Luka 16:9 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

⁹ Nineene namuĩĩla, ĩpaĩlĩ ĩkĩsuakĩĩa kunsao nasika za kulukuuluu koona pĩna zijiliula, amusũgamĩĩlie muwikyalo waao uwa kalĩ nakalĩ.

Luka 16:9 Referans Kwoze

Matayo 19:21

ũYesu numuĩĩla, “Kanga ĩusiiile kwitũla mukamĩnkĩĩlũ, longola ugulie nutĩĩte, uapeele ĩatũka; ninduue ukitũla utĩĩte ĩkĩuto kwigyulu; kangĩ nzuu, ntiata.”

Matayo 6:24

“Kutilĩ nusũũmile kukuatumĩla ishekulu abĩlĩ. Kuitĩ ukakumusuukĩlua uyu nukukumuloogua uyu, katia ukikamantana nĩnduuyu nukukumumela uyu. Sika musũũmile kukumutumĩla uNzua nĩmamona.

Luka 16:11

Kangĩ malĩĩ uniinie sika muasuĩĩli munsao nasika za kulukuuluu, waani ukakumusuĩĩla munsao za tai.

Luka 14:14

ninduue ukitũla muliukũ kunsooko ĩaasio agila kya kukushookelia; kuitĩ ukishookeligua muwiiuki wa akola kulukuuluu.”

Luka 12:33

Guliĩ namutĩĩte, mupũnie ĩsadaka. ĩzĩpĩliĩ iidanda nasika yukukulupala, kĩuto nasiika kyukukeepa mwigyulu pĩna sika yukusũgamĩĩlaguaa numuii, sunga ĩmpekũnĩ sika yukoononaa.

Luka 11:41

Ĩpa pũniĩ ĩsadaka nya munsĩ; laaa, tũlũ yaazaa yeelu kumuani.

2 Akolinto 4:17

Kuitĩ injago zĩĩtu nampeepeele ĩzityũngo niino zukukuligĩlagiaa uukulu naukĩlĩkĩlĩĩle, naugila kiyalo, uwa kalĩ nakalĩ,

Luka 16:13

Kutilĩ umwĩtumi nusũũmile kukuatumĩla iShekulu naabĩlĩ, kuitĩ katia ukakumusuukĩlua umuĩ nukukumuloogua umuua, katia ukikamantana nuumuĩ nukukumumela umuua Sikaka musũũmile kukumutumĩla uNzua nĩmamona.”

Utendi 10:31

nuũga, ‘Kolinelio, uulompi waako wiigagiguaa, nishadaka zaako zijukaguaa ntongela ya kĩNzua.

Matayo 6:19

“Muleke kĩĩĩkĩlia ĩkĩuto muna nsĩĩ, impekũni nuũũluĩ pĩna yukoonoonaa, nĩiii akutiaa nukwiiia.

Yuda 1:21

Ĩkendegeelĩ muuloogua wa kĩNzua; ĩmulindĩĩle ĩkĩnishungu kwa kĩShekulu wĩĩtu Yesu Kilisito sunga kuupanga wa kalĩ nakalĩ

Utendi 10:4

Numutuupĩĩla dũũ, noopooka pũũ; nuũga, “Yaani Shekulu.” Numuĩĩla, “uUlompi waako nishadaka zaako zapikile kukiania, zaalĩĩ kijukĩlo ntongela ya kĩNzua.

Luka 16:4

Nalĩngaa kĩna nikitenda koona pĩna nikileegigua muulindĩlĩ waane, ĩantu ansũgamĩĩlie munumba zaao.