Tito 1:1 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

¹ Paulo, Mwĩtumi wa kĩNzua, kangĩ mutumua wa kĩYesu Kilisito, koona ĩasaagulua a kĩNzua amĩsuĩĩle nukukumĩlĩnga ĩtai nyukumanagiaa kukumukulia uNzua.

Tito 1:1 Referans Kwoze

Alumĩ 1:1

Paulo nanĩmwĩtumi wa kĩYesu Kilisito, nanumuĩtue ntũle mutumua nukwikamatulua ntanantie impola na nziiza za kĩNzua,

1 Timoteo 6:3

Wensi kanga ĩwimania mamanigua mingĩ, nduyo ĩsikugombile inkaani naza upanga za kĩShekulu wĩĩtu Yesu Kilisito, sunga uumanigua naukamantĩĩne nukukumutekela uNzua kutai,

2 Timoteo 2:25

ĩukuasugula kuupolo naĩkĩkunguma nduyo, koona na yasũũmĩka uNzua waapeele kwipela nukwimana ĩtai,

2 Timoteo 2:23

Ĩpa umasiite ĩmakolio ĩma ulu namagila kamasala, umane ya kĩna makutũga uwĩleei.

2 Petelo 1:3

iNgũlũ zaakue, ĩza kĩNzua, zakupĩĩle intu tũlũ naijĩpĩĩle uupanga nukukumutekela uNzua, kunzĩla ya kumulĩnga uyo naalukuĩtile kuukulu waakue nuuuza waakue umuene.

1 Timoteo 3:16

Kutilĩ kankankani, uunkũnkũ wa wĩtekeli wĩĩtu ingĩ ukulu. uNzua alĩ mũgyeleligue mumuĩlĩ, Nulĩngĩkigua kĩna munakulukuuluu mwa kĩMuau, Alĩ wigyelĩĩle kuamalaĩka, Nutanantigua pakatĩ ya ndugu, Nusuĩĩlua muna unkũmbigyulu, Nunansulua kukiania muukulu.

2 Petelo 3:11

Iio gua, kunsooko iintu tũlũ ĩkĩnekentuka itĩ, yumũjĩpĩĩle inie muĩ antu kĩ mulugendo naluelu nukukumukulia uNzua,

1 Timoteo 2:4

nukusiiaa ĩantu tũlũ agũnue nukwilĩnga ĩza tai.

Akolosai 2:2

Koona akamigue inkolo zaao, pĩna ikamantanigua muuloogua, aligie ugolĩ wensi wa kulĩnga nkankanaa nukwimana uunkũnkũ wa kĩNzua, nduo ingĩ uKilisito.

Apilipi 1:1

Paulo palumuĩ nũTimoteo, ĩtumi a kĩYesu Kilisito, kwamuandĩkĩla inie namwĩeelu mwa kĩKilisito Yesu namuĩlĩ kuPilipi, palumuĩ nĩalĩnguli nĩaalĩĩlia ikyanisa.

2 Akolinto 1:1

Paulo, mutumua wa kĩYesu Kilisito kuuloa wa kĩNzua, nũTimoteo umunũna wĩĩtu, kukumuandĩkĩla inie namwikyanisa lya kĩNzua nalĩkoolĩ kuKolinto, palumuĩ nĩeelu tũlũ naakoolĩ munsĩĩ tũlũ nya Akaya.

Utendi 13:48

iNdugu nazĩngĩ pĩna nazigyũlia yaasio, nazilumba, nazulukulia ulukaani lwa kĩShekulu; ndĩo naalĩ aĩĩkue kuupanga wa kalĩ nakalĩ naasuĩĩla.

Aepeso 2:8

Kuitĩ muagũnue kuukende kunzĩla ya usuĩĩli; nuwaasio sika upũnile kumuani inie, ingĩ upeegua wa kĩNzua;

1 Yohana 2:23

Tũlũ wensi nukumukaana uMuana mugila kaTata; uzo nukumukũmuulaa uMuana, unuasio utĩĩte nuTata gaa.

Luka 18:7

nuNzua, sika ukakualigĩliane ĩkulukuuluu ĩasaagulua aakue naakumulĩĩlaa munsĩ nuutiku? Ukakuatinĩliane mumpola zaao?

2 Timoteo 2:10

Iio gua, nagigimĩlia tũlũ kunsooko ya antu naeelu naasaagulue, ĩo ndĩo aligie uugũnua nawĩĩlĩ mwa kĩKilisito Yesu Palumuĩ nuukulu wakalĩ nakalĩ.

Yakobo 1:1

Yakobo mwĩtumi wa kĩNzua, kangĩ wa kĩShekulu Yesu Kilisito, namulamukia inie namwĩnduuli kyumi nazibĩlĩ nazishapatĩĩle.

Ukũnukulua 1:1

Ukũnukulua wa kĩYesu Kilisito, naalĩ mupeegue nuNzua waalagĩĩle ĩĩtumi aakue impola nazikitũla kuukaaũ kutilĩ kawĩnegelo; nduyo nutuma kumukono wa kĩmalaĩka numulagĩĩla umwĩtumi waakue uYohana;