Luka 3:19 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

¹⁹ Ĩpa ũjũmbe Helode pĩna nutakĩlua nduyo kunsooko ya kĩHelodia umusungu wa munũna waakue, nukunsooko ya ubĩĩ tũlũ uHelode naaluutendile,

Luka 3:19 Referans Kwoze

Luka 3:1

Pamuaka wikyumi nakataano wa kutema kwa kĩTibelio Kaisali, uPontio Pilatu pĩna alĩ mutemi wa Uyahũdi nuHelode pĩna alĩjũmbe wa Galĩlaya; nuFilipo umunũna waakue pĩna alĩ jũmbe wa Itulea nĩTalakoniti; nuLisania pĩna alĩ jũmbe wa Abilene.

Matayo 11:2

uYohana pĩna nũigia mukĩtũngo impola za utendi wa kĩKilisito, nuatuma ĩmanigua aakue kukumukolia,

Matayo 14:1

Pantondo zaasio umutemi Helode pĩna nũigia impola za kĩYesu, nuaĩĩla ĩĩtumi aakue,

Matayo 14:6

Pĩna nalupika ulutondo nalukulu lwa kulelua kumuakue uHelode, umunanso wa kĩHelodia alĩ wiina ntongela ya antu, numuloeelia uHelode.

Luka 3:18

Iio gua, nuasugula kunkaani nazĩngĩ ningĩ nukukuatanantĩlia ĩantu iMpola naNziiza.