Yakobo 1:1 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

¹ Yakobo mwĩtumi wa kĩNzua, kangĩ wa kĩShekulu Yesu Kilisito, namulamukia inie namwĩnduuli kyumi nazibĩlĩ nazishapatĩĩle.

Yakobo 1:1 Referans Kwoze

1 Petelo 1:1

Petelo, mutumua wa kĩYesu Kilisito, namuandĩkĩla inie asaagulua namwikyalile zĩ agenda nukwishapatĩla kuasio kuPonto, nĩGalatia nĩKapadokia nĩAsia nĩ Bitinia.

Yohana 7:35

Paapo ĩAyahũdi naĩtambuĩla eene kuene, “Ulomile wende mpĩĩ uyu itĩ kuleke kumuona ishie. Ukienda kuupalansano wa Agilikine nukukuamania ĩAgiliki?

Utendi 8:1

uSauli nugombile kwiulagua kumuakue. Palutondo luasio, ikyanisa naliĩlĩ mũYelusalemũ naligyeleelua nimpatĩ nkulu; tũlũ ensi naapalansana munsĩĩ ya Uyahũdi nĩSamalia, isiititũla ĩatumua.

Utendi 26:7

Ninduuli zĩĩtu kyumi nazibĩlĩ zilaaĩlĩĩle zĩlĩpikĩĩle; pĩna ĩkamatĩkilie kukĩtekela utiku nĩmunsĩ. Kunsooko ya ulaĩĩli uu nishokigua nĩAyahũdi, ee Mutemi!

Utendi 15:23

Naandĩka mbalua, amĩtuale kumĩkono yaao, itĩ, “Ishie anũna aani, atumua nĩanampala, kuanũna ĩĩtu naapũnile mundugu nazĩngĩ naĩĩlĩ kuAntiokia nukũShamũ nĩKilikia, kumulamukilie.

Tito 1:1

Paulo, Mwĩtumi wa kĩNzua, kangĩ mutumua wa kĩYesu Kilisito, koona ĩasaagulua a kĩNzua amĩsuĩĩle nukukumĩlĩnga ĩtai nyukumanagiaa kukumukulia uNzua.

Agalatia 2:9

Kangĩ pĩna naamana ukende naalĩ numupeegue; uYakobo nuKepa nuYohana, naatĩĩte ulukũmo kĩna ingĩ ishĩmbĩlĩ, naampeela ĩne nuBalinaba umukono wa kĩgoosia nwa ukamantani, koona ishie kuende kundugu nazĩngĩ, nĩndĩo ende kuasio naaalamiigue;

Utendi 15:13

Pĩna naakondia inkaani zaao, uYakobo nushookeelia nuũga, “Agoosia anũna aane, ntegeelĩ.

Alumĩ 1:1

Paulo nanĩmwĩtumi wa kĩYesu Kilisito, nanumuĩtue ntũle mutumua nukwikamatulua ntanantie impola na nziiza za kĩNzua,

Utendi 21:18

Palutondo lwa kabĩlĩ uPaulo nũingĩla kwa kĩYakobo palumuĩ nindiishie, nĩanampala tũlũ alĩ akoolĩ.

Yohana 12:26

Wensi kanga wantumĩle, nwantiate; pĩna nĩĩlĩ ĩne, paapo numwĩtumi waane ukitũla wĩĩlĩ. Wensi kanga wamtumile, uTata ukakumukulia.

Matayo 19:28

ũYesu nuaĩĩla, “Tai namuĩĩla, pĩna uMuana-muntu ukakikyalansa mũtyengu lya kĩtemi lya ukulu waakue muunkũmbigyulu naupia, inie naalĩ muntiatile, niniinie mukakikyalansa mumatengu makitemi na mikyumi namabĩlĩ, ĩmukuzilamula induuli kyumi nazibĩlĩ za ĩSilaeli.

Yuda 1:1

Yuda nanĩmwĩtumi wa kĩYesu Kilisito, munũna wa kĩYakobo, kuinie namuĩĩtue, namualoogue mwa kĩNzua Tata nukwikendegeelua mwa kĩYesu Kilisito.

