Pilimoni 1:10 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

¹⁰ Nakupeepia kunsooko ya muana waane uOnesimo nanumulelile muna utũngua waane. (

Pilimoni 1:10 Referans Kwoze

Akolosai 4:9

uOnesimo ukoolĩ nduyo, umunũna namusuĩĩli, muloogua kangĩ muntu wa kunsiani. Aao ĩkakumuĩĩla impola tũlũ za kunu.

1 Akolinto 4:15

Kuitĩ kanga muĩ nĩalangi gyana lya nzogũ kyumi mwa kĩKilisito, muagila kaatata naiingĩ. Kuitĩ ĩne neene naalĩ numulelile mwa kĩKilisito Yesu kunzĩla ya Mpola na Nziiza.

1 Timoteo 1:2

nakuandĩkĩla ue Timoteo, muanuane wa tai muusuĩĩli. uUkende wĩĩ kumuako, nĩkĩnishungu nĩmatiliga namapũnile kwa kĩNzua Tata nukwa kĩKilisito Yesu Shekulu wĩĩtu.

Agalatia 4:19

Aana aane, nanumuonĩĩle usungu wa kulela kangĩ, sunga uKilisito waumbĩke munsĩ yaani.

Tito 1:4

Nakuandĩkĩla ue Tito, muanuane muusuĩĩli nakukamantĩĩne, uUkende wĩĩ kumuako nĩmatiliga namapũnile kwa kĩNzua Tata nukwa kĩShekulu Yesu Kilisito, Mugũni wĩĩtu.

Maliko 9:17

Umuĩ wiyũmbĩ numushookeelia, “Mumania aza numuleetile umuanaa kumuako, utĩĩte lĩsĩĩmuĩ lyĩkĩmũũmĩ;

Alumĩ 12:1

Luulo gua, namupeepia inie anũna aane, kukĩnishungu kya kĩNzua, ĩpũniĩ ĩmiĩlĩ yaani yĩĩ sadaka nampanga, nanzelu, nya kumuloeelia uNzua, uu wau wĩtekeli waani wa kĩnkoolo.

1 Akolinto 4:14

Sika nandĩkile izi numukolie inshoni, ĩpa kukumusugula zĩ aana aane aloogua.

Pilimoni 1:11

Uyo ĩkalĩ sika alukusaĩpĩĩle, ĩpaino wakusaĩpĩlaa dũũ, ue nineene gaa.)

Pilimoni 1:13

Nineene alĩ numusiiile umuene wikyale nineene kukĩntumĩla paluandĩ luako muutũngua waane wa Mpola na Nziiza.

3 Yohana 1:4

Numugila kaulumbi naukulu kwikĩla uu, kwiiigia kĩna ĩaana aane akugendelaa mutai.