Luka 13:25 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

²⁵ Kwipũna paapo pĩna umukola numba ukiuuka nukukulũgyalĩla uluĩgĩ, niniinie mukiĩĩmĩka kunzi nukukinintia paluĩgi ĩmwiũga, ‘Shekulu, ukũgyuĩle,’ ninduyo ukishookeelia wamuĩĩle, ‘Sika numuĩzĩ kĩna mupũnile.’

Luka 13:25 Referans Kwoze

Luka 13:27

Ninduyo ukiũga, ‘Namuĩĩla, sika numuĩzĩ kĩna mupũnile. Legĩ kumuane inie tũlũ naalĩ mukutendaa namabĩĩ!’

Luka 6:46

“Nĩkĩ gua mwinjĩta ‘Shekulu, Shekulu,’ ĩpa nanitambula sika mwitenda.

Matayo 25:41

“Paapo ukakuaĩĩla naĩĩlĩ pamukono wa kĩkĩĩma, ‘Legĩ kumuane namwazũmilue; ingĩlĩ mumooto wa kalĩ nakalĩ, naalĩ mukoleleligue ũShetani nĩamalaĩka aakue.

Aebulania 12:17

Kuitĩ mumanile ya kĩna pĩna alusiiile pembele kwishaala uukembetua nusiitĩligua; kuitĩ sika nuona kalioma lya kupela, kanga, ĩalĩ ulĩduumikilie kumisholi nakĩĩ.

2 Akolinto 6:2

Kuitĩ uũgile, “Mwityũngo naalĩ gyombigue alĩ nukũgyũũlilie, Palutondo lwa ugũnua nanukualĩĩlia.” Laaa, ityũngo nigyombigue ingĩ ino-iinoo; laaa, ulutondo lwa ugũnua ingĩ nantende.

Luka 3:8

Pĩĩ gua inkali nazijĩpĩĩle uupeli; kangĩ mulekiandia kwitambula munkolo zaani, ‘Kutĩĩte utata, nduyo;’ uIbũlahimu, kuitĩ namuĩĩla kĩna uNzua usũũmile muna magũe aya kukumunansulĩlia uIbũlahimu ĩaana.