Matayo 3:2 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

² “Pelĩ, kunsooko uutemi wa kwigyulu wasũgamĩlaa.”

Matayo 3:2 Referans Kwoze

Matayo 4:17

Kwipũna paapo ũYesu nuandia kwitanantia nukwiũga; “Pelĩ, kuitĩ uutemi wa kwigyulu wasũgamĩĩlaa.”

Maliko 1:15

nuũga, “iTyũngo lyatimĩlaa, nuutemi wa kĩNzua wasũgamĩĩlaa; pelĩ musuĩĩle muMpola nanziiza.”

Luka 24:47

Kangĩ ya kĩna indugu tũlũ zensi zikitanantĩligua kuliina liakue impola za upelli nuuleegeligua wa mĩlandu, kwiandĩĩlia kũYelusalemũ.

Matayo 6:10

uUtemi waako uuze, uUlooa waako utendue muna nsĩĩ kĩna kwigyulu.

2 Akolinto 7:10

Kuitĩ uugũnua, nawĩĩlĩ kunzĩla ya kĩNzua ukuleetaa upeli nauleetile uugũnua, naugila kawĩsokia; ĩpa uusungu wa unkũmbigyulu akuleetaa ukiu.

Matayo 10:7

Pĩna mwigenda, tanantiĩ, ĩmwiũga. uUtemi wa kwigyulu wasũgamĩĩlaa.

Utendi 3:19

Pelĩ gua, mupĩluke, ĩmĩlandu yaani ĩlimansĩĩligue, koona maaze ĩmatũngo ma usepeeleki namapũnile kwa kĩShekulu;

Luka 15:10

Namuĩĩla, “Iio-iioo ukaa ukoolĩ ulumbi ntongela ya amalaĩka a kĩNzua kunsooko ya munamĩlandu umuĩ nupelile.”

Luka 13:3

Namuĩĩla sika iio; ĩpa kanga musiitipela, niniinie ensi mukimalua iio-iioo.

Luka 11:20

Ĩpa malĩ ĩnukumaĩnga ĩmasĩĩmuĩ kuusũũmi wa luala lwa kĩNzua, paapo gua uutemi wa kĩNzua wamuuzĩlĩĩle.

2 Petelo 3:9

ũShekulu sikutinilie kwitimĩĩlia ilyago liakue, kĩna naĩngĩ naakuũga watinia. Ĩpa ukugigimĩlagiaa kumuani, sika muloe tũlũ wensi walimĩĩle, ĩpa tũlũ ensi apikĩĩle uupeli.

Utendi 17:30

ĩMatũngo ma usiitimana, uNzua alĩ wĩtendile zĩ sikumaoonie; ĩpaino ualagĩlĩĩlie ĩantu ensi tũlũ kwensi apele.

Utendi 11:18

Pĩna naigyũlia zaasio naatuulia, naamukulia, “uNzua naaũga, sunga kundugu nazĩngĩ uNzua waapĩĩle upeli aligie upanga.”

Utendi 2:38

uPetelo nuashookeelia, “Pelĩ, mubadĩĩzigue wensi mumiani muliina lya kĩYesu Kilisito, muleegeligue ĩmĩlandu yaani, niniinie mukiligia ĩkĩpeegua kya Muau Muelu.

Luka 6:20

Nunansula ĩmiiso maakue kuamanigua aakue, nuũga “Mualiukũ inie atũka kunsooko uutemi wa kĩNzua ingĩ waani.

Matayo 13:52

Nuaĩĩla, “Kunsooko ĩĩ mulangi wensi namumanigue uutemi wa kwigyulu, wĩpianile numukola numba nukupũnagiaa mukĩuto kiakue naipia niya kalĩ.”

Matayo 13:47

Kangĩ uutemi wa kwigyulu wĩpianile nijũĩlo naligyumĩlue munanza, naliingĩlia nsiĩ zikyelu liensi.

Matayo 13:33

Nuaĩĩla mpiani nĩnzĩa, “uUtemi wa kwigyulu wĩpianile niigaĩ naalũisholile umusungu nũishalĩnkania munungu zitatu za mũyuuuli, sunga umũyuuli wensi naugaasigua.”

Matayo 12:41

ĩAntu a kuNinawi ijiliĩĩmĩka palutondo lwa ulamulua palumuĩ nuwĩleli uu, ĩkakualamula ya kĩna atimuĩle, kunsooko ĩo naapela mĩlandu yaao kuutanantia wa kiYona. Laaĩ gua, ĩpa ukoolĩ namukulu kwikĩla ũYona.

2 Timoteo 2:25

ĩukuasugula kuupolo naĩkĩkunguma nduyo, koona na yasũũmĩka uNzua waapeele kwipela nukwimana ĩtai,

Akolosai 1:13

Uyu alukugũnile kwipũna muusũũmi wa kiiti, nukukukusaamia kuutemi wa Muana wa uloogua waakue.

Utendi 20:21

Nanĩakuĩlĩkia ĩAyahũdi nĩAgiliki apele ntongela ya kĩNzua, nukwishuĩĩla mwa kĩShekulu wĩĩtu Yesu Kilisito.

