Luka 8:39 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

³⁹ “Lenda kumuako, uganule namakulu uNzua naazukutendĩĩle. Nulongola nũitanantia mukaa yensi namakulu ũYesu naazumutendĩĩle.”

Luka 8:39 Referans Kwoze

1 Timoteo 5:8

Kanga wensi wasiite kuakendegeela ĩaakue, nangũlũ ĩaasio a munumba yaakue, waukaana uusuĩĩli, kangĩ ingĩ mubĩĩ kwikĩla uyo nasikusuĩlĩĩle.

Yohana 4:29

“Nzuĩ muone muntu naazumbuĩlĩĩle tũlũ zensi naalĩ nizitendile; kanga wayu Kilisito, magu?”

Maliko 1:45

Ĩpa nupũna, nuandia kwitanantia ningĩ nukwishapatilia ulukaani luasio, sunga ũYesu sika nusũũma kwiingĩla mukaa ĩwigyelĩĩle kualiĩ; ĩpa alĩ wĩĩlĩ kuweekusĩ, naamuagaana kwipũna nandĩ zensi.

Maliko 5:18

Pĩna alĩ wiingĩla mwipyango, uzo naalĩ mũingĩĩlue nĩmasĩĩmuĩ numupeepia yĩĩ yĩensi nduyo.

Maliko 5:19

Nduyo sika numugombia, ĩpa numuĩĩla, “Lenda kunumba yaako nukuantua aako, uaganuĩle naaza wakutendelaa ũShekulu, nĩkĩna azukukolĩĩlue ĩkĩnishungu.”

Luka 8:38

Numuntu naalĩ mupũnue nĩmasĩĩmuĩ numupeepia ĩtiate nunduyo, ĩpa numulaga nuũga

Luka 8:40

ũYesu pĩna nushooka, iyũmbĩ nalĩmusũgamĩĩlia kuulumbi kuitĩ tũlũ alĩ atũngĩĩle wapike.