Tito 2:13 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

¹³ ĩkuutũngĩĩle ulaaĩĩlĩ naukola uliukũ, nuukũnũkulua wa ukulu wa kĩKilisito Yesu, Nzua namukulu, kangĩ Mugũni wĩĩtu.

Tito 2:13 Referans Kwoze

2 Timoteo 4:8

Naishaagile numuĩĩkĩlĩgue ngala ya kulukuuluu, ĩniasio ũShekulu mulamuli nwa kulukuuluu nukimpeela paLutondo luasio; kangĩ sika uneene dũũ, ĩpa nĩaasio gaa naauloogilue uwigyeleli waakue.

1 Akolinto 1:7

sunga sika muakeepeelue kakĩpeegua tũlũ kiensi, pĩna mulaaĩlĩĩle dũũ uukũnukuĩlua wa kĩShekulu wĩĩtu Yesu Kilisito.

Matayo 16:27

Kuitĩ uMuana-muntu wijile muukulu wa kĩTata wakue palumuĩ nĩamalaĩka aakue; paapo ukakumulĩpa wensi mũlika lya utendi waakue.

Tito 1:2

Nukukuulaaĩĩla upanga wa kalĩ nakalĩ, ĩlĩ lyoli lyago, uNzua, nasikukutambulaa ulongo naalukuĩkĩlĩe kwipũna ĩkalĩ,

Maliko 14:62

ũYesu nushookeelia, “Ingĩ neene, Niniinie mukakumuona uMuana-muntu wikyalansile pamukono wa kĩgoosia nwa ngũlũ, ĩupolokile nĩmalũnde ma kwigyulu.”

Aebulania 9:28

iio-iioo uKilisito pĩna alĩ mupũnigue pyolia kamuĩ dũũ, waĩkenke ĩmĩlandu ya iingĩ, nkua ya kabĩlĩ ukakigyelela, sika kumpola za mulandu ĩpa waagũne ĩaasio naamutũngĩĩle nkankanaa.

2 Petelo 3:18

Ĩpa mukule muukende nukukumumana ũShekulu nuMugũni wĩĩtu Yesu Kilisito. Ukulu wĩĩ kumuakue ĩpaino sunga kulutondo lwa kalĩ nakalĩ. Amini.

2 Akolinto 4:4

Ingĩ mumuao unzua wa unkũmbigyulu uu naalupokũilie ĩmasĩĩgo maao nasika asuĩlĩĩle, alekimĩlĩkĩlua nuweelu wa Mpola na Nziiza za ukulu wa kĩKilisito nampiani ya kĩNzua.

Alumĩ 15:13

uNzua wa ulaaĩĩli waani wamũjulie inie uulumbi wensi nĩmaatiliga uulaaĩĩli waani wongeeligue kungũlũ za kĩMuau mũelu.

Alumĩ 5:5

nuulaaĩĩli ugila kansoni, kunsooko uulogua wa kĩNzua wiitĩĩlue munkolo zĩĩtu kunzĩla ya kĩMuau Muelu naalĩ kuapeegue ishie.

2 Petelo 1:1

Simoni Petelo, mwĩtumi, numutumua wa kĩYesu Kilisito, namuandĩkĩla inie naalĩ muligilie uusuĩĩli umuĩ nindiishie, nawa ngele nkakũ, mukulukuuluu ya kĩNzua wĩĩtu nuMugũni Yesu Kilisito.

1 Petelo 1:7

itĩ kuugemua waani usungu waani nawa ngele nkulu kwikĩla ĩzahabũ nyukoononekaa, kanga ĩtũle ngemue kumooto nakĩĩ, uusuĩĩli waasio wigyelele kwitũla kulukũmo nuukulu nikyulio muukũnukulua wa kĩYesu Kilisito.

1 Petelo 1:3

Wakũmazukigue uNzua Tata wa kĩShekulu wĩĩtu Yesu Kilisito! Kukĩnishungu kiakue kingĩ alukulelile ĩnkua ya kabĩlĩ kuulaaĩĩli naukola upanga, kunzĩla ya wiuki wa kĩYesu Kilisito kwipũna muakiu.

2 Timoteo 4:1

Nukulagĩlĩĩlie ntongela ya kĩNzua nũShekulu Kilisito Yesu nukilamula naapanga nĩnaakiu, sunga kuwigyeleli waakue nuutemi waakue.

2 Akolinto 4:6

Kuitĩ uNzua naaluũgile, “Weelu naweelie mukiiti; muene alĩ weelilie munkolo zĩĩtu wakupeele uweelu wa ulĩngi wa ukulu wa kĩNzua muusiu wa kĩYesu.”

