Luka 3:22 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

²² nuMuau Muelu nutima mumuakue zĩ kũkyelu lya nkunda, nululi nalupũna kwigyulu, naluũga “Ue uue Muana waaane muloogua, nanumuloeeligue ninduue.”

Luka 3:22 Referans Kwoze

Yohana 1:32

uYohana nukuĩla nuũga, “Nanumuona uMuau nwitima zĩ nzĩa kwipũna kwigyulu, nwikyala mumuakue.

Matayo 17:5

Pĩna alĩ kĩlĩ witambula, ilyũnde lielu nalĩakũnĩkĩla; laaa, luli nalupũna mwilyũnde naluũga, “Uyu wayu Muana waane muloogua, nanumuloeeligue ninduyo; mũigiĩ umuene.”

Utendi 10:38

impola za kĩYesu wa kuNazaleti, kĩna uNzua alumupakile ĩmakũta kuMuau Muelu ningũlũ; nduyo nupilima uko ninduuko nukwitenda naiiza nukukuakamia tũlũ naalemeeligue nũShetani, kunsooko uNzua alĩ ĩpalamuĩ ninduyo.

Matayo 3:17

Luli kwipũna kwigyulu naluũga, “Uyu wayu Muana waane muloogua, nanumuloeeligue ninduyo.”

1 Petelo 2:4

Nzuĩ kumuakue, gyũe nipyanga nishiitue nĩantu, ĩpa kwa kĩNzua ingĩ shaagulue, lĩtĩĩte ĩngele nankakũ.

Matayo 12:18

“Laaa, umwĩtumi waane nanumusaaguĩle, Muloogua waane; nkolo yaane yukuloeelagiguaa nduyo. nĩkakumuĩĩkĩla uMuau waane mumuakue, Nduyo ukakuzitanantĩlia indugu nazĩngĩ ĩkulukuuluu.

Akolosai 1:13

Uyu alukugũnile kwipũna muusũũmi wa kiiti, nukukukusaamia kuutemi wa Muana wa uloogua waakue.

Luka 4:21

Nuandia kukuaĩĩla, “Nantende uandĩkua uu watimĩĩlagiguaa muakutuĩ aani.”

Matayo 27:43

Umusanilie uNzua nwamugũne ĩpaino kanga ĩumuloilue, kunsooko alukuũgaa. Ĩne nĩMuana wa kĩNzua.”

Matayo 3:13

Paapo ũYesu nupũna kũGalilaya, nuuza kũYolodani kwa kĩYohana, wabadĩĩzigue nduyo.

Matayo 3:16

Pĩna ũYesu nubadĩĩzigua, Ĩkamuĩ nupũna mumaazĩ; laaa, igyulu nalĩkũnukuka, numuona uMuau wa kĩNzua witima zĩ nkunda mumuakue;

Maliko 1:9

iNtondo zaasio nuuza ũYesu kwipũna kuNazaleti ya Galĩlaya, nubadĩĩzigua nuYohana mũYolidani.

Maliko 1:11

luli nalupũna kwigyulu, “Ue uue Muana waane muloogua; nanumuloeeligue ninduue.”

Maliko 9:7

Lyũnde naliĩza nalĩakũnikĩla; luli nalupũna mwilyũnde, “Uyu wayu Muana waane muloogua, mũigiĩ umuene.”

Luka 2:14

“uUkulu kwa kĩNzua kukiania numuna nsĩĩ matiliga kuantu naamuloelĩĩlie.”

Yohana 5:37

NuTata naaluntumile, muene wankuĩlĩĩle. Ululi luakue sika mukulũigagiaa tyũngo liensi, ikyelu liakue sika mukulĩonaa,

Yohana 12:28

Tata, kulia ĩliina liako. Paapo naluuza luli kwipũna kwigyulu, Nalĩkulagiaa, kangĩ nĩkakulĩkulia.”