Luka 11:42 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

⁴² “Ĩpa ukĩa kumuani Apalisayo, kuitĩ mukupũnagiaa ityũmpĩ likyumi lya ntole nĩmĩng'ang'ĩ ninani zensi. Paapo namulekile ĩkulukuuluu nuulooa wa kĩNzua; izi zimũjĩpĩĩle kukuzitenda nĩnazĩngĩ mulekigumanĩĩlia.

Luka 11:42 Referans Kwoze

Matayo 23:23

“Ukĩa kumuani alangi nĩApalisayo, anamampĩlu! Kunsooko mukupũnagiaa tyũmpĩ likyumi lya ulũmba nintole numulenge, namugumanĩĩlia inkaani nankulu ĩza Ulagĩĩlio kulukuuluu, nĩkĩnishungu, nuusuĩĩli; izi zimũjĩpĩĩle kukuzitenda nĩnazĩngĩ mulekigumanĩĩlia.

Luka 18:12

Ĩne nukulaalĩlaa nkua zibĩlĩ kwijũma; nukupũnagiaa ityũmpĩ likyumi muuligia waane tũlũ.

1 Yohana 4:20

Wensi kanga waũge; “Namuloogua uNzua,” ninduyo ĩumusuukĩĩlue umunũna waakue, uyu ingĩ mulongo; kuitĩ nasikumuloogilue umunũna waakue numuoonie, sika wishũũma gua, kukumuloogua uNzua nasikumuoonie.

Matayo 23:27

“Ukĩa kumuani alangi nĩApalisayo anamampĩlu! Kuitĩ mwĩpianile niibĩĩla naipakue ĩnkenke, ndio kunzi igyelĩĩle iiza, ĩpa munsĩ ijuile ĩmakũpa ma akiu nuudobũ wensi.

Yohana 5:42

Ĩpa numumanile kĩna muagila kauloogua wa kĩNzua munsĩ yaani.

Matayo 23:13

“Ukĩa kumuani alangi ĩApalisayo, anamampĩlu! Kunsooko mukuadadĩĩla ĩantu uutemi wa kwigyulu; inie uniinie sika mũingĩla, sunga naiingĩla sika mukualegela ingĩle.