Luka 9:44 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

⁴⁴ “Inkaani izi naziingĩle muakutuĩ aani, kuitĩ uMuana-muntu ukiĩĩkĩlua mumĩkono ya antu.”

Luka 9:44 Referans Kwoze

Utendi 2:23

wa yuuyu naalĩ mupũnigue kũshiio lya kĩNzua nuumani waakue kwipũna iyuukĩ; inie namumukononteela mumusalaba nukukumuulaga kumĩkono ya antu naabĩĩ.

Luka 9:22

nuũga; “Yumũjĩpĩĩle uMuana-muntu kwiaagigua mumpola ningĩ nukwishiitua nĩanampala nĩapolia naakulu nĩalangi, nukwiulagua; nulutondo lwa katatu kwiiukigua.”

Aebulania 2:1

Luulo gua, yukũjĩpĩĩle kuzikendegeele nkankanaa nakuziigilie, kuleke kuzilimĩĩlia.

Luka 2:19

Ĩpa uMalia nuziĩĩka inkaani zaasio zensi nukukuzipindĩkia munkolo yaakue.

Yohana 19:11

ũYesu nushookeelia, “Sika azũjile utĩĩte uusũmi kainiino kumuane kanga ĩsika alumupeegue kwipũna kukiania. Luulo gua, uyo numbĩkile mumĩkono yaako utĩĩte mulandu mukulu nangũlũ.”

Yohana 16:4

Ĩpa alĩ numuĩĩlĩĩle koona ityũngo liao pĩna likiiiza muzijuke kĩna ĩne alĩ numuĩĩlĩĩle. Izi sika alĩ numuĩĩlĩĩle kwipũna umuandio kunsooko alĩ kwĩensi niniinie.

Luka 24:44

Paapo nuaĩĩla, “Izi zozi nkaani zaane naalĩ numuĩĩlĩĩle pĩna alĩ kĩlĩ nkoolĩ palumuĩ niniinie, ya kĩna ijĩpĩĩle zitimĩĩligue tũlũ naalĩ nandĩkue mumpola zaane muUlagĩĩlio wa kĩMusa numuAnakĩdagu numuMalumbĩĩlio.”

Luka 18:31

Nuasola ĩaasio naikyumi naabĩlĩ nuaĩĩla; “Laaĩ, kwinankĩla kulunziĩ kũYelusalemũ, ninkaani tũlũ zikikondeeligua naalĩ muandĩkĩligue uMuana-muntu nĩanakĩdagu.

Luka 2:51

Nulongola palumuĩ ndĩo, nupika kuNazaleti, nwĩniinupilie kumiao. UNina nuziĩĩka inkaani zensi munkola yaakue.

Luka 1:66

Tũlũ naalĩ aziingilie naaziĩĩka munkolo zaao naaũga, “uMuana uyu ukitũla wĩmbi. Kuitĩ umukono wa kĩShekulu alĩ wĩpalumuĩ nduyo.”

Maliko 9:31

Kunsooko alukuamania ĩamanigua aakue, nukukuaĩĩla itĩ, uMuana-muntu walongolaa kwiĩĩkĩlua mumĩkono ya antu, ndĩo ĩkakumuulaga; nĩpĩna waulagua zikikĩla ntondo zitatu ukiiiuka.

Maliko 8:31

Nuandia kukuamania kĩna yumũjĩĩpĩle uMuana-muntu kwiaagigua mumpola ningĩ nukwishiitua nĩanampala nĩapolia naakulu nĩalangi, nukwiulagua; nĩpĩna zakĩla ntondo zitatu ukiiiuka.

Matayo 26:2

“Mumanile kĩna zikikĩla ntondo zibĩlĩ ikitũla Pasaka nuMuana-muntu ukipũnigua wakononteelue mumusalaba.”

Matayo 16:21

Kwipũna paapo ũYesu nuandia kukualĩngia ĩamanigua aakue kĩna yumũjĩpĩĩle kwienda kũYelusalemũ, kũligia waagi wingĩ kuanampala nĩapolia naakulu nĩalangi, nukwiulagua, nulutondo lwa katatu kwiiiuka.

Yohana 16:31

ũYesu nuashookeelia, “Iino mwasuĩĩlane.