Matayo 1:16 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

¹⁶ uYakobo numulela uYosepu umugoosia wa kĩMalia naalumulelile ũYesu nukuĩtaguaa Kilisito.

Matayo 1:16 Referans Kwoze

Matayo 27:17

Pĩna naĩlundĩĩla, uPilatu nuaĩĩla, “musiiile numutũngulĩlie waani, Balaba katia Yesu nukuĩtaguaa Kilisito.”

Yohana 4:25

uMusungu numuĩĩla, “Manile kĩna uMesia wijile (nukuĩtaguaa Kilisito) pĩna ukiiza uzo, ukakukupeela impola tũlũ-tũũlũũ.”

Luka 3:23

ũYesu pĩna nuandia umulĩmo waakue alĩ waalĩĩ zĩ miaka makumi matatu, nusĩĩgĩlua kĩna muana wa kĩYosefu, mwana wakĩ Heli,

Matayo 27:22

uPilatu nuaĩĩla, “Aĩpa gua, numutendele yaani ũYesu nukuĩtaguaa Kilisito?” Tũlũ ensi naaũga, “wakononteelue mumusalaba!”

Luka 4:22

Tũlũ naamukuĩla iiza, naakulĩlua kunsooko ya nkaani za ukende naalĩ zipũnile mumulomo waakue, naaũga “Uyu sika wayu muana wa kĩYosepũne?”

Luka 2:48

Pĩna namuona naakũmia; nunina numuĩĩla, “Muana waane, nĩkĩ wakutendela itĩ. Laaa, ũshoo nineene aza kukukudũũmaa kuusungu.”

Luka 2:7

Numulela muana waakue naalĩ tyangĩ, numutũnga pitiila pya kĩng'inia, numugonia muntũa ya ng'ombe kunsooko alĩ lyukutilĩ kalioma munumba ya agenda.

Luka 1:27

kumunanso naalĩ muuuligue numuntu, ĩliina liakue Yosepũ wa kĩntua kya kĩDaudi; nĩliina lya munanso alĩ Malia.

Maliko 6:3

Sika wayune umuseesi, umuana wa kĩMalia, munũna wa kĩYakobo nũYose nũYuda nuSimoni? Nĩagũlĩ aakue akutilĩne pana nsĩĩtu? Naamukilua.

Matayo 2:13

Ĩo pĩna naalongola kunsiao, laaa, uMalaĩka wa kĩShekulu numũgyeleela uYosepu mundooti, nuũga, “Uuka ukasole ĩkaana nunina waakue, utalamĩle kuMĩsili, wikyale kuko sunga nukuĩĩle; kunsooko uHelode usĩĩgile kukukadũũma Ĩkaana wakaulage.”

Matayo 1:15

uEliudi numulela uEliezeli; uEliezeli numulela uMatani; uMatani numulela uYakobo;

Matayo 16:16

uSimoni Petelo numushookeelia, nuũga, “Ue uue Kilisito, Muana wa kĩNzua namupanga.”

Matayo 16:20

Paapo nuagilia ĩmaniigua aakue aleke kumuĩĩla umuntu wensi kĩna uyo muene Kilisito.”