Maliko 1:8 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

⁸ Ĩne numubadĩĩzilie kumaazĩ, ĩpa uzo ukakumubadĩĩzia kuMuau Muelu.”

Maliko 1:8 Referans Kwoze

Utendi 1:5

ya kĩna uYohana alukubadĩĩzagiaa kumazĩ, ĩpa inie mukibadĩĩzigua kuMuau Muelu muntondo zoziizi.

1 Akolinto 12:13

Kuitĩ mwa kĩMuau umuĩ ishie tũlũ alĩ kuabadĩĩzigue kutũle muĩlĩ umuĩ, malĩĩ kuAyahũdi katia kuAgiliki, malĩĩ kuasese katia kuakolelua; tũlũ kwakopiligue uMuau umuĩ.

Utendi 10:45

Nĩasuĩĩli kwipũna kuaasio.

Utendi 2:4

Tũlũ naijulua nuMuau Muelu, naandia kwitambula kuntambo nazĩngĩ kĩna uMuau alĩ waatongelĩĩle kwilikitia.

Utendi 2:17

‘Ikitũla pantondo za mpelo, uũgile uNzua, nĩkakuiitĩla ĩantu tũlũ uMuau waane, nĩaana aani, agoosia nĩnaakĩĩma, ikipũnia unakĩdagu; nĩasumba aani ikiona maono; nĩanampala aani ikiloota ndooti

Matayo 3:11

“Ĩne nukumubadĩĩzagiaa kumaazĩ kunsooko ya upeli; ĩpa uzo nũjile kunũma yaane, utĩĩte uusũũmi kwinkĩla ĩne, sika nijĩpĩĩle sunga kwikenka iilaatu yaakue; uzo ukakumubadĩĩzia kuMuau Muelu nukumooto.

Maliko 1:7

Nutanantia, nuũga, “Upolokile kunũma yaane namukola ngũlũ kwikĩla ĩne. Nineene sika nijĩpĩĩle kwitũna nukwitũngula sunga ĩmĩkoa ya ilaatu yaakue.

Maliko 1:9

iNtondo zaasio nuuza ũYesu kwipũna kuNazaleti ya Galĩlaya, nubadĩĩzigua nuYohana mũYolidani.

Luka 3:16

uYohana nushookeelia nuaĩĩla tũlũ “ĩne tai nukumubadĩĩzagiaa kumazĩ, ĩpa upolokile umukola usũũmi kwinkĩla ĩne, nineene sikaka nijĩpĩĩle kukumutũngulĩlia sunga ĩmĩkoa ya ilaatu yaakue. Uzo ukakumubadĩĩzia kuMuau Muelu nukumooto.

Yohana 1:26

uYohana nushookeelia nuũga, “Ĩne nibadĩĩzia kumaazĩ; pakatĩ yaani wĩĩmĩkile nasika mumuĩzĩ inie,

Yohana 1:33

Nineene sika numuĩzĩ, ĩpa uzo naaluntumile kwibadĩĩzia kumaazĩ uuyo numbuĩla, ‘Uyo nukakumuona uMuau witima nukukikyala mumuakue, uuyo ukubadĩĩzagiaa kuMuau Muelu.’