Luka 22:43 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

⁴³ Paapo malaĩka kwipũna kwigyulu numũgyeleela numupeela ngũlũ.

Luka 22:43 Referans Kwoze

Matayo 4:11

Paapo ũShetani numuleka; ityungo liilo ĩamalaĩka naaaza naakumutumĩla.

Aebulania 1:14

ĩAasio tũlũ sika nkolone nazĩkĩtumaa, nantumue kukuatumĩla ĩaasio naikishaala uugũnua?

Matayo 26:53

Mbaa, usĩĩgile kĩna sika nsũũmile kukumuĩĩla uTata waane ninduyo ukindeetela ino-iinoo ĩamalaĩka kwikĩla magana manzogũ kyumi namabĩlĩ?

Aebulania 1:6

Nĩkangĩ, pĩna ukumuleeta umulelua nwa muandio muna unkũmbigyulu, uũgile, “Nĩamalaĩka tũlũ a kĩNzua amutekele.”

1 Timoteo 3:16

Kutilĩ kankankani, uunkũnkũ wa wĩtekeli wĩĩtu ingĩ ukulu. uNzua alĩ mũgyeleligue mumuĩlĩ, Nulĩngĩkigua kĩna munakulukuuluu mwa kĩMuau, Alĩ wigyelĩĩle kuamalaĩka, Nutanantigua pakatĩ ya ndugu, Nusuĩĩlua muna unkũmbigyulu, Nunansulua kukiania muukulu.

Luka 22:32

Ĩpa nukulompelĩĩle ue, uusuĩĩli waako ulekiula; ninduue pĩna ukipĩluka, uzikamie inkolo za anũna aako.”

Matayo 4:6

Numuĩĩla; “Kanga ue ĩwĩMuana wa kĩNzua, ĩgume pansĩ; kuitĩ yandĩkue; ‘Ukakukulagĩlĩlia ĩamalaĩka aakue,’ kangĩ, Ĩkakukukenka mumĩkono yaao, uleke kĩkũmpia umugulu waako mwigyũe.”

Aebulania 2:17

Luulo gua, alĩ yumũjĩpĩĩle kukĩpianĩkĩĩligua nĩanũna aakue mumpola tũlũ, watũle mupolia namukulu, mukola kĩnishungu kangĩ musuĩĩli muwĩtumi tũlũ pa kĩNzua, koona waĩpolelie ĩmĩlandu ya antu.

Utendi 18:23

Pĩna nuĩma kuasio ntondo nkeei, nulega nukĩlĩla pakatĩ ya Galatia nĩFiligia kaa kukaa, nukukuakamĩnkĩĩlia ĩamanigua tũlũ.

Utendi 14:22

naakuzĩkamĩnkĩĩlia inkolo za amanigua nukukuasugula ĩkamatĩkie muusuĩĩli, naiũga ya kĩna yukũjĩpĩĩle kwiingĩla muutemi wa kĩNzua kuwaagi wĩngĩ.