Luka 22:11 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

¹¹ Mumuĩĩle umukola numba, uMumania ukukuĩĩla, liĩlĩ mpĩĩ ityamdo lya agenda. Muasio muumo nĩkakumĩlĩĩla ĩPasaka palumuĩ nĩamanigua aane.

Luka 22:11 Referans Kwoze

Yohana 11:28

Pĩna nuzitambula izi nulongola, numuĩta uMalia umunũna waakue kukĩmpisi-mpisi, nuũga, “uMumania ukoolĩ ukukuĩta.”

Ukũnukulua 3:20

Laaa, nĩĩmĩkile pamulango nikinintia; umuntu kanga wiigie ululi luane nukukigyula uluĩgĩ, nikiingĩla kumuakue, nikilĩa palumuĩ ninduyo, ninduyo palumuĩ nineene.

Luka 19:34

Naaũga; “Shekulu umusiiile.”

Luka 19:31

Nuensi kanga wamukolie, Nĩkĩ mukumutũngula, mumuĩĩle Shekulu umusiile.”

Luka 19:5

Nũ Yesu pĩna nupika paasio, nulaaa kukiania, numuĩĩla; “Zakayo, iikanga, kuitĩ nantende injĩpĩĩle kukikyala munumba yaako.”

Matayo 21:3

Naamuntu wamukolia lukaani, ũgĩ, Shekulu uzishiiile; ĩkamuĩ ukakumupeela.”

Maliko 14:14

Pensi pĩna ukiingĩla, muĩĩlĩ umukola numba, Mumania uũgile, liĩlĩ mpĩĩ ityando liane ĩlya agenda ndĩĩle ĩPasaka muasio palumuĩ nĩamanigua aane.

Luka 22:10

Nuaĩĩla; “Laaĩ, pĩna mukiingĩla mukaa, mukitaagana numugoosia nukenkile ntunda ya maazĩ; mumutiate, mũingĩle munumba nukiingĩla uyo.

Luka 22:12

Ninduyo ukakumulagĩĩla ityando kyulu liĩlĩ kukiani ityembe, lyakondile kwijĩpĩĩligua; muzĩpĩĩlie muumo.”