Luka 11:4 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

⁴ Ukulegelie ĩmĩlandu yĩĩtu kuitĩ ishie nindiishie kukumuleegelagiaa ĩmĩlandu wensi nukutimulĩĩle; Uleke kukutuala muugemua.”

Luka 11:4 Referans Kwoze

Matayo 26:41

Kyalĩ nuukenge nukwilompa, mulekiingĩla muugemua. ĩNkolo ndoogue, ĩpa umuĩlĩ muneketũ.

Akolosai 3:13

Ĩmukĩgigimĩlia nukukĩlekela kanga ĩutĩĩte ulukaani lwa kumukosia umuua; kĩna ũShekulu alumulekĩĩle inie, niniinie mutende iio.

Matayo 18:35

Iio-iioo nuTata waane nwa kwigyulu ukakumutendela inie, malĩĩ ĩsika mulekĩĩle kunkolo zaani muntu wensi umunũna waakue.”

Yakobo 2:13

Kuitĩ uulamuli ugila kakĩnishungu mumuakue nasikukulagĩĩlaa ĩkĩnishungu; ĩkĩnishungu kyukuudulaa uulamuli.

2 Timoteo 4:18

ũShekulu ukindeegia kwipũna muubĩĩ wensi nukwingũna kuutemi waakue wa kwigyulu. Kumuakue wĩĩ ukulu ĩkalĩ nakalĩ. Amini.

2 Atesaloniki 3:3

Ĩpa ũShekulu ingĩ wa usuĩĩli; nukakumukamĩnkĩĩlia inie nukukumulindĩĩla kuMubĩĩ.

1 Akolinto 10:13

uUgemua sika alĩ umuligilie inie isiititũla alĩ umuendile muumo mukĩuntu, nuNzua ingĩ wa usuĩĩli, sikukakumuleka mugemue kwikĩlĩkĩĩla muna musũũmĩĩle; ĩpa palumuĩ nuugemua ukuzĩpagiaa ĩnzila ya kutalamĩla musũũme kwigigimĩlia.

Yohana 17:15

Sika nilompa ualeegie muna unkũmbigyulu, ĩpa uakendegeele kumubĩĩ.

Luka 22:46

Nuaĩĩla, “Nĩkĩ mwagonaa indoolo? Uukĩ mulompe mulekiingĩla muugemua.”

Luka 8:13

Nĩaasio mwipyampa ingĩ aao naakũigagiaa naaluanũnkula ulukaani kuulumbi; nĩndĩo agila kamĩli, naasuĩĩla kwityũngo niino, numwityũngo lya ugemua naĩkamatula.

Ukũnukulua 3:10

Kuitĩ alulukendegelĩĩle ulukaani lwa ugigimĩlia waane, nineene nĩkakukulindĩĩla mwityũngo lya kugemua nalĩpiipĩ kukuwaagaana uunkũmbigyulu tũlũ kukuagema naakikyalaa muna nsĩĩ.

Ukũnukulua 2:10

Ulekioopooka inkaani nazĩkakukuagaana. Laaa ũShetani ukitũla kumugumĩla namuĩngĩ mumiani mukĩtũngo koona mugemue, niniinie mukitũla ninjago intondo kyumi. Wĩĩ musuĩĩli sunga ĩnkia, nineene nĩkakukupeela ĩngala ya upanga.”

Luka 11:5

Nuaĩĩla, “Waani kunsiani nutĩĩte umusuamuua nukumuagaanaa muutiku wa katĩ nukukumuĩĩla, ‘Musuamuua waane, ndĩe mpaa ya mapũli matatu,

Luka 13:4

Katia ĩaasio naikyumi namunaana naalĩ atũlatĩĩligue nĩnumba nandĩĩpũ uko kuSoloamu nĩaulaga, musĩĩgilene ya kĩna ĩaasio alĩ atimuli kwikĩla ĩantu tũlũ naĩngĩ naalĩ ikyalile mũYelusalemũ?