Tito 1:2 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

² Nukukuulaaĩĩla upanga wa kalĩ nakalĩ, ĩlĩ lyoli lyago, uNzua, nasikukutambulaa ulongo naalukuĩkĩlĩe kwipũna ĩkalĩ,

Tito 1:2 Referans Kwoze

1 Yohana 2:25

Nĩndĩĩlĩ lyolĩ lyago naalukulagĩĩle ishie, uupanga wakalĩ nakalĩ.

2 Timoteo 1:9

Uyo alukugũnile nukukuĩta kuwĩĩtua naweelu, sika kwilika lya utendi wĩĩtu, ĩpa kwilika lishiio liakue umuene nuukende waakue, nalĩ kuapeegue ishie mwa kĩKilisito Yesu kwipũna ĩkalĩ,

Yuda 1:21

Ĩkendegeelĩ muuloogua wa kĩNzua; ĩmulindĩĩle ĩkĩnishungu kwa kĩShekulu wĩĩtu Yesu Kilisito sunga kuupanga wa kalĩ nakalĩ

2 Timoteo 1:1

Paulo, mutumua wa kĩKilisito Yesu kuulooa wa kĩNzua; kunsooko ilyago lya upanga naukoolĩ mwa kĩKilisito Yesu;

Tito 3:7

koona kualĩĩligue ĩkulukuuluu kuukende waakue, kutũle asaali a upanga wa kalĩ nakalĩ, kĩna wĩĩlĩ ulaaĩĩli wĩĩtu.

Tito 2:13

ĩkuutũngĩĩle ulaaĩĩlĩ naukola uliukũ, nuukũnũkulua wa ukulu wa kĩKilisito Yesu, Nzua namukulu, kangĩ Mugũni wĩĩtu.

2 Timoteo 2:15

Ĩkamatĩkie kukigyelela kĩna umugombigue nuNzua, munamulĩmo nasika wa kukoligua kansoni, ĩukulutumĩla kĩĩsa ulukaani lwa tai.

2 Timoteo 2:13

Kanga ishie kulekitũla usuĩĩli, uyo ũkyalile wa usuĩĩli, Kuitĩ sikusĩuũmile kukĩkaana umuene.”

1 Yohana 5:20

Kumanile ya kĩna uMuana wa kĩNzua waazile nduyo wakupĩĩle uulĩngi, koona kumulĩnge uzo nwa tai, nindiishie kukoolĩ munsĩ yaakue nwa tai, ingĩ munsĩ ya Muana waakue ũYesu Kilisito. Uyu wayu Nzua nwa tai, nuupanga wa kalĩ nakalĩ.

Tito 2:7

ĩukĩlagĩĩla uuue muene mumpola tũlũ zĩ mpiani ya utendi nauuza, sunga muumanigua waako wĩlagĩĩle uukamĩnkĩĩlũ nuwijĩpĩli,

1 Atesaloniki 5:8

Ĩpa kunsooko ishie kwa munsĩ, kulekigaala, kwĩjiale mukĩkũa usuĩĩli nuuloogua, nigyĩgu liĩtu lya kiuma lĩtũle ulaaĩĩli wa ugũnua.

Alumĩ 6:23

Kuitĩ ĩkĩnamulĩmo kya mulandu ingĩ ukiu; ĩpa uupeegua wa kĩNzua ingĩ upanga wa kalĩ nakalĩ mwa kĩKilisito Yesu Shekulu wĩĩtu.

Matayo 25:46

Ĩa ikilega ingĩle muukasigua wa kalĩ nakalĩ, ĩpa ĩakola kulukuuluu muupanga wa kalĩ nakalĩ.”

Matayo 25:34

Paapo umutemi ukakuaĩĩla ĩaasio naĩĩlĩ pamukono waakue wa kĩgoosia, ‘Nzuĩ namwakembetilue nuTata waane, usaalĩ uutemi naalĩ muazĩpĩlĩligue kwipũna pautũndua wa unkũmbigyulu;

Ukũnukulua 17:8

ĩNimu naalumĩoonie alĩ ikoolĩ, ndĩo ĩkutilĩ, ndĩo yĩzĩpĩĩlagiaa kwipũna mululungu nalusimu lwa kuulungu nukwienda kuoononeki; ndĩo naĩkikyalaa munansĩĩ, nasika andĩkue ĩmiina maao mukĩtabũ kya upanga kwipũna kwiĩĩka ĩmĩkũkĩla ya unkũmbigyulu, ĩkikulĩĩlua pĩna ĩkakumĩona ĩnimu, ya kĩna alĩ ĩkoolĩ, ndĩo ĩkutilĩ, ndĩo ĩkaa ĩkoolĩ.

Ukũnukulua 13:8

Tũlũ naakikyalaa muna nsĩĩ ĩkakumĩtekela, muntu wensi kanga ĩliina liakue ĩsika liandĩkue mukĩtabũ ĩkya upanga kya Muana-nkolo naalĩ muulague pĩna alĩ ikĩĩlĩ kwiĩĩkua umukulĩla wa nsĩĩ.

