Luka 18:7 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

⁷ nuNzua, sika ukakualigĩliane ĩkulukuuluu ĩasaagulua aakue naakumulĩĩlaa munsĩ nuutiku? Ukakuatinĩliane mumpola zaao?

Luka 18:7 Referans Kwoze

2 Petelo 3:9

ũShekulu sikutinilie kwitimĩĩlia ilyago liakue, kĩna naĩngĩ naakuũga watinia. Ĩpa ukugigimĩlagiaa kumuani, sika muloe tũlũ wensi walimĩĩle, ĩpa tũlũ ensi apikĩĩle uupeli.

Luka 11:13

Ĩpa malĩ uniinie namuabĩĩ mumanile kukuapeela ĩaana aani iipeegua naiiza, sika nangũlũne uTata nukolĩ kwigyulu ukakĩkakĩkia kukuapeela uMuau Muelu ĩo naakumulompaa!”

1 Timoteo 5:5

Ĩpa unuasio namukiĩlua wa tai-taaii namulekue wing'ene waĩĩkile uulaaĩĩli wakue mwa kĩNzua, nduyo ukĩkakagiaa muwĩneni numuulompi utiku nĩmunsĩ.

Ukũnukulua 6:10

Naalĩla kululi lukulu, naiũga, “Ee Shekulu, Muelu numukola tai, sunga nzuakĩ sikaka wilamula nukukuĩligĩlia ĩkulukuuluu ĩmĩgali yĩĩtu kuĩa naĩkikyalaa muna nsĩĩ?”

2 Atesaloniki 1:6

Kuitĩ ingĩ kulukuuluu ntongela ya kĩNzua kukualĩpa uwaagigua ĩaasio naakumuagagiaa inie;

Luka 2:37

alĩ mukiĩlua wa miaka makumi munaana nĩnĩĩ. Nasika alukulegaa muNumba ya kĩNzua ĩpa alukuuza nwilaalĩla nukwilompa nukĩtekela munsĩ nuutiku.

Matayo 7:11

Malĩ uniinie gua, namuabĩĩ, mumanile kukuapeela ĩaana aani ipeegua naiiza, sika nangũlũne uTata waani nukoolĩ kwigyulu ukakuapeelaa naiiza naakumulompaa!”

Ukũnukulua 18:20

Lumbĩkiĩ, ee gyulu, nĩeelu, nĩaatumua, nĩanakĩdagu; kuitĩ uNzua walamuĩle ulamuli waani mumuakue!”

1 Atesaloniki 3:10

utiku nĩmunsĩ nakwilompekia, koona kwĩone usiu kuusiu, nukwikondeelia nazikeepile muusuĩĩli waani?

Akolosai 3:12

Luulo gua, inie asaagulua a kĩNzua, eelu nĩaloogua, jialĩ ĩnkolo ya kĩsuusu, untu nauuza, wĩniinupia, upolo ugigimĩlia.

Alumĩ 8:33

Waani ukakuasokia ĩasaagulua a kĩNzua. ũNzua ingĩ umuene nukuaalĩĩlagiaa ĩkulukuuluu.

Ukũnukulua 7:15

Luulo gua akoolĩ ntongela ityengu lya kĩtemi lya kĩNzua, ndĩo akumutumĩlaa munsĩ nuutiku munumba yakue; ninduyo nwikyalansile mwityengu lya kĩtemi ukakikyala palumui nindĩo.

Tito 1:1

Paulo, Mwĩtumi wa kĩNzua, kangĩ mutumua wa kĩYesu Kilisito, koona ĩasaagulua a kĩNzua amĩsuĩĩle nukukumĩlĩnga ĩtai nyukumanagiaa kukumukulia uNzua.

2 Timoteo 1:3

Namusongelia uNzua nanukumutekelaa kwipũna intondo za atata aane, kumoo namuelu, pĩna iio nanukukũjukaa ue intondo tũlũ muulompi waane utiku nĩmunsĩ.

Matayo 24:22

Kanga intondo zaasio ĩsika alĩ nkaguligue, sika alĩ wijiligũnĩka kamuntu wensi. Ĩpa kunsooko ya asaagulua zikikaguligua intondo zaasio.

Matayo 24:24

Kuitĩ mĩkakigyelela maKilisito ma ulongo, nĩmanakĩdagu ma ulongo; ndazo mikitenda ilĩngasĩĩlio ikulu nĩmakula, nukukualimĩĩlia malĩĩ ishũũmikile, sunga ĩasaagulua.

Luka 21:28

Ĩpa impola izi pĩna zikiandia kukigyela, langamĩlĩ kwigyulu nukwinansula ĩmatũe maani, kunsooko uukomolua waani wasũgamĩĩlaa.”

2 Timoteo 2:10

Iio gua, nagigimĩlia tũlũ kunsooko ya antu naeelu naasaagulue, ĩo ndĩo aligie uugũnua nawĩĩlĩ mwa kĩKilisito Yesu Palumuĩ nuukulu wakalĩ nakalĩ.

1 Petelo 1:1

Petelo, mutumua wa kĩYesu Kilisito, namuandĩkĩla inie asaagulua namwikyalile zĩ agenda nukwishapatĩla kuasio kuPonto, nĩGalatia nĩKapadokia nĩAsia nĩ Bitinia.