Yakobo 1:12 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

¹² Mulyuku umuntu nugigimĩlie muugemua, kunsooko pĩna udulile ukiaanũnkula ĩngala ya upanga, ũShekulu nualagĩĩle naamuloilue.

Yakobo 1:12 Referans Kwoze

1 Petelo 5:10

NuNzua nwa ukende tũlũ, naalumuĩtile kwiingĩla muukulu waakue wa kalĩ nakalĩ nawĩĩlĩ mwa kĩKilisito, pĩna muagigua kwityũngo niino, uyo umuene ukakumukamĩnkĩĩlia, nukukumukamatĩkia, nukukumupeela ingũlũ.

Ukũnukulua 2:10

Ulekioopooka inkaani nazĩkakukuagaana. Laaa ũShetani ukitũla kumugumĩla namuĩngĩ mumiani mukĩtũngo koona mugemue, niniinie mukitũla ninjago intondo kyumi. Wĩĩ musuĩĩli sunga ĩnkia, nineene nĩkakukupeela ĩngala ya upanga.”

Yakobo 5:11

Laaĩ, kukuĩĩtaa Aliukũ naakutũlaa akamatĩkũ. Mũigilie impola za ugigimĩlia wa kiYobũ, mwauoonie usiio wa kĩShekulu, ya kĩna ũShekulu ingĩ mukola kĩsuusu kingĩ nĩkĩnishungu.

Alumĩ 8:28

Kumanile gua kĩna uNzua munkaani zensi ukĩtumaa umulĩmo kuuuza, kuaasio naamuloogilue uNzua, ingĩ aao naĩĩtue kuusiio waakue.

Matayo 10:22

Mukitũlishuukĩlua nĩantu tulu kunsooko ya liina liane. uNuasio gua nwakugigimĩĩlia sunga ĩmpelo, uuzo ukigũnĩka.

1 Akolinto 9:25

Wensi nukĩtiganĩĩlaa ukĩgilagiaa mutũlũ zensi; Ĩaasio gua, koona aanũnkule ĩngala nyukoonekaa; ĩpa ishie nasika yukoononekaa.

1 Petelo 3:14

Ĩpa kanga muaagigue kunsooko ya kulukuuluu, iiza kulukuuluu. Mulekioopooka kwioopookia kumuao, sunga muleke kĩkunkunalia;

2 Timoteo 4:8

Naishaagile numuĩĩkĩlĩgue ngala ya kulukuuluu, ĩniasio ũShekulu mulamuli nwa kulukuuluu nukimpeela paLutondo luasio; kangĩ sika uneene dũũ, ĩpa nĩaasio gaa naauloogilue uwigyeleli waakue.

Yakobo 2:5

Ntegeelĩ, anũna aane aloogua, uNzua sika aluasaaguĩlene ĩatũka a unkũmbigyulu atũle agolĩ muusuĩĩli, kangĩ asaali a utemi naalualagĩĩle ĩaasio naamuloilue?

1 Petelo 5:4

NuMudĩĩmi namukulu pĩna wijile kigyeleligua, mujiliaanũnkula ĩngala ya ukulu nasika yukoononekaa.

1 Akolinto 2:9

Ĩpa kĩna yandĩkue, “iIntu ĩliiso nasika alĩ lĩioonie sunga ukutuĩ sika alĩ wiigilie Sunga sika alĩ ingĩĩle munkolo ya muntu, iIntu uNzua naalĩ waazĩpĩlĩĩĩlie naamuloilue,”

Ukũnukulua 3:21

Uyo nudulile, nĩkakumupeela kukikyalansa palumuĩ nineene mwityengu liane lya kĩtemi, zĩ uneene naalĩ ndulĩle nanikyalansa palumuĩ nuTata waane mwityengu liakue lya kĩtemi.

1 Petelo 4:13

Ĩpa kĩna iio namukamantĩĩne muwaagi wa kĩKilisito, lumbĩkiĩ; koona numuukũnukulua wa ukulu waakue, mulumbe nukwilumbĩĩlia.

1 Akolinto 8:3

Wensi kanga wamuloogue uNzua, uzo wamanagua ninduyo.

Ukũnukulua 3:19

Ĩpa nukuanaganĩlaa tũlũ nanĩaloilue, nukukualanga; luulo gua, utũle nukamatĩkũ, upele.

Aebulania 10:32

Ĩpa itĩ zijukĩkiĩ intondo za muandio pĩna namukoonda kwipeegua uweelu munkolo, namugigimĩlia uwĩsinki naukulu wa kuagigua;

Aebulania 6:15

Iio gua, uIbũlahimu pĩna nugigimĩlia nuona kĩna ilyago nalĩtimĩĩlĩka.

Matayo 25:34

Paapo umutemi ukakuaĩĩla ĩaasio naĩĩlĩ pamukono waakue wa kĩgoosia, ‘Nzuĩ namwakembetilue nuTata waane, usaalĩ uutemi naalĩ muazĩpĩlĩligue kwipũna pautũndua wa unkũmbigyulu;

Aebulania 11:17

Kuusuĩĩli uIbũlahimu pĩna alĩ mugemue numupũnia uIsaki watũle pyolia; ninduyo naalumaanũnkuĩle ĩmalago, alumupũnilie polia umuana waakue nwig'ene,

1 Yohana 4:19

Iishie kutĩĩte uuloogua kunsooko muene alukuloogilue umuandio.

Aebulania 12:5

Kangĩ muĩaguaa nkankanaa, uulangua naukĩtambuĩlaa niniinie zĩ aana, “Muanuane, uleke kuumela uulangua wa kĩShekulu, kangĩ ulekineketa munkolo pĩna witakĩlua ninduyo.

Luka 6:22

“Mualiukũ inie pĩna ĩantu ĩkakumusuukĩlua nukukumukamatula nukukumutukĩla nukukulĩtaaga kunzi ĩliina liani kĩna byĩĩ kunsooko ya muana-muntu.

Alumĩ 5:4

nuugigimĩlia ukuleetaa ukamia nkolo, nuukamia nkolo ukuleetaa ulaaĩĩli,

2 Timoteo 2:15

Ĩkamatĩkie kukigyelela kĩna umugombigue nuNzua, munamulĩmo nasika wa kukoligua kansoni, ĩukulutumĩla kĩĩsa ulukaani lwa tai.

1 Petelo 4:14

Kanga mutukue kunsooko ya liina lya kĩKilisito mualiukũ, kuitĩ uMuau wa ukulu nuwa kĩNzua wamũkyalĩĩle.