Luka 6:42 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

⁴² Wishũũma mbii kukumuĩĩla umunũna waako, munũna waane, ndeka nĩkaleegie ĩkapalala nakakoolĩ muliiso liako, paapo ukionekia kwileegia ĩkapalala nakakoolĩ muliiso lya munũna waako.

Luka 6:42 Referans Kwoze

2 Petelo 1:9

Kuitĩ wensi namugila izi ingĩ mupokũ nasikusũũmile kwiona kĩĩsa, wĩĩaguaa ya kĩna alĩ moogigue ĩmĩlandu yaakue nya kalĩ.

2 Timoteo 2:21

Luulo gua, kanga wensi wĩeelie kunzĩla ya kĩnega nĩaasio, ukitũla kĩseme kya kuligia ikyulio, nakieligue, nakyumũjĩpĩĩle ũshekulu, kĩzĩpĩĩligue kumulĩmo wensi namuuza.

2 Akolinto 5:18

Ndio tũlũ ipũnile kwa kĩNzua, muene alukukamantĩĩnie ishie ninduzo muene kwa kĩKilisito, nukukukupeela ishie uwĩtumi wa ukamantani;

Alumĩ 2:1

Luulo gua, ue nwĩmuntu tũlũ wensi nukulamulaa, umugila kawĩlongo; kuitĩ muzaasio nukumulamulaa nuĩngĩ ukĩlamulaa uue kĩna umutimu, kuitĩ ue nukulamulaa ukutendaa zizo-ziizoo.

Utendi 13:10

nuũga, “Ue muana wa mubĩĩ nũjuile upembeelia nuubĩĩ wensi, mulugu wa kulukuuluu yensi, sika wilekane kukuzipeta injĩla za kĩShekulu nangolokũ?

Utendi 8:21

Umugila kaukamantani katia tyũmpĩ muna lukaani ulu, kuiti ĩnkolo yaako sika ngolokũ ntongela ya kĩNzua.

Utendi 2:38

uPetelo nuashookeelia, “Pelĩ, mubadĩĩzigue wensi mumiani muliina lya kĩYesu Kilisito, muleegeligue ĩmĩlandu yaani, niniinie mukiligia ĩkĩpeegua kya Muau Muelu.

Luka 22:32

Ĩpa nukulompelĩĩle ue, uusuĩĩli waako ulekiula; ninduue pĩna ukipĩluka, uzikamie inkolo za anũna aako.”

Luka 13:15

Paapo ũShekulu numushookeelia nuũga; “Inie anamampĩlu wensi mumiani sikukumĩtũnguĩlaane ĩng'ombe yaakue katia ndoguĩ yaakue mumpongolo palutondo lwa wikyali, wende kumĩkopia?

Matayo 26:75

Paapo uPetelo nulũjuka ulukaani lwa kĩYesu naalumuĩĩlĩĩle, “uMumbĩ yũkĩĩlĩ kalakunkula, ukinkaana nkua zitatu.” Nupũna kunzi nulĩla kuusungu dũũ.

Matayo 7:3

Nikĩ ukukalaaa ĩkapalala muliiso Iya munũna waako, numugamba naukoolĩ muliiso liako sikukuukeesagiaa?

Matayo 7:4

Katia wishũũma mbii kukumuĩĩla umunũna waako, ‘Ndeka nĩkaleegie ĩkapalala muliiso liako;’ kusĩnaga ukoolĩ umugamba muliiso liako?

Luka 6:41

Nĩkĩ ukukalaaa ĩkapalala muliiso lya munũna waako, numugamba naukoolĩ muliiso liako sikuuoonie?

Luka 6:43

Kuitĩ kutilĩ kikyota naliiza nalĩkupĩaa inkali nambĩĩ, sunga kutilĩ kikyota nibyĩĩ nalĩkupĩaa inkali nanziiza.