Tito 1:10 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

¹⁰ Kuitĩ akoolĩ iingĩ naakakũ, naakutambulaa inkaani nangila kandogolelio, apembeelia, nangũlũ ĩaasio a waalami; ĩa ijipĩĩle amũmigue ĩmĩlomo yaao.

Tito 1:10 Referans Kwoze

1 Timoteo 1:6

Naĩngĩ naazileka ĩzaasio, naalimĩĩla, naagomokela ĩmakaani namagila kansaĩlo.

1 Yohana 4:1

Aloogua, mulekishuĩĩla ĩnkolo zensi, ĩpa zigemĩ inkolo kanga ĩzipũnile kwa kĩNzua; kunsooko ĩanakĩdagu aulongo iingĩ igyelelaa muna unkũmbigyulu.

Agalatia 2:4

Ĩpa alĩ akoolĩ aĩanũna a ulongo naalĩingĩligue kukĩmpisĩ-mpisĩ, ĩaasio naingĩla udũũ kukuulĩngula uukolelua wĩĩtu nakutĩĩte mwa kĩKilisito Yesu, koona akutuale muusese wa miiko.

Aepeso 4:14

koona kulekitũla aana atakata, kangĩ ĩkwigumua kunu nukunu nukwikenkua kunzega zensi za mamania kuupembeelia wa antu, kuwĩsukukia naubĩĩ, ĩkwitiata ĩmiena ya ulimĩĩli.

Yakobo 1:26

uMuntu naa wĩsĩĩgile kĩna utĩĩte wĩtekeli, ninduyo sikugililie ululĩmĩ luakue ĩpa wĩkongile ĩnkolo yaakue, uwĩtekeli wa muntu nuasio, ingĩ nakanda.

2 Timoteo 3:13

ĩAbĩĩ gua, nĩapembeelia ikilongoleka kwitũla abĩĩ, ĩakualimĩĩlia ĩantu sunga kwilimĩĩligua ĩeene.

Utendi 11:2

NuPetelo pĩna nunankĩla wende kũYelusalemũ, ĩaasio naalĩ aalamigue naĩĩ kĩkunguma nduyo,

Ukũnukulua 2:14

Ĩpa ntĩĩte nkaani nkeei kumuako, kuitĩ utĩĩte kuasio antu naaambile ĩmamanio ma kĩBalamũ, uyo naalumumanilie uBalaki waĩĩke ĩkĩnkũmpa ntongela ya aana a Ĩsilaeli, ailĩe iintu naalĩ ipũnigue kuanzegamĩla, nukwigololia.

Ukũnukulua 2:6

Ĩpa utĩĩte ulukaani ulu kĩna uusuukĩĩlue uutendi wa Anikolaiti nanuusuukĩĩlue nineene gaa.

1 Yohana 2:18

Ana ane, ingĩ tyũngo lya mpelo; kĩna iio naalĩ mũigilie kĩna umugilia-Kilisito ũjile, sunga nunzuauu ĩagilia-Kilisito iingĩ igyelelaa; iio gua, kulĩngile kĩna ingĩ tyũngo lya mpelo.

2 Timoteo 4:4

Nĩndĩo ĩkakĩnega alekiiigia naza tai, ikigomokeela inshimu za ulongo udũũ.

1 Timoteo 1:4

sunga alekikendegeela inshimu nasika za tai, sunga impola za kalĩ nangila nuukinĩĩlo, nazukuleetaa inkungumi dũũ, sika uzengi wa kĩNzua nawĩĩlĩ muusuĩĩli.

Agalatia 3:1

Inie adĩinie Agalatia namuagila kamasala! Waani numulogile, inie namualagĩĩlue kualiĩ pamiiso maani ũYesu Kilisito ya kĩna alĩ mukononteelue mumusalaba.

Utendi 20:29

Ĩne manile kĩna pĩna nikilega, iyĩngi naataki ikiingĩla pakatĩ yaani nasika ĩkakulĩkolelua idyale.

Utendi 15:1

Naaaza ĩantu kwipũna kuUyahũdi naakuamania ĩanũna, “Kanga musiitialamigua kukuzitiata intendo za kĩMusa sika musũũmile kwigũnĩka.”

Utendi 15:24

Kunsooko kuigagiaa ya kĩna ĩĩĩa naalĩ apũnile mumuĩtu akumuzũga inie kunkaani zaao, akumuleetela inkankani munkolo zaani, nindiishie sika alĩ kualagĩlĩĩlie;

1 Timoteo 1:9

kangĩ walĩnge kĩna uUlagĩĩlio sika umũjĩpĩĩle umunakulukuuluu ĩpa ĩaleki, nĩanakiaka, nĩnasika amoopookile uNzua, nĩanamĩlandu, nĩnasika amukulilie uNzua, nĩadobũ, nĩnaakuulagaa atata nĩamaau aao, nĩaulagi,

Tito 1:6

muntu namugila kishokio, nduyo wĩĩ mugoosia wa musungu umuĩ, nwa aana naasuĩĩli nasika akusokakiguaa ya kĩna asambo katia akakũ.

1 Yohana 2:4

Uzo nuũgile, “Numulĩngile,” ninduyo sikukumakendegelĩĩle ĩmalagĩĩlio maakue,, ingĩ mulongo, nĩtai yukutilĩ munsĩ yaakue;

Matayo 23:14

Ukĩa kumuani alangi nĩApalisayo, anamampĩlu! Kunsooko mukuzilĩaa inumba za akiĩlua, nukuunamampĩlu mukulompaa ilĩĩpũ. Luulo gua, mũjililigia uulamulua naulũto nangũlũ.