Luka 8:18 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

¹⁸ Ĩlaaĩkiĩ gua kĩna mwiiigia; kuitĩ umukola kĩntu ukiongeeligua nunuasio namugila ĩkĩntu, sunga kĩĩkio nusĩĩgile kĩna utĩĩte ukileegeligua.”

Luka 8:18 Referans Kwoze

Matayo 13:12

Kuitĩ wensi nutĩĩte ĩkĩntu ukiongeleligua ndee, kangĩ wensi namugila kakĩntu, sunga kĩĩkio nutĩĩte ukinamantulua.

Luka 19:26

‘Namuĩĩla,’ wensi nutĩĩte ukipeegua; namugila gua, ukileegeligua sunga kĩĩkio nutĩĩte.

Matayo 25:29

Kuitĩ wensi nutĩĩte ukipeegua nukwiongeelekigua; namugila ukileegeligua, sunga nukĩtĩĩte.

Yohana 15:2

uLutambĩ luensi munsĩ yaane nasika lukupĩaa inkali ukululeegagiaa; luensi nalukupĩaa ukulusogolelaa koona lupĩĩkie inkali ningĩ.

Aebulania 2:1

Luulo gua, yukũjĩpĩĩle kuzikendegeele nkankanaa nakuziigilie, kuleke kuzilimĩĩlia.

1 Akolinto 14:37

uMuntu nawĩona kĩna munakĩdagu katia wa kĩnkoolo, nwazilĩnge izi nanumuandĩkĩĩle, ya kĩna ingĩ malagĩĩlio ma kĩShekulu.

1 Akolinto 8:2

Ĩpa muntu wensi kanga ĩwĩsĩĩgile kĩna umanile lukaani, sika walamana kalukaani kĩna yumũjĩpĩĩile kwimana.

1 Akolinto 3:18

Muntu waleke kĩpembeelia umuene, na wĩona kĩna munamasala pakatĩ yaani muna unkũmbigyulu uu, nwa tũle munaulu, koona watũle munamasala.

Alumĩ 12:3

Kuitĩ kuukende naalĩ numupeegue, namuĩĩla wensi kunsiani walekishĩĩga nankulu kwikĩla nayumũjĩpĩĩle kwishĩĩga; taazu wĩĩ nishĩĩgo naliendile muumo, kĩna uNzua alumoomolĩĩle wensi kwilika lya usuĩĩli.

Utendi 17:11

Ĩasio alĩ aaza kwikĩla ĩa kuTesaloniki; alĩ aluanũnkuĩle ulukaani kunkolo nantontũ, mumeelele naikeesekia uwandĩkua, naona kĩna impola izi yoi zĩĩlĩ.

Utendi 10:33

Ĩkamuĩ naatuma ĩantu kumuako, nunduue watenda iiza kwiiza. Luulo gua, ishie kukoolĩ papa ensi ntongela ya kĩNzua kuziigie inkaani zensi naazumulagĩĩligue nuNzua.”

Luka 9:44

“Inkaani izi naziingĩle muakutuĩ aani, kuitĩ uMuana-muntu ukiĩĩkĩlua mumĩkono ya antu.”

Apilipi 3:4

Ĩne nineene kanga aza nsiiile, aza nijilishania ĩza kĩmuĩlĩ. Wensi kaanga waone kĩna utĩĩte nsooko ya kuzishania ĩza kĩmuĩlĩ, ĩne nangũlũ.

Maliko 13:14

Ĩpa pĩna mwakĩona ĩkĩolũ kya oononeki kiĩĩmĩka pĩna sika ijĩpĩĩle (nwishoma nwalĩnge), paapo naĩĩlĩ muUyahũdi naatalamĩle kunkonko.