2 Petelo 1:1

Simoni Petelo, mwĩtumi, numutumua wa kĩYesu Kilisito, namuandĩkĩla inie naalĩ muligilie uusuĩĩli umuĩ nindiishie, nawa ngele nkakũ, mukulukuuluu ya kĩNzua wĩĩtu nuMugũni Yesu Kilisito.

Apilipi 1:1

Paulo palumuĩ nũTimoteo, ĩtumi a kĩYesu Kilisito, kwamuandĩkĩla inie namwĩeelu mwa kĩKilisito Yesu namuĩlĩ kuPilipi, palumuĩ nĩalĩnguli nĩaalĩĩlia ikyanisa.

Agalatia 2:12

Kuitĩ pĩna alĩ ikĩĩlĩ kalaaza ĩantu naalĩ apũnile kwa kĩYakobo, alĩwilĩa palumuĩ nĩndugu nazĩngĩ; ĩpa itĩ pĩna naaaza, nushooka kunũma nwĩkamatula; nuoopooka ĩaasio naaalamigue.

Agalatia 1:19

Sika nanumuona nuĩngĩ nwa atumua isititũla uYakobo munũna wa kĩShekulu. (

Utendi 15:21

“Kuitĩ kwipũna ĩkalĩ sunga nunzuauu uMusa utĩĩte mukaa zensi nakutanantagiaa inkaani zaakue, kangĩ mumasũnagogi zukusomaguaa palutondo lwa wikyali.”

Utendi 1:13

Pĩna naingĩla, naanankĩla kwityando lya mukiania ityembe pĩna alĩ akikyalaa, uPetelo nuYohana, nuYakobo; nuAndelea, nuPilipo, nuTomaso, nuBalitomayo, nuMatayo, nuYakobo ũshaAlipayo, nuSimoni uZelote, nũYuda sha Yakobo.

Matayo 13:55

Sika wayu muana wa museesine? Nunina sika wayune nukuĩtaguaa Malia? Nĩanũna aakue sika uYakobone nuYosepu, nuSimoni, nũYuda?

Utendi 12:17

Ninduyo nuaangaazĩlia umukono atuulie, nuaganuĩla kĩna ũShekulu azumupũnilie mukĩtũngo, nuũga. Mumuĩĩle uYakobo nĩanũna impola izi. Nulega, nuenda pĩngĩ.

Ukũnukulua 7:4

Naniigia iyalo liao naalĩ aĩĩkĩlue ĩmĩntoozo muluuli luensi lwa aana a Ĩsilaeli, antu magana ma nzogũ gyana lĩmuĩ nĩmakumi manĩĩ namanĩĩ.

Utendi 2:5

Alĩ akoolĩ kũYelusalemũ Ayahũdi naikyalile, antu akulia-Nzua a ndugu zensi nsĩlĩlĩ igyulu.

Luka 22:30

koona mulĩe nukwikopa pameeza yaane muutemi waane nukukikyalansa mumatengu ma kĩtemi paasio pĩna mukakuzilamula induuli kyumi nazibĩlĩ za Ĩsilaeli.”

Matayo 10:3

Pilipo nuBalitolomayo, Tomaso nuMatayo musangulia-koodi, Yakobo ũsha Alpayo nuTadayo,

2 Timoteo 4:21

Ĩkamatĩkie kwiiiza pĩna mikaalĩ matũngo ma mbula. uEubũlo ukulamukilie, nuPũũde, nuLiinosi, nuKilaudia, nĩanũna tũlũ ensi.

Utendi 23:26

“Kilaudio Lisia kwakĩ jũmbe numukulu Peliki, nakulamukia!

Luka 6:15

Matayo nuTomaso, Yakobo ũsha Alifayo nuSimoni nukuĩtanguaa Zelote,

Maliko 3:18

nuAndelea, nuPilipo, nuBalitolomayo, nuMatayo, nuTomaso, nuYakobo ũsha Alpayo, nuTadayo, nuSimoni Mukananayo,