Luka 9:16 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

¹⁶ Numasola ĩmapũli mataano ninshiĩ zibĩlĩ, nulangamĩla kwigyulu nuikembeta nuiega, nuapeela ĩamanigua aakue aatengelie ĩanamulundo.

Luka 9:16 Referans Kwoze

Matayo 14:19

Numalagĩĩla ĩmaũmbĩ mikyalanse pamasanzĩ, numasola ĩmapũli namataano ninshiĩ nazibĩlĩ, nulangamĩla kwigyulu, numakembeta, numaega ĩmapũli, nuapeela ĩamanigua aakue, nĩamanigua naamapeela ĩmaũmbĩ.

Luka 24:30

Pĩna alĩ ikyalansile nĩndĩo pandia, nuusola uugalĩ, nuukembeta, nuuega, nuapeela.

Matayo 15:36

Numasola ĩmapũli nama mupũngatĩ nipishiĩ, nusongelia, numaega, nuapeela ĩamanigua aakue, ĩamanigua naalĩpeela iyũmbĩ.

Alumĩ 14:6

Uyo nukuluutaa ulutondo, ukuluutaa kwa kĩShekulu; ninduyo nukulĩaa, ukilĩaa kwa kĩShekulu, kuitĩ ukumusongelagiaa uNzua; kangĩ nasikukulĩaa, sikukulĩaa kwa kĩShekulu, nduyo gaa ukumusongelagiaa uNzua.

Utendi 27:35

pĩna nutambula izi, nusola ugalĩ, numusongelia uNzua ntongela yaao ensi, nuuega nuandia kwilĩa,

Yohana 6:23

Ĩpa ĩmapango mĩĩa kwipũna kuTibelia namapika piipĩ nĩpaasio pĩna alĩ alĩĩlĩĩle ĩmapũli pĩna ũShekulu alumasongĩĩlie.

Yohana 6:11

ũYesu numasola ĩmapũli, nusongelia, nuoomolania naalĩ ikyalansile, iio-iioo nipishiĩ gaa, muna alĩ aloelue.

Luka 22:19

Nusola uugalĩ, nusongelia, nuuega nuapeela, nuũga, “Uu wau muĩlĩ waane namupũnigue kunsooko yaani; tendĩ yoi mwinjuke ĩne.

1 Akolinto 11:24

pĩna nukondia kwishongelia nukĩega, nuũga, “Uu wau muĩlĩ waane namupũnigue kunsooko yaani; tendĩ yoi mũnjuke ĩne.”

1 Akolinto 10:30

Malĩĩ ĩnilĩa kwishongelio, ntukue nĩkĩ kunsooko ya kĩntu nanĩkĩsongĩĩlie.

Maliko 7:34

nulangamĩla kwigyulu, nwĩsũsũma, numuĩĩla, “Epata,” ĩndogolelio yaakue, “Lĩmbuuka!”

Luka 9:15

Naatenda iio, naaikyalansia tũlũ.

Luka 9:17

Naalĩa naikyuta tũlũ; naamasoleela ĩmaminamgulua naalĩ masaagile, itooto kyuminaibĩlĩ.