Luka 9:2 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

² Nuatuma autanantie uutemi wa kĩNzua nukukuakamia ĩaluĩle.

Luka 9:2 Referans Kwoze

Luka 10:9

muakamie ĩaluĩle naakoolĩ; muaĩĩle; ‘uUtemi wa kĩNzua wasũgamĩĩlaa kumuani.’

Matayo 3:2

“Pelĩ, kunsooko uutemi wa kwigyulu wasũgamĩlaa.”

Luka 9:11

Ĩpa ĩmaũmbĩ pĩna namamana namamutiata; nuasũgamĩĩlia nuĩ kuatambuĩla impola za utemi wa kĩNzua, nuakamia ĩaasio naalĩ asiiile kwikamigua.

Maliko 6:12

Naalongola, naatanantia ĩantu apele.

Matayo 24:14

niMpola naNziiza izi za utemi zikitanantigua muunkũmbigyulu tũlũ, wĩĩ ukuĩli kundugu zensi; paapo ĩmpelo ikipika.”

Matayo 13:19

Wensi nukulũigagiaa ulukaani lwa utemi walekilĩnga, ukuuzaa umubĩĩ nulupũla naluminzue munkolo yaakue; izi zozi naalĩ minzue panzĩla.

Luka 16:16

“uUlagĩĩlio nĩAnakĩdagu alĩ ikoolĩ sunga kuntondo za kĩYohana; kwipũna ĩmatũngo maao iMpola naNziiza ĩza utemi wa kĩNzua zukutanantagiguaa, numuntu wensi ukĩingĩlagiaa kungũlũ.

Luka 10:11

‘Sunga ulukundĩ lwa kaa yaani nalwakamantĩĩlaa mumĩgulu yĩĩtu kwalukũnũnta mumiani; ĩpa mumane izi, ya kĩna uutemi wa kĩNzua wasũgamĩĩlaa.’

Maliko 16:15

Nuaĩĩla, longolĩ muunkũmbigyulu tũlũ, ĩmwitanantia ĩmpola nanziiza kukĩumbe tũlũ.

Luka 10:1

Pĩna nazikĩla izi, ũShekulu nuaĩĩka nĩĩĩa makumi mupũngatĩ, nuatuma abĩlĩ-abĩlĩ amutongeele kwienda kukaa zensi nuluandĩ luensi kĩna alulomile kwienda umuene.

Matayo 10:5

Ĩa naalĩ ikyumi naabĩlĩ ũYesu nuatuma, nualagĩĩlia nuũga, “Mulekienda munzĩla ya ndugu nazĩngĩ, sunga mulekiingĩla mukaa yensi nya Asamalia;