Ukũnukulua 1:5 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

⁵ kangĩ nukũpũna kwa kĩYesu Kilisito, mukuĩili namusuĩĩli, mulelua wa muandio wa aasio naalĩ akiile, kangĩ mukulu wa atemi a nsĩĩ. Kumuakue muene nukuloilue nukukukoogia ĩmĩlandu yĩĩtu kumugali waakue

Ukũnukulua 1:5 Referans Kwoze

Aebulania 9:14

sika ikulu nangũlũne ĩmĩgali ya kĩKilisito, naalĩ wĩpũnilie kwa kĩNzua kunzĩla ya kĩMuau wa kalĩ nakalĩ, watũle pyolia nigila kaulema, ukakumoogia ĩmioo yaani nuutendi wa ukiu kukumutumĩla uNzua namupanga?

1 Yohana 1:7

Ĩpa kanga kugendele muweelu, kĩna umuene nuĩlĩ muweelu, kukamantanile ndiishie kundiishie, numugali wa kĩYesu uMuana waakue ukukoogia umulandu tũlũ wensi.

Ukũnukulua 17:14

Ĩa ĩkakĩkua ulugu nuMuana-nkolo, nuMuana-nkolo ukakuadula, kunsooko uyo ingĩ Shekulu wa ishekulu, kangĩ Mutemi wa atemi; nĩndĩo naĩensi nunduyo, aao ĩĩtue, kangĩ asaagulue, kangĩ asuĩĩli.”

Akolosai 1:18

Nduyo ingĩ tyũe lya muĩlĩ waakue, ikyanisa liakue, Nduyo ingĩ muandio, ingĩ mulelua wa muandio kwipũna muakiu, koona watũle mutongeeli muintu tũlũ.

1 Petelo 1:19

ĩpa alĩ muakomolue kumugali wa kĩKilisito nwa ngele nkakũ, zĩ wa muana-nkolo namugila kakĩlema, namugila kibyado.

Utendi 26:23

ya kĩna uKilisito yumũjĩpĩĩle waagigue, kangĩ uzo wĩĩ wa muandio kwiiiuka muakiu, watanantie impola za weelu kuantu aakue nukundugu nazĩngĩ.

Ukũnukulua 19:16

Mujialo liakue numukĩĩga kiakue nutĩĩte liina naliandĩkue, mutemi wa atemi nũShekulu waashekulu.

1 Yohana 4:10

Uu wau uloogua, sika kĩna alĩ kumuloogilue uNzua, ĩpa umuene alukuloogilue ishie, numutuma uMuana waakue watũle pyolia kunsooko ya mĩlandu yĩĩtu.

Yohana 18:37

Iio uPilatu numuĩĩla, “Ue umutemine gile?” ũYesu nushookeelia, “Kĩna ue waũgaa, ĩne neene numutemi. Ĩne alĩ numulelue kunsooko ĩĩ, nukunsooko ĩĩ nijile muna unkũmbigyulu, koona nkuĩle ĩtai. Wensi nwa tai ukunzigagiaa ululi luane.”

Ukũnukulua 3:14

“Nukwa kĩmalaĩka nwikyanisa naliĩlĩ muLaodikia andĩka, ‘Izi zozi uũgile uyo naAmini, Mukuĩli namusuĩĩli, kangĩ nwa tai, iyuukĩ lya iyumbe ya kĩNzua.’

Ukũnukulua 7:14

Nanumuĩĩla; “Shekulu waane, umanile uuue.” Numbuĩla, “ĩAasio aao naapũnile muluago nalukulu, ndĩo akanzile ĩmajialo maao naameelia mumugali wa Muana-nkolo.

Matayo 28:18

ũYesu nuaagaana, nuĩ kuatambuĩla, nuũga, “Napeegaguaa uusũũmi tũlũ wensi kwigyulu numuna nsĩĩ.

1 Timoteo 6:15

naũjile kigyeleligua pamatũngo maakue, uyo muene mukola uliukũ, Mukulu wing'ene, Mutemi wa atemi, Shekulu wa ishekulu.

Aepeso 2:4

ĩpa itĩ uNzua, namukola ugolĩ wa kĩninshungu, kuuloogua waakue naukulu naalukuloogilue,

Aepeso 5:2

Mugendele muuloogua kĩna uKilisito naalumuloogilue inie, nwĩsuula kunsooko yĩĩtu, wĩĩ pyũnio nipyolia kwa kĩNzua, kwitũla munũnku namuuza.

Utendi 20:28

ĩkendegeelĩ uniinie akola, nidyale liensi paasio pĩna uMuau Muelu umuĩĩkile inie muĩ akendegeeli, mulĩdĩĩme ikyanisa lya kĩNzua naalĩ wĩligĩĩlie kumugali waakue umuene.

