Luka 13:11 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

¹¹ Laaa, alukoolĩ musungu naalutĩĩte ĩlĩsĩĩmuĩ lya uneketũ ĩmiaka kyumi namunaana, ninduyo alĩ wĩpetile, sika alusũũmile kwigoloka.

Luka 13:11 Referans Kwoze

Luka 8:2

nĩasungu ĩĩa naalĩ akamigue ĩmasĩĩmuĩ nĩmauluĩle; nĩndĩo alĩ Malia nukuĩtaguaa Magidalene naalĩ mupũnue nĩmasĩĩmuĩ mupũngatĩ,

Luka 13:16

Numusungu uyu namuana wa kĩIbũlahimu, ũShetani nwamutũngile kumiaka kyumi namunaana, sika aza ijĩpĩĩlene watũnguĩlue muutũngua uu palutondo lwa wikyali?”

Luka 8:27

Nunduyo pĩna nupika kwityumbĩ, naataagana numuntu wa kaa niasio nutĩĩte masĩĩmuĩ, sika alukĩtũngaa kantiila ntondo ningĩ, sunga sika alukikyalaa munumba ĩpa paibĩĩla.

Utendi 4:22

Kuitĩ umuntu naalĩ mutendelue ĩkĩlĩngasĩĩlio kya kukamigua, ĩmiaka yaakue alĩ ĩkĩlile makumi manĩĩ.

Luka 8:43

Nuuza numusungu naalukupũnagiaa ĩmĩgali miaka kyumi nĩbĩlĩ, sika nusũũma kwikamigua numuntu wensi;

Maliko 9:21

Numukolia ũshee, kwipũna nzalĩ nualĩĩ itĩ? Nuũga, kwipũna uug'inia waakue.

Utendi 3:2

Numuntu umuĩ naalĩ munakĩtele kwipũna mundaa ya kĩnina alukukenkaguaa nĩantu, numuĩĩka pamulango wa Numba ya kĩNzua naukuĩtagũaa Muuza, walompe iipeegua kuantu naiingĩla muNumba ya kĩNzua.

Matayo 4:23

Nduyo alukupilimaa muGalĩlaya yensi, nwimania mumasũnagogi maao nukwitanantia iMpola naNziiza za utemi, nukwikamia uuluĩle wensi nĩmaulemua mensi muantu.

Luka 13:12

ũYesu pĩna numuona, numuĩta numuĩĩla; “Maau, watũnguĩlaguaa muuneketũ waako.”

Luka 21:28

Ĩpa impola izi pĩna zikiandia kukigyela, langamĩlĩ kwigyulu nukwinansula ĩmatũe maani, kunsooko uukomolua waani wasũgamĩĩlaa.”