Luka 18:1 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

¹ Nuaĩĩla mpiani ya kĩna ijĩpĩĩle kukumulompa uNzua intondo tũlũ, sunga aleke kũtia ĩnsula.

Luka 18:1 Referans Kwoze

Akolosai 4:2

Ĩkakĩkiĩ muulompi, ĩmwikyalile nuukenge muwaasio nukwishongelia,

Alumĩ 12:12

Kuulaaĩĩli, ĩmwilumbĩĩlia; munzago, ĩmugigimĩĩlie; muulompi, ĩmusikitĩĩle.

1 Atesaloniki 5:17

Lompĩ, mulekikatala.

Apilipi 4:6

Muleke kĩkunkunalia kulukaani luensi, ĩpa muluensi kuulompi nukwinena palumuĩ nĩmasongelio, uusiio waani wigyelele kwa kĩNzua.

Aepeso 6:18

Lompĩ matũngo mensi mwa kĩMuau, ĩmwinena nukwipeepia. Kangĩ kunsooko ya nkaani izi, mũkyale nuukenge ĩmwĩkamatĩkilie dũũ nukukualompela ĩeelu ensi.

Luka 21:36

Kyalĩ nuukenge gua matũngo mensi nukwilompa, koona muligie ngũlũ kwimanka kwipũnĩĩla muaya tũlũ namĩkakigyela, nukwiĩĩmĩka ntoongela ya Muana-muntu.”

Agalatia 6:9

Kulekikatala kwitenda naiiza gua, kuitĩ pityũngo liakue kukiogola kanga kulekitia nsula.

2 Akolinto 4:1

Iio kunsooko kuapeegue uwĩtumi uu kĩna kuakolelue kĩnishungu, sika kwitia kansula.

Akolosai 4:12

uEpafula nwa kunsiani, mwĩtumi wa kĩYesu, ukumulamukia; ukĩkamatĩkagiaa intondo tũlũ kunsooko yaani muulompi waakue, koona muĩmĩke ke, akamĩnkĩĩlũ, mulĩngĩkie uulooa tũlũ wa kĩNzua.

Luka 11:10

Kuuitĩ wensi nukulompaa ukuanũnkulaa, ninduyo nukudũũmaa ukuonaa, ninduyo nukuũgagiaa ukigwĩlagua.