Luka 1:6 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

⁶ Tũlũ ensi abĩlĩ alĩ anakulukuuluu ntongela ya kĩNzua, naĩkamatĩkia mumalagĩĩlio mensi numuulagĩĩligua wa kĩShekulu, naĩĩ agila kishokio.

Luka 1:6 Referans Kwoze

Apilipi 2:15

mutũle aana a kĩNzua naagila kishokio sunga utiulia, naagila kakĩlema pakatĩ ya wĩleli uu naukakũ kangĩ nauleki, pakatĩ yaao ĩmwigyelĩĩle zĩ weelu muna unkũmbigyulu,

Utendi 24:16

nineene nĩkakilie intondo zensi nĩĩ numoo naugila kukũmpia naĩngĩ ntongela ya kĩNzua nĩantu gaa.”

1 Atesaloniki 3:13

Itĩ yoi wazĩtende inkolo zaani zitũle nkamũ, ĩmuagila kishokio muweelu ntongela ya kĩNzua Tata wĩĩtu, pĩna ũjiliiiza ũShekulu wĩĩtu Yesu palumuĩ nieelu aakue tũlũ.

1 Yohana 2:3

Muasio kukulĩngĩlaa kĩna kumulĩngile, kanga kumakendegeele ĩmalagĩĩlio maakue.

2 Petelo 3:14

Luulo gua aloogua, kunsooko mulaaĩlĩĩle ĩzaasio, ĩkamatĩkiĩ koona mwigyelele kĩna muagila kakĩlema sunga kibyado ntongela yaakue mumatiliga.

1 Yohana 3:7

Ana ane, wensi waleke kumulimĩĩlia; wensi nukutendaa ĩkulukuuluu ingĩ munakulukuuluu, kĩna umuene namunakulukuuluu.

1 Yohana 2:29

Kanga ĩmumanile kĩna uzo ingĩ munakulukuuluu, lĩngĩ, kĩna wensi nukutendaa ĩkulukuuluu mulelue ninduyo.

Akolosai 1:22

mumuĩlĩ wa kĩuntu kiakue, kunzĩla ya nkia yaakue, koona wamuleete inie ntongela yaakue mwĩeelu, muagila kakĩlema sunga kimyelo,

2 Akolinto 1:12

Kuitĩ kukĩkũmazukia kumuĩtu nsuuku, uukuĩli wa mioo yĩĩtu ingĩ kuweelu nuugolokũ naupũnile kwa kĩNzua, sika kumasala ma kĩmuĩlĩ, ĩpa kuukende wa kĩNzua alĩ kwikyalile muna unkũmbigyulu, nangũlũ gua kunsiani inie.

1 Akolinto 11:2

Numukũmazukilie gua, kuitĩ mwinjukile mumpola zensi, niniinie muuziambile intendo kĩna iio-iioo naalĩ numupũnĩĩlie.

Utendi 23:1

uPaulo nuatuupĩĩla ĩakulu ilindĩ, nuũga; “Agoosia anũna aane, ine kumoo namuelu nikyalile ntongela ya kĩNzua sunga nantende.”

Luka 16:15

Nuaĩĩla; “Inie niinie mukĩpeelaa ĩkulukuuluu ntongela ya antu, ĩpa uNzua ulĩngile inkolo zaani; kuitĩ nalukuligue pakatĩ ya antu lukutũla uĩĩpĩlua ntongela ya kĩNzua.

Luka 1:7

Nĩndĩo alĩ agila kamuana kunsooko uElizabeti alĩ mugumba, ndĩo tũlũ muubĩlĩ alĩ akombitile.

Luka 2:25

Laaa, alukoolĩ muntu mũYelusalemũ ĩliina liakue Simoni, nduyo alĩ muntu wa kulukuuluu mukulia-Nzua nulaaĩlĩĩle uupumbuligua wa Ĩsilaeli, nuMuau Muelu alukoolĩ mumuakue.

Utendi 2:25

Kuitĩ uDaudi uũgile mumpola zaakue, ‘Kuuzaa numuoonie ũShekulu ntongela yaane intondo zensi, Kunsooko wĩĩlĩ pamukono waane wa kĩgoosia ndekishũngũsĩka.

Utendi 8:21

Umugila kaukamantani katia tyũmpĩ muna lukaani ulu, kuiti ĩnkolo yaako sika ngolokũ ntongela ya kĩNzua.

Alumĩ 8:4

koona ĩkulukuuluu nandagĩĩligue nuUlagĩĩlio ĩtimĩĩligue munsĩ yĩĩtu nasika kukugendelaa kwitiata ĩza kĩmuĩlĩ ĩpa ĩza kĩMuau.