Luka 15:7

Namuĩĩla, iio-iioo ukaa ukoolĩ ulumbi kwigyulu kunsooko ya munamĩlandu umuĩ nupelile, kwikĩla kunsooko ya anakulukuuluu naa makumi kyenda nikyenda nasika asiiile kwipela.”

Luka 13:5

Namuĩĩla sika iio; ĩpa kanga musiitipela niniinie ensi mukimalua iio-iioo.”

Luka 9:2

Nuatuma autanantie uutemi wa kĩNzua nukukuakamia ĩaluĩle.

Maliko 6:12

Naalongola, naatanantia ĩantu apele.

Maliko 1:4

uYohana mubadĩĩzia nwigyelela mumbuga, nukwitanantia ubadĩĩzo wa upeli kuuleegeligua wa mĩlandu.

Matayo 5:10

Akembetue naakuagagiguaa kunsooko ya kulukuuluu; kuitĩ uutemi wa kwigyulu ingĩ waao.”

Matayo 5:3

“akembetue ĩatũka a nkolo; kuitĩ uutemi wa kwigyulu ingĩ waao.

Ukũnukulua 2:21

Nineene numupĩĩle tyũngo, koona wapele ũũgololia waakue, nduyo sika muloe kwipela.

Matayo 13:31

Nuapũnĩlia nĩmpiani nzĩa, nuũga, “uUtemi wa kwigyulu wĩpianile nĩkapeke ka haladali, naalukasolile umuntu nukapandĩla mumugunda waakue;

Matayo 13:11

Nushookeelia, nuũga, “Inie mwapĩĩlue kukuulĩnga unkũnkũ wa utemi wa kwigyulu, ĩpa ĩo sika apeegue.

Matayo 6:33

Ĩpa udũũmi tangua uutemi waakue nĩkulukuuluu yaakue, nindizi tũlũ zensi mukiongeeligua.

Ukũnukulua 2:5

Juka gua kĩna aluguile, upele, uutende uutendi wa muandio. Ĩpa kanga usiititenda yaasio, nijile kumuako, nĩkakumĩleegia ĩntala yaako paluandĩ luakue kanga usiitipela

Aebulania 6:1

Iio gua, kulege kuumanigua wa muandio wa kĩKilisito kulongoleke kuukamĩnkĩĩlũ; kulekiĩĩka kangĩ umukũlĩla wa upeli kwipũna muutendi naukiu, nuusuĩĩli kwa kĩNzua,

Utendi 26:20

ĩpa kumuandio nanĩatanantĩlia ĩaasio a kuDamesiko niYelusalemũ numunsĩĩ yensi nya Uyahũdi sunga kundugu nazĩngĩ, koona apele agomokele kwa kĩNzua, ĩĩtenda utendi nawijĩpĩĩle uupeli.

Matayo 22:2

“uUtemi wa kwigyulu wĩpianile numutemi umuĩ naalumuzĩpĩĩlie umuana waakue uwĩnga.

Matayo 25:1

“Kangĩ uutemi wa kwigyulu wĩpianile nĩananso kyumi nalĩ asolile intala zaao, naalongola kukumusĩngĩĩlia umutooli.

Matayo 23:13

“Ukĩa kumuani alangi ĩApalisayo, anamampĩlu! Kunsooko mukuadadĩĩla ĩantu uutemi wa kwigyulu; inie uniinie sika mũingĩla, sunga naiingĩla sika mukualegela ingĩle.

Matayo 20:1

“uUtemi wa kwigyulu wĩpianile numuntu mukola numba, naalupũnile kĩlĩ daau kwidũũma ĩalĩmĩĩzia waatuale mumugunda waakue wa mĩzabiibu.

Matayo 18:23

Kuluulo uutemi wa kwigyulu wĩpianile numutemi umuĩ naluaĩĩlĩĩle ĩĩtumi aakue apũnie iyalo.

Matayo 11:20

Paapo nuandia kukuzitakĩla ikaa muna ĩmakula maakue namingĩ alĩ makutendekaa, kunsooko sika alĩ apelile,

Luka 21:31

Iio niniinie pĩna mwaona impola izi zandia kukigyela, mulĩnge ya kĩna uutemi wa kĩnzua wasũgamĩĩlaa.

Luka 16:30

Nuũga, ‘Zũi Tata Ibũlahimu, ĩpa kanga muntu wapũne muakiu waagaane ndĩo ikipela.’

Matayo 25:14

“Kuitĩ ikitũla zĩ mpiani ya muntu naalutũngile umusĩnzo, nuĩĩta ĩĩtumi aakue, nuziĩĩka kumiao inshao zaakue.

Matayo 13:24

Nuapũnĩlia nĩmpiani nzĩa, nuũga, “uUtemi wa kwigyulu wĩpianile numuntu naaluminzile imbeu nanziiza mumugunda waakue;

Matayo 4:23

Nduyo alukupilimaa muGalĩlaya yensi, nwimania mumasũnagogi maao nukwitanantia iMpola naNziiza za utemi, nukwikamia uuluĩle wensi nĩmaulemua mensi muantu.

Luka 1:16

Ukakuagomola aana iingĩ a ĩSilaeli kwa kĩShekulu Nzua waao.