Luka 21:25 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

²⁵ “Kangĩ ukaa ikoolĩ ilĩngasĩĩlio mumpasu, mumueli, munsonda, numuna nsĩĩ luago lwa ndugu muutunduali kunsooko ya musũngũsĩko wa nanza nĩmaĩngo.

Luka 21:25 Referans Kwoze

Ukũnukulua 20:11

Namona tyengu lya kĩtemi, kyulu lielu, ninduyo nwikyalansile muliasio, ntongela yaakue ĩnsĩĩ nigyulu nazitalama, paluandĩ luao sika naigyelela kangĩ.

Utendi 2:19

Nikipũnia makula mukiania mwigyulu niilĩngasĩĩlio muna nsĩlĩlĩ ya nsĩĩ, mugali numooto numulũke wa liukĩ.

Maliko 13:26

Paasio paapo ĩkakumuona uMuana-muntu upolokile mumalũnde kungũlũ ningĩ nuukulu.

Maliko 13:24

“Ĩpa pantondo zaasio, pĩna uluago luasio lwakĩla, ĩmpasu ĩkakilyupa, numueli sika ukieelia uweelu waakue,

Matayo 24:29

Pĩna lwakĩla ulumpatĩ lwa ntondo zaasio, ĩkamuĩ ĩmpasu ĩkakĩlyupigua, numueli sika ukipũnia uweelu waakue, ninshonda zikigua kwipũna kwigyulu, ningũlũ za kwigyulu zikishũngũsĩka.

Maliko 15:33

Pĩna nayĩĩ nsaa ya mutandatu, naitũla kiiti munsĩĩ yensi, sunga kunsaa ikyenda.

Matayo 27:45

Kwipũna ĩnsaa ya mutandatu nayĩĩ kiiti munsĩĩ yensi sunga ĩnsaa ikyenda.

Luka 21:24

Ikigua kuuugĩ wiyũmba, nĩndĩo ikiguĩlua utepua nukwisholua pakatĩ ya ndugu tũlũ, niYelusalemũ ikitilangĩlua nindugu nazĩngĩ sunga pĩna matũngo ma ndugu nazĩngĩ mikikondeeligua.

Luka 21:26

ĩAntu ikia umukanka kuooa nukwilaaĩĩla impola nazijile muna unkũmbigyulu, kunsooko ingũlũ zigyulu zikishũngũsĩka.