2 Timoteo 2:10

Iio gua, nagigimĩlia tũlũ kunsooko ya antu naeelu naasaagulue, ĩo ndĩo aligie uugũnua nawĩĩlĩ mwa kĩKilisito Yesu Palumuĩ nuukulu wakalĩ nakalĩ.

1 Timoteo 6:19

Itĩ yoi ĩakĩĩkĩlia ĩkĩuto kĩtũle mukũlĩla namuuza kumatũngo namijile, koona aũtyapĩkie uupanga nawa tai-taaii.

Alumĩ 5:21

Itĩ yoi kĩna umulandu nalĩ utemile muukiu, iio-iioo nuukende uteme kunzĩla ya kulukuuluu kuupanga wa kalĩ nakalĩ kunzĩla ya kĩYesu Kilisito Shekulu wĩĩtu.

Utendi 15:18

Uũgile ũShekulu, nuzilĩngilie ĩzaasio kwipũna ĩkalĩ.’”

Yohana 17:2

kĩna yoi naalumupĩĩle uusũũmi kuensi naakola muĩlĩ, itĩ tũlũ naalumupĩĩle waapeele uupanga wa kalĩ nakalĩ.

Yohana 10:28

Nineene nukuzipeelaa upanga wa kalĩ nakalĩ, sika zikilimĩĩla ĩkalĩ nakalĩ; ukutilĩ nukakuzikamantuula mumukono waane.

Yohana 6:68

uSimoni Petelo numushookeelia, “Shekulu, kwende kwa kuani? Ue utĩĩte inkaani za upanga wa kalĩ nakalĩ,

Yohana 6:54

Nulĩĩle umuĩlĩ waane nukwikopa umugali waane utĩĩte upanga wa kalĩ nakalĩ; nineene nĩkakumũiukia palutondo lwa mpelo.

Yohana 5:39

Mukuukeesekagiaa uwandĩkua, kuitĩ inie mukusĩĩgaa kĩna muumo mutĩĩte uupanga wa kalĩ nakalĩ; uwaasio uuo unkuĩlĩĩle ĩne.

1 Timoteo 6:12

Wĩsinke ulugu nauuza wa usuĩĩli; tyapĩkia uupanga wa kalĩ nakalĩ naalĩ umuĩtĩlue, nukũmuula akũmuuli nauuza ntongela ya ukuĩli iingĩ.

1 Atesaloniki 2:15

naalĩ amuulagile ũShekulu Yesu nĩanakĩdagu aao ĩeene, nukukukuagia ishie, sunga sika akumuloeelagiaa uNzua, sunga sika ĩgombilie nĩantu ensi;

Alumĩ 16:25

Ĩpaino nwakuligue uzo nusũũmile kukumukaminkĩĩlia inie kunzĩla ya Mpola na Nziiza nantanantilie, nukuutanantigua wa kĩYesu Kilisito kunzĩla ya ukũnukulua wa unkũnkũ uo naalĩ upisue kwipũna iyuukĩ,

Alumĩ 5:4

nuugigimĩlia ukuleetaa ukamia nkolo, nuukamia nkolo ukuleetaa ulaaĩĩli,

Alumĩ 5:2

Kwa kĩuyo kuusuĩĩli kwaligilie usũgamĩĩli kuukende uu nakuĩmĩkile munsĩ yaakue, nukwilumba muulaaĩĩli wa ukulu wa kĩNzua.

Alumĩ 2:7

ĩaasio naakudũũmaa uukulu nikyulio nuusiitioononeka kuugigimĩlia wa kutenda namaaza, ikipeegua upanga wa kalĩ nakalĩ;

Alumĩ 1:2

muzaasio nwapũnilie ilyago ĩkalĩ kunzĩla ya anakĩdagu aakue muwandĩkua naweeelu.

Yohana 17:24

“Tata, ĩaasio nwampĩĩle ĩne, nsiiile ĩĩ palumuĩ nineene pĩna nĩĩlĩ, alaae uukulu waane nwampĩĩle ĩne, kunsooko alundoilue pĩna umukulĩla wa unkũmbigyulu alĩ wikaalĩ kalaĩĩkua

Akolosai 1:27

uWaasio uNzua naalusiile kukuũgyelelia kĩna wĩĩlĩ ugolĩ wa ukulu wa unkũnkũ uu pakatĩ ya ndugu nazĩngĩ; nduyo ingĩ uKilisito munsĩ yaani, ulaaĩĩli wa ukulu.

Maliko 10:30

ukipeegua nkua gyana ĩpaino munityũngo ĩlĩ, numba nĩanũna niagũlĩ nunina nĩaana nĩmĩgunda palamuĩ nuupaatigua, numuunkũmbigyulu naũjile uupanga wa kalĩ nakalĩ.

Maliko 10:17

Sunga pĩna alulonguĩle munzĩla muntu umuĩ numumankĩĩla, nutũngama pamuakue, numukolia, “Mumania nwĩmuuza, ntende yaani nsũũme kukuusaala uupanga wa kalĩ nakalĩ.”