Luka 21:3 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

³ Nuũga, “Tai-taaii namuĩĩla, umukiĩlua nuasio namutũka azuĩĩkĩĩle iingĩ kwikĩlĩĩkĩĩla tũlũ ensi;

Luka 21:3 Referans Kwoze

2 Akolinto 8:12

Kuitĩ malĩĩ ukoolĩ uulooa, ukugombagiguaa kwilika lya nsao zaakue umuntu, sika kwilika lya usilĩlua waakue.

Utendi 10:34

uPetelo numũmuula umulomo waakue, nuũga, “Tai nalĩnga kĩna uNzua mugila kauloeelia,

Utendi 4:27

Kuitĩ tai, uHelode nuPontia Pilatu palumuĩ nindugu nazĩngĩ nĩaantu a Ĩsilaeli naakĩkomia ĩkialo mukaa ĩĩ mumpola za Mwĩtumi waako naMuelu Yesu naalumupakile ĩmakũta,

Luka 12:44

Tai namuĩĩla, ukakumuĩĩka wĩĩ mukulu munsao zaakue zensi.

Luka 9:27

Nineene nukumuĩĩla ĩtai; Akoolĩ muĩa naĩĩmĩkile ĩpa nasika ikilũla kaukiu sunga auone tangua uutemi wa kĩNzua.”

Luka 4:25

Ĩpa tai namuĩĩla, “Pantondo za kĩElia alĩ akoolĩ akiĩlua iingĩ muĨsilaeli pĩna igyulu aligyalĩlue miaka ĩtatu nĩmieli mutandatu, pĩna nĩtũla nzala nkulu munsĩĩ yensi;

Luka 21:2

Numuona mukiĩlua umuĩ mutũka nuĩĩkĩla pishenti pibĩlĩ muasio.

Luka 21:4

Kuitĩ ĩa tũlũ aza iĩĩkĩla kwipũna munsao zaao nazikĩlĩkĩlĩĩle, ĩpa uyu muutũka waakue azuĩĩkile tũlũ nuzitĩĩte za kĩlĩĩsia.”