11 Nushookeelia nuaĩĩla, “Nutĩĩte intiila zibĩlĩ wamupeele namugila, nduyo nutĩĩte india watende iio-iioo.”
Ĩpa wensi kanga ĩutĩĩte inshao za munu muna unkũmbigyulu, kanga wamuone umunũna waakue namusilĩlue, nukukumugilĩlia ĩkĩsuusu kumuakue, uuloogua wa kĩNzua wikyalile mbii munsĩ yaakue?
Atende namaaza, atũle agolĩ kuutendi nauuza, apũnie inshao zaao kuukende, akamantane nĩnaĩngĩ muusilĩlua waao.
ũYesu pĩna nwigyũlia ĩzaasio numuĩĩla; “Kĩlĩ umukeepeelue lukaani lumuĩ. Gulia tũlũ yensi nutĩĩte, uooomolanie ĩatũka, ninduue ukitũla utĩĩte nĩkĩuto kwigyulu; nzuu, untiate.”
Wensi kanga waũge; “Namuloogua uNzua,” ninduyo ĩumusuukĩĩlue umunũna waakue, uyu ingĩ mulongo; kuitĩ nasikumuloogilue umunũna waakue numuoonie, sika wishũũma gua, kukumuloogua uNzua nasikumuoonie.
uWĩtekeli naweelu naugila kibyado ntongela ya kĩNzua Tata ingĩ nsuu, kukuasoolia ĩaana naakiĩlue nĩaleli, nĩakiĩlua munzago zaao, sunga kukĩkendegeela muna unkũmbigyulu, kutule kuagila kaudobũ.
Ĩpa pũniĩ ĩsadaka nya munsĩ; laaa, tũlũ yaazaa yeelu kumuani.
uMutemi ukakuashookeelia, ‘Tai namuĩĩla, kĩna alĩ mukumutendela umuĩ waao wa anũna aane naaniino, alĩ mukutndelaa uneene.’
Kuitĩ uNzua sika mubĩĩ, sunga wĩĩwe ĩmĩlimo yaani nuuloogua waasio naalĩ muũgyelĩĩlie kuliina liakue, pĩna alĩ mukuatumĩla ĩeelu, sunga nunzuauu kĩlĩ mukuatumĩla.
nuũga, ‘Kolinelio, uulompi waako wiigagiguaa, nishadaka zaako zijukaguaa ntongela ya kĩNzua.
Numutuupĩĩla dũũ, noopooka pũũ; nuũga, “Yaani Shekulu.” Numuĩĩla, “uUlompi waako nishadaka zaako zapikile kukiania, zaalĩĩ kijukĩlo ntongela ya kĩNzua.
muntu namusuĩĩli, mukulia-Nzua umuene nĩnumba yaakue yensi; ninduyo alukuapeela ĩantu sadaka ningĩ nukukumulompa uNzua intondo tũlũ.
ĩĨĩa, kunsooko ũYuda alumĩtĩĩte ĩmbogoosi ya mpeesa, naasĩĩga kĩna ũYesu alumuĩĩlĩĩle, “Gula nakuasilĩlue kulutondo nalukulu,” katia waapeele ĩatũka kĩntu.
uZakayo nuĩmĩka numuĩĩla ũShekulu; “Shekulu, inshao zaane nukuatiĩla pakatĩ ĩatũka; kanga alĩ numuleegĩĩlie muntu kĩntu kuunele nukumushookelia nkua zinĩĩ.”
Nukũiaa walekiia kangĩ; taazu iiza wĩkakie kukĩtuma umulĩmo namuuza kumĩkono yaakue umuene, koona wĩĩ nĩkĩntu kya kumoomoelu umusilĩlua.
Ualagĩĩlie naagolĩ muna unkũmbigyulu uu aleke kĩkentula, sunga alekishania uugolĩ naugila kawikyali, ĩpa amusanie uNzua nukukupeelaa ishie iintu tũlũ ku wingĩ, kuitumĩle kũlyumbi.
Nsaĩlo kĩ anũna aane, wensi kanga waũge utĩĩte uusuĩĩli, ninduyo mugila kautendi? Uusuĩĩli waasio usũũmile kukumugũnane?