Matayo 10:1 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

¹ Nuĩĩta ĩamanigua akue naikyumi naabĩlĩ, nuapeela usũũmi mumasĩĩmuĩ amaĩnge nukwikamia mauluĩle mensi nuuneketũ wensi.

Matayo 10:1 Referans Kwoze

Luka 10:19

Laaĩ, namupeelaa usũũmi kwitilata injoka ningĩĩ, nukũtilata ingũlũ tũlũ za mulugu; sunga kutilĩ kakĩntu nakĩkakumualaalia inie.

Luka 24:49

Laaĩ, namuleetela kumuani ilyango lya kĩTata waane, ĩpa kyalĩ mwamu munakaa sunga mujialue ingũlũ nazipũnile kukiania.”

Utendi 1:8

Ĩpa mukiaanũnkula ingũlũ pĩna uMuau Muelu wamuuzĩĩla; niniinie mukitũla akuĩli aane mũYelusalemũ numuUyahũdi wensi numuSamalia, sunga kumpelo ya nsĩĩ.”

Yohana 3:27

uYohana nushookeelia nuũga, “uMuntu sika wishũũma kwiaanũnkula kakĩntu ĩsika mupeegue kwipũna kwigyulu.

Luka 6:13

Pĩna naweela, nuĩĩta ĩamanigua aakue, nuasaagula mumiao kyumi naabĩlĩ, nuĩĩta Atumua;

Luka 21:15

Kunsooko ĩne nĩkakumupeela ĩmĩlomo nĩmasala, ĩalugu aani nasika ikishũũma kukumadula nukukumupĩnga-pĩnga.

Utendi 19:15

ĩpa ĩlĩsĩĩmuĩ nalĩashookeelia nalĩũga, “ũYesu numulĩngile, nuPaulo numuĩzĩ, ĩpa inie niinie aani.”

Yohana 17:2

kĩna yoi naalumupĩĩle uusũũmi kuensi naakola muĩlĩ, itĩ tũlũ naalumupĩĩle waapeele uupanga wa kalĩ nakalĩ.

Yohana 6:70

ũYesu nuashookeelia, “Sika alĩ numusaaguĩlene inie namwikyumi naabĩlĩ. Nuumuĩ waani ingĩ shetani?”

Yohana 3:35

uTata umuloilue uMuana, nduyo umupĩĩle tũlũ mumukono waakue.

Ukũnukulua 12:1

Nĩkĩlĩngasĩĩlio kĩkulu nakigyelela mwigyulu, musungu mujialue ĩmpasu, numueli alĩ wĩĩlĩ nsĩlĩlĩ ya mĩgulu yaakue, numũtyũe liakue ngala ya nsonda kyumi nazibĩlĩ;

Matayo 26:47

Alĩ kĩlĩ witambula, laaa ũYuda, umuĩ wikyumi naabĩlĩ nupika; palumuĩ nduyo yũmbĩ kyulu, naatĩĩte ĩmaũmba nĩmasukulĩ, apũnile kuapolia naakulu nĩanampala a antu.

Matayo 26:20

Pĩna niĩ mpĩndĩ nwikyalansa pandia palumuĩ nĩamanigua naikyumi naabĩlĩ.

Matayo 19:28

ũYesu nuaĩĩla, “Tai namuĩĩla, pĩna uMuana-muntu ukakikyalansa mũtyengu lya kĩtemi lya ukulu waakue muunkũmbigyulu naupia, inie naalĩ muntiatile, niniinie mukakikyalansa mumatengu makitemi na mikyumi namabĩlĩ, ĩmukuzilamula induuli kyumi nazibĩlĩ za ĩSilaeli.

Matayo 6:13

Uleke kukutuala muugemua, ĩpa ukugũne kumubĩĩ, Kunsooko uutemi ningũlũ nuukulu ingĩ waako sunga ĩkalĩ nakalĩ. Amini.

Matayo 4:23

Nduyo alukupilimaa muGalĩlaya yensi, nwimania mumasũnagogi maao nukwitanantia iMpola naNziiza za utemi, nukwikamia uuluĩle wensi nĩmaulemua mensi muantu.

Matayo 9:35

NũYesu alĩ wipilima mukaa zensi numũishaalĩ, nwimania mumasũnagogi maao, nukwitanantia iMpola na Nziiza za utemi, nukwikamia uuluĩle wensi nuuneketũ wensi.

Matayo 9:38

Luulo gua, mumulompe ũShekulu wa maogola waatume ĩanamulĩmo muuogoli waakue.