Luka 1:22 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

²² Pĩna nupũna sika nusũũma kukĩtambuĩla nĩndĩo, naalĩnga ya kĩna azuoonie kyula munumba ya kĩNzua. Nduyo nuatambulĩla ĩmĩkono, kunu namunakĩmũũmĩ.

Luka 1:22 Referans Kwoze

Luka 1:62

Naamukolia ũshee kunzĩla ya mĩkono muloe wĩitue liina kĩ.

Utendi 21:40

Pĩna numupeela ĩlioma, uPaulo nuĩmĩka paunankĩlĩlo nwĩaangaazĩlia umukono ĩantu; pĩna naatuulia, nuĩ kuatambuĩla kuntambo ya kĩEbũlania nwiũga,

Utendi 19:33

Naamupũnia uAlekizando, ĩAyahũdi naamuĩĩka ntongela ya antu. uAlekizando nwĩangaazĩlia umukono, nuusiia wĩnene ntongela ya antu.

Utendi 12:17

Ninduyo nuaangaazĩlia umukono atuulie, nuaganuĩla kĩna ũShekulu azumupũnilie mukĩtũngo, nuũga. Mumuĩĩle uYakobo nĩanũna impola izi. Nulega, nuenda pĩngĩ.

Yohana 13:24

Iio uSimoni Petelo numuangaazĩlia umukono, numuĩĩla, “Mukolie waani nukumugamba.”

Luka 1:21

ĩAntu naalĩ amutũngĩĩle uZakalia naakulĩlua uutinia waakue muasio muNumba ya kĩNzua.

Luka 1:23

ĩNtondo za upolia waakue pĩna naziula, nulongola kukaa yaakue