9 Ĩpa ĩmakolio ma ulu, nimpola za wĩleli wa kalĩ, ninkungumi nuwĩleei mumpola za miiko ĩsuga-nsuge ndizo; kuitĩ magila kansaĩlo, ingĩ nakanda udũũ.
Uijukĩlie izi, ĩukisugula pa kĩShekulu, alekitũla ninkungumi za nkaani nangila kansaĩlo, ĩpa zukoonoonaa ĩategeeli.
Ĩpa umasiite ĩmakolio ĩma ulu namagila kamasala, umane ya kĩna makutũga uwĩleei.
Ĩpa inshimu za ulu nasika za wĩtekeli nauuza, uzishiite. ĩkamatĩkie kukumutekela uNzua;
Ĩnege ĩmakaani namagila kandogolelio, nasika ma awĩtekeli wa tai; kuitĩ ikilongoleka nangũlũ kukumuleka uNzua,
alekitegeela inshimu za kĩYahũdi, sunga ĩmalagĩĩlio maantu naasiitile ĩtai.
Kumpola za nama nampũnigue ipyolia kuanzegamĩla, kumanile kĩna “Ishie tũlũ kutĩĩte ulĩngi, uulĩngi ukuleeta lukeemo,” ĩpa uulogua ukuzengaa.
Kangĩ kanga ntũle nuunakĩdagu nuumane uunkũnkũ wensi nĩmasala mensi, kanga ntũle nuusuĩĩli zigi-zigi, nsũũme kwishamia sunga inkonko, malĩĩ numugila uuloogua, sikanĩkĩntu ĩne.
uUlugu ukupũna pĩĩ, nuwĩkui pakatĩ yaani ukupũnaa mpĩĩ? Sika muumo munsula zaanine nazĩkĩkuaa mupitũmpĩ piani pya muĩlĩ.