Utendi 24:15

Ntĩĩte ulaaĩĩli kwa kĩNzua nĩndĩo naaugombile, kĩna wiijile ukoolĩ uwiiuki wa akiu, akola kulukuuluu nĩnasika akola kulukuuluu,

Maliko 8:38

Wensi kanga wankolelue inshoni ĩne ninkaani zaane muwĩleli uu wa ugololia nĩmĩlandu, nuMuana-muntu ukakumukolelua inshoni uzo pĩna wijile muukulu wa kĩTata waakue palumuĩ nĩamalaĩka naeelu.

Ukũnukulua 1:7

Laaa, wijile nĩmalũnde, nĩliiso liensi lĩkakumuona, nĩndĩo naalĩ amusomile; ninduuli tũlũ za muna nsĩĩ zijililĩla ĩkĩlĩlo kunsooko yaakue. Eeze, Amini.

Tito 3:4

Ĩpa itĩ uuza wa Mugũni wĩĩtu uNzua nuuloogua waakue kuantu pĩna alĩ wigyelĩĩle, nukugũna;

Akolosai 3:4

uKilisito naupanga wĩĩtu, pĩna ukakigyela, paapo niniinie mukakigyela palumuĩ ninduyo muukulu.

Akolosai 1:23

Kanga mwikyale muusuĩlĩ, muzengue mumukũlĩla wa ngũlũ mulekileegeligua paulaaĩĩli wa Mpola na Nziiza naalĩ mũigilie, naalĩ ntanantigue kuiumbe tũlũ nayĩĩlĩ nsĩlĩlĩ igyulu Nineene Paulo nantũla mwĩtumi waakue.

1 Yohana 4:14

Nindiishie kwaoonie nukwikuĩla ya kĩna uTata wamutumile uMuana watũle Mugũni wa unkũmbigyulu.

Akolosai 1:5

Kunsooko ya ulaaĩĩli namuaĩĩkĩligue ĩkĩuto kwigyulu. iMpola zaakue alĩ muziigilie ĩkalĩ kulukaani lwa tai lwa Mpola na Nziiza

Matayo 26:64

ũYesu numuĩĩla, “Uue uũgile. Kangĩ numuĩĩlĩĩle, kwipũna nantende mukakumuona uMuana-muntu wikyalansile pamukono wa kĩgoosia nwa ngũlũ, upolokile mumalũnde ma kwigyulu.”

Matayo 25:31

“Pĩna ukiiiza uMuana-muntu muukulu waakue, nĩamalaĩka tũlũ palumuĩ nduyo, paapo ukakikyalansa mwityengu lya ukulu waakue,

2 Atesaloniki 2:16

NũShekulu wĩĩtu Yesu Kilisito umuene, nuNzua Tata wĩĩtu naalukuloogilue nukupeela ishie ipyumbulio lya kalĩ nakalĩ nuulaaĩĩli nauuza muukende,

2 Atesaloniki 2:8

Paasio paapo ukikũnukulua unuasio umuleki, uyo nũShekulu Yesu ũjile kumuulaga namuau wa mulomo waakue, nukukumuleegia kuwigyeleli wa kuuza kumuakue.

Akolosai 1:27

uWaasio uNzua naalusiile kukuũgyelelia kĩna wĩĩlĩ ugolĩ wa ukulu wa unkũnkũ uu pakatĩ ya ndugu nazĩngĩ; nduyo ingĩ uKilisito munsĩ yaani, ulaaĩĩli wa ukulu.

Alumĩ 8:18

Kuitĩ nsĩĩgile kĩna uwagi wa nzuauu sika kĩntu kwipianĩkĩĩligua nuukulu naukikũnukulua kumiĩtu.

1 Timoteo 1:1

Paulo, mutumua wa kĩKilisito Yesu, kuulagĩĩligua wa kĩNzua Mugũni wĩĩtu nuwa kĩKilisito, uulaaĩĩli wĩĩtu;

2 Timoteo 1:2

nakuandĩkĩla ue Timoteo muanuane muloogua. uUkende wĩĩ kumuako, nĩkĩnishungu nĩmatiliga namapũnile kwa kĩNzua Tata nukwa kĩKilisito Yesu Shekulu wĩĩtu.

Tito 1:4

Nakuandĩkĩla ue Tito, muanuane muusuĩĩli nakukamantĩĩne, uUkende wĩĩ kumuako nĩmatiliga namapũnile kwa kĩNzua Tata nukwa kĩShekulu Yesu Kilisito, Mugũni wĩĩtu.

Yuda 1:21

Ĩkendegeelĩ muuloogua wa kĩNzua; ĩmulindĩĩle ĩkĩnishungu kwa kĩShekulu wĩĩtu Yesu Kilisito sunga kuupanga wa kalĩ nakalĩ