wensi nukumutakĩĩlaa umunũna waakue yumũjĩpĩĩle ulamulua. Nukumushoonelagia umunũna waakwe yumũjĩpĩĩle watualue kwilindi; numuntu wensi kanga wamumele, yumũjĩpĩĩle ĩGehena, ya mooto.

Yakobo 1:26

uMuntu naa wĩsĩĩgile kĩna utĩĩte wĩtekeli, ninduyo sikugililie ululĩmĩ luakue ĩpa wĩkongile ĩnkolo yaakue, uwĩtekeli wa muntu nuasio, ingĩ nakanda.

1 Atesaloniki 2:13

Kunsooko ĩĩ ishie nindiishie sika kwileka kukumusongelia uNzua, kuitĩ pĩna alĩ muanũnkuĩle uLukaani lwa kĩNzua naali mulũigilie kumiĩtu, alĩ muluanũnkuĩle sika kĩna lukaani lwa kĩuntu, ĩpa kĩna Lukaani lwa kĩNzua, nuluasio iio luĩlĩ tai-taaii, nalukĩtumaa umulĩmo munsĩ yaani inie namusuĩlĩĩle.

Utendi 17:11

Ĩasio alĩ aaza kwikĩla ĩa kuTesaloniki; alĩ aluanũnkuĩle ulukaani kunkolo nantontũ, mumeelele naikeesekia uwandĩkua, naona kĩna impola izi yoi zĩĩlĩ.

Luka 19:48

sika naaona ulwa kutenda kuitĩ ĩantu alĩ akukamantanaa ninduyo nukukumũigia.

Maliko 2:2

Naĩlundĩĩla iingĩ, nalĩula kalioma sunga pamulango; nuĩ kuatambuĩla ulukaani.

Utendi 10:33

Ĩkamuĩ naatuma ĩantu kumuako, nunduue watenda iiza kwiiza. Luulo gua, ishie kukoolĩ papa ensi ntongela ya kĩNzua kuziigie inkaani zensi naazumulagĩĩligue nuNzua.”

Utendi 2:42

Naĩkamatĩkia muumanigua wa atumua, numuukamamtani, nukukuuega uugalĩ numuulompi.

Luka 15:1

Pĩna ĩasangulia-kooodi nĩanamĩlandu naiishũgamĩĩla amutegeele,

1 Yohana 2:21

Sika alĩ numuandĩkĩĩle inie kunsooko sika mumanile ĩtai, ĩpa kunsooko mumĩmanile, kangĩ mumanile kĩna ukutilĩ kaulongo wensi naukũpunaa mutai.

Utendi 13:48

iNdugu nazĩngĩ pĩna nazigyũlia yaasio, nazilumba, nazulukulia ulukaani lwa kĩShekulu; ndĩo naalĩ aĩĩkue kuupanga wa kalĩ nakalĩ naasuĩĩla.

Maliko 12:37

“uDaudi umuene numuĩta, ‘Shekulu,’ yatũla mbii gua, wĩĩ muana waakue?” Numulundo alĩ ukumutegeela kwilyumbi.

Utendi 1:15

Pantondo zaasio nuĩmĩka uPetelo pakatĩ ya anũna (iyalo lya antu alĩ lialĩĩ gyana nĩmakumi mabĩlĩ;) nuũga,

Yakobo 1:2

Anũna aane, pĩna mwiaagaana ĩmagemua namĩsia-sia, sĩĩgĩlĩ ya kĩna ulumbi utilĩ;

Yakobo 1:16

Mulekilimĩĩligua anũna aane aloogua.

Yakobo 2:1

Anũna aane, mulekitũla nuuloeelania, pĩna mutĩĩte uusuĩĩli wa kĩShekulu wĩĩtu Yesu Kilisito mukola ukulu.

Yakobo 2:5

Ntegeelĩ, anũna aane aloogua, uNzua sika aluasaaguĩlene ĩatũka a unkũmbigyulu atũle agolĩ muusuĩĩli, kangĩ asaali a utemi naalualagĩĩle ĩaasio naamuloilue?

Yakobo 3:10

Mumulomo wazuuzu ukupũnaa ukembetua nuuzũmua. Anũna aane, sika ijĩpĩĩle kwitũla itĩ.

Yakobo 4:11

Muleke kĩteketa anũna aane. Numuteketile umunũna waakue katia kukumulamula umunũna waakue, ukuuteketaa uUlagĩĩlio nukukuulamula uUlagĩĩlio. Ĩpa malĩĩ ukuulamula uUlagĩĩlio, sikukutũlaa mutendi wa Ulagĩĩlio, ĩpa umulamuli.

Yakobo 5:12

Naikulu nangũlũ gua anũna aane, mulekilapa nukwitea igyulu katia nsĩĩ, sunga kukĩlapo nakiĩngĩ tũlũ kiensi; ĩpa ĩeeze yaani yĩĩ eeze, nĩzũi yaani yĩĩ zũĩ, mulekiguĩla muulamulua.

Yakobo 5:19

Anũna aane, kanga wensi mumiani wamĩlimĩĩle inzĩla ya tai, nunuĩngĩ wamushookie,