Matayo 4:3 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

³ uMugemani numuagaana numuĩla, “Kanga ue ĩwĩMuana wa kĩNzua, umaĩĩle ĩmagũe aya matũle mapũli ma ugalĩ.”

Matayo 4:3 Referans Kwoze

1 Atesaloniki 3:5

Kunsooko ĩĩ ĩne nineene pĩna alĩ numulemue kwigigimĩlia kangĩ, nanumutuma umuntu koona mane impola za usuĩĩli waani, kangĩ mane kanga ũShetani alĩ wamugemile magu, numulĩmo wĩĩtu alĩ wijilitũla nakanda.

Ukũnukulua 2:10

Ulekioopooka inkaani nazĩkakukuagaana. Laaa ũShetani ukitũla kumugumĩla namuĩngĩ mumiani mukĩtũngo koona mugemue, niniinie mukitũla ninjago intondo kyumi. Wĩĩ musuĩĩli sunga ĩnkia, nineene nĩkakukupeela ĩngala ya upanga.”

Matayo 3:17

Luli kwipũna kwigyulu naluũga, “Uyu wayu Muana waane muloogua, nanumuloeeligue ninduyo.”

Aebulania 12:16

Sunga umuĩ walekitũla musambo katia nasikukumukulagiaa uNzua zĩ uEsau, naalugulilie uusaali wa ulelua wa muandio kuludia lumuĩ.

Utendi 9:20

Ĩkamuĩ nuĩ kumutanantia ũYesu mumasũnagogi kĩna muene Muana wa kĩNzua.

Luka 4:9

numutuala kũYelusalemũ numuĩmĩkia kunsonge ya Numba ya kĩNzua, numuĩĩla, Malĩĩ ue ĩwĩ Muana wa kĩNzua, ĩsuulie pansĩ kwipũna ĩpa;

Luka 4:3

ũShetani numuĩĩla “malĩĩ ue ĩwĩ Muana wa kĩNzua, lĩĩĩle igyũe ĩlĩ lĩtũle ugalĩ.”

Matayo 14:33

Ndĩo naalĩ ĩĩlĩ mũpyango naatũngama pamuakue, naaũga. Tai-taaii, ue uue wĩMuana wa kĩNzua.

Matayo 16:16

uSimoni Petelo numushookeelia, nuũga, “Ue uue Kilisito, Muana wa kĩNzua namupanga.”

Matayo 26:63

Ĩpa ũYesu nutuulia. uMupolia namukulu numuĩĩla, “Nakulapia kwa kĩNzua namupanga, ukuĩĩle malĩ ue uue wĩKilisito, Muana wa kĩNzua.”

Maliko 1:1

Muandio wa Mpola naNziiza za kĩYesu Kilisito, Muana wa kĩNzua.

Maliko 3:11

Nĩmasĩĩmuĩ pĩna alĩ makumuonaa, namagua ntongela yaakue, namakuuta, namaũga, “Ue uue Muana wa kĩNzua!”

Maliko 5:7

nukuuta kululi lukulu, nuũga, “Kwĩmbii nunduue, Yesu, Muana wa kĩNzua nuĩlĩ kukiania? Nakulapia kwa kĩNzua ulekinjagia.” (

Luka 1:35

uMalaĩka numushookeelia, nuũga “uMuau Muelu ukiiiza mumuako, ningũlũ za Nwa kukiania zĩkakukukũnĩkĩla umulũle; luulo gua umuana nukilelua ukiĩĩtua muelu, Muana wa kĩNzua.

Luka 4:41

Nĩmasĩĩmuĩ namaapũna iingĩ, namikuuta namiũga, “Uwe wĩmuana wa kĩNzua.” Numatakĩlĩkia, sika numagombia kwitambula, kunsooko alĩ mamanile kĩna uzo ingĩ Kilisito.

Luka 22:70

Naaũga tũlũ; “Ĩpa gua, ue uue wĩMuana wa kĩNzuane?” Nualĩĩla; Niinie mwaũgaa kĩna ĩne neene.

Yohana 1:34

Nineene moonie, kangĩ nkuĩlĩĩle kĩna uyu wayu uMuana wa kĩNzua.”

Yohana 1:49

uNatanaeli nushookeelia numuĩĩla, “Mumania numukulu, ue uue uMuana wa kĩNzua! Ue uue umutemi wa Ĩsilaeli!”

Yohana 9:35

ũYesu nuigia kĩna alĩ amugumile kunzi, numuona nuũga, “Ue usuĩlĩĩlene mwa kĩMuana-muntu?”

Yohana 20:31

ĩpa izi nandĩkue koona musuĩĩle kĩna ũYesu ingĩ Kilisito Muana wa kĩNzua, numuusuĩĩli muĩ nuupanga muliina liakue.

2 Akolinto 1:19

Kuitĩ uMuana wa kĩNzua, Yesu Kilisito naalĩ mutanantigue nindiishie pakatĩ yaani nineene nuSiluano nũTimoteo sika alĩ eeze nĩzũi, ĩpa mumuakue ingĩ eeze.

Agalatia 2:20

Nakonontelĩĩlue mumusalaba palumuĩ nuKilisito, ĩpa itĩ numupanga; kangĩ sika neene nanumupanga, ĩpa uKilisito muene mupanga munsĩ yaane; nuupanga nanuutĩĩte ĩpaino mumuili, nuutĩĩte kuusuĩĩli muMuana wa kĩNzua naalundoilue nwĩsuula umuene kunsooko yaane.

Aebulania 4:14

Luulo gua, pĩna kutĩĩte umupolia namukulu naalunankĩĩle sunga kwigyulu, ũYesu Muana wa kĩNzua, kuambĩĩlĩkie uukũmuuli wĩĩtu.

Aebulania 7:3

Mugila kishee, mugila kanina, mugila kandugu, mugila kamuandio wa ntondo sunga ĩmpelo ya uumĩ, ĩpa nwĩpianĩkĩĩligua nuMuana wa kĩNzua, wikyalile kũtula mupolia yukutilĩ kampelo.

1 Yohana 3:8

Nukutendaa ĩmĩlandu ingĩ wa kĩShetani, kunsooko ũShetani ukutendaa ĩmĩlanadu kwipũna umuandio. Kunsooko ĩĩ uMuana wa kĩNzua nwigyeleligua, koona waĩonoone ĩmĩlĩmo ya kĩShetani.