Luka 5:5 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

⁵ uSimoni nushookeelia numuĩĩla, “Shekulu, kuagile utiku pee, sika kwaligia kakĩntu, ĩpa kulukaani luako nĩkakumagumĩla ĩmazũĩlo.”

Luka 5:5 Referans Kwoze

Yohana 2:5

uNina nuaĩĩla ĩĩtumi, “Luensi nukakumuĩĩla, lutendĩ.”

Yohana 15:14

Inie mwĩasuaĩaane kanga mutende nanumulagĩlĩĩlie.

Yohana 21:3

uSimoni Petelo nuaĩĩla, naukijũa nsiĩ. Naamuĩĩla, “Nindiishie kulunziĩ palumuĩ ninduue.” Naalongola, naanankĩla mwipyango, nuutiku waasio sika naaguĩla kakĩntu.

Luka 8:24

Naamuagaana naamulaĩlia, naaũga, “Shekulu Shekulu, kwikapĩla!” Nulaĩla, numĩtakĩla ĩnzega, nĩmaĩngo ma maazĩ namatuula; naipola naituula dũũ.

Luka 17:13

naĩtunta induli naaũga; “EeeYesu Shekulu, kukolelue kĩnishungu!”

Luka 9:33

ĩAasio pĩna naalekanuka ninduyo, uPetelo numuĩĩla ũYesu, “Shekulu, iiza ishie nakwĩĩpa, kuzenge pigyũnda pitatu, kamuĩ kaako, kamuĩ ka kĩMusa, kamuĩ ka kĩElia;” sika numanile nĩkĩna witambula.

Luka 9:49

uYohana nuũga; “Shekulu, alĩ kumuoonie umuntu naalĩ wiĩnga ĩmasĩĩmuĩ kuliina liako, nakumugilia kunsooko sika alĩ kwĩtiatile nindiishie.”

Luka 8:45

ũYesu nuũga, “Waani wampaatia.” Pĩna tũlũ naasiita, uPetelo nuũga “Shekulu, iyũmbĩ lyukupilimĩkĩlĩĩlie nukukukupĩnga-pĩnga.”