Agalatia 2:20

Nakonontelĩĩlue mumusalaba palumuĩ nuKilisito, ĩpa itĩ numupanga; kangĩ sika neene nanumupanga, ĩpa uKilisito muene mupanga munsĩ yaane; nuupanga nanuutĩĩte ĩpaino mumuili, nuutĩĩte kuusuĩĩli muMuana wa kĩNzua naalundoilue nwĩsuula umuene kunsooko yaane.

Ukũnukulua 11:15

uMalaĩka nwa mupũngatĩ nulĩlĩlia idyede liakue, naitũla nduli nkulu mwigyulu, naziũga, “uUtemi wa unkũmbigyulu watũlaa utemi wa kĩShekulu nuwa kĩKilisito waakue, nduyo ukitema sunga ĩkalĩ nakalĩ.”

1 Timoteo 6:13

Nakulagĩĩlia ntongela ya kĩnzua nukuipeela iintu tũlũ upanga, nintongela ya kĩKilisito Yesu naalukũmulĩĩle ukũmuuli nauuza ntongela ya kĩPontio Pilatu;

1 Akolinto 6:11

Nĩĩĩa kunsiani alĩ ĩkĩna awa. Ĩpa namoogigua, ĩpa namueligua, ĩpa namualĩĩligua ĩkulukuuluu muliina lya kĩShekulu Yesu Kilisito, nuMuau wa kĩNzua wĩĩtu.

Yohana 15:9

“Kĩna uTata naalundoilue ĩne, iio nineene numuloilue inie; kyalĩ muuloogua waane.

Yohana 13:1

uLutondo lukulu lwa Pasaka pĩna alĩ lwikaalĩ ũYesu numanile kĩna ityũngo liakue liazaaa lya kulega muna unkũmbigyulu uu wende kwa kĩTata, alĩ ualoilue ĩaakue muna unkũmbigyulu, nualoogua sunga kumpelo.

Alumĩ 8:37

Ĩpa itĩ mumpola izi tũlũ kukudulĩkagiaa kwikĩlĩkĩĩla kunzĩla yaakue nukuloilue.

Yohana 13:34

Namupeela lyagĩĩlio nĩpia, mwĩloogue. Kĩnaalĩ numuloilue inie, niniinie mwĩloogue iio-iioo.

Yohana 3:32

Nuzioonie nukukuziigia, ziizo ukuzikuĩlaa; ĩpa kutilĩ nukugombaa uukuĩli waakue.

Yohana 3:11

Tai-taaii nakuĩĩla, nakulumanile kukulutambulaa; nakuluoonie kukulukuĩlaa, nuukuĩlĩ wĩĩtu sika mugombile.

Matayo 20:28

Kĩna iio uMuana-muntu sika wijile kukĩtumĩlua, ĩpa kukĩtuma, nukwipũnia uuumĩ wakue wĩĩ kĩkomoli kunsooko ya iingĩ.”

Yohana 3:16

Iti yoi uNzua aluulogilue uunkũmbigyulu, sunga numupũnia uMuana waakue wing'ene, koona tũlũ wensi nusuĩlĩĩle mumuakue walekilimĩĩla, ĩpa wĩĩ nuupanga wa kalĩ nakalĩ.

Alumĩ 3:25

Uyo uNzua numuPũnilie watũle tyengu lipyolia kunzĩla ya usuĩĩli mumugali waakue. Itĩ walagĩĩle ĩkulukuuluu yaakue, kunsooko ya kuĩleka ĩmĩlandu naalĩ ĩtongĩĩle kwitendua muugigimĩlia wakĩnzua.

Aebulania 10:29

Mwaona mbii gua, sika yumũjĩpĩĩlene uukaasigua naukulu nangũlũ unuasio naalĩ umutilatile uMuana wa kĩNzua, nukukuusĩĩgĩla umugali wilyago naalĩ mueligue ninduyo, kĩna ingĩ sika kĩntu, nukukumumela uMuau wa ukende?

Ukũnukulua 2:13

Manile pĩna wikyalile, paasio pityengu lya kĩShetani; nunduue uambile dũũ ĩliina liane, kangĩ sika nukaana uusuĩĩli, waane, sunga muntondo za kĩAntipa, mukuĩli waane namusuĩĩli, naalĩ muulague pakatĩ yaani, paasio pĩna ukikyalaa ũShetani.

Ukũnukulua 11:3

Nineene nĩkakuapeela usũũmi ĩakuĩli aane naabĩlĩ, ndĩo ikipũnia uunakĩdagu ntondo gyana lya nzogũ lĩmuĩ nĩmagana mabĩlĩ nimakumi mutandatu, ĩajialile ĩmajialo ma mbuela.”

Ukũnukulua 19:11

Namona igyulu nalĩkũnukuka; laaa, mpalasi nzelu! Ninduyo naalumĩdaamĩlĩĩle ukuĩtagua Musuĩĩli, kangĩ Wa tai, nukukulukuuluu ukulamulaa nukukĩlasaa